Популарни Библиски стихови од Loma 3

Taumiya bale'u maudoida tauyababa, na tamiya wahi Yaubada yana wasawasa ainaena. Na hesi Yaubada yana aiyauya ve'i'ilaena maudoida imwau yedumwalugita Yeisu Besinana ainaena ta ihahaloigitane.

Yaubada tomowa imwau yedumwalugita yada yemidi ainaena Yeisu Besinana ainai. Teina dova Yaubada ipaihowai maudoida Yeisu Besinana ana tauyemidiwo alidai wuwuna nigele teya ana vagavaga.

Na Yaubada Natuna i'aiyauyanei ta 'wahinanaena ilauvaigita Yaubada ainai baidada tave'au'augelu, neta ebe Yeisu tayemidiyei. Teina Yaubada ipaihowai ta ainaena ive'itagita ebeha iya taudumwalu, wuwuna mwalona tomowa yadi yababao i'itadi'waidi na i'alama'i'ita ana higa Yeisu Besinana ivetamalenama alidai. Eeta teina hauga Yaubada ive'itagita ebeha ibom taudumwaluna, ta Yeisu ana tauyemidiwo ita i'awa dumwaluwegitai.

Wuwuna mata nigele yaiya teya iwalo, ‘Yaubada mehenai yau yadumwalu wuwuna yana loina hava iwalowalowei maudoina yamulimulitaei’. Loina yana paihowa tomowa ipaihowaidi ta hi'itauyoidi ebeha bada hiyababa'o.

Dova Buki Ve'ahihi yana walomahalava iwalo: ‘Nigele teya yana mumuga dumwaluna. Nigele alili. Nigele hinage teya yaiya iyahanapui, ta nigele teya yaiya Yaubada iyabehabehaei. Eeta, tomowa maudoidi bada hilau hapuli'o ta amwaha yababana ainai himahalava'o. Nigele teya hinage yana paihowa namwanamwana. Nigele alili.

Ainaena ta'ita lobai neta tomowa yada yemidiyena Yaubada mata i'awa dumwaluwegita, na nigele loina ana awa'abi ainaena.

Mata nigele! Bwagana tomowa maudoidi hi'oya'oyama na Yaubada mata nigele iya'oyama. Dova Yaubada yana Buki ainai hilele hiwalo, ‘Yam walo aidiyai ebeha tomowa hi'awa dumwaluwego. Lauvetala ainai yam walo hidumwalu ta havena tomowa hiwalo au'auhi.’