Популарни Библиски стихови од Paihowa 2

Сподели

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

ta sitagwala moisa tohepwailedi 'idi he'itao 'oidiya ma sihe'iya'iyagu moisa, ma si'ai mahemahetena, ta wete si'ahwa'ahwanoi Yehoba 'oina.

Coinega mabwaiyadi Yaluyaluwa Tabuna 'ilohemahediya, ta sihegaina ma hali 'enana ma hali 'enana 'oidiyega sigwaegwae, beno Yaluyaluwa Tabuna 'ina waiwaiyega.

ma hadai simiyamiya, ma galewega 'aigeda dagugu gide wediliya madouna sihesagoheya, ta 'idi hada 'alona gesowana ma to'aha wete sihesagohe, ta ginaula 'aigeda si'iteya 'ana 'ita gide 'aiwe ninininimina, ma 'alataedi sitowa 'aigeda 'aigeda debadiya. Coinega mabwaiyadi Yaluyaluwa Tabuna 'ilohemahediya, ta sihegaina ma hali 'enana ma hali 'enana 'oidiyega sigwaegwae, beno Yaluyaluwa Tabuna 'ina waiwaiyega.

Coinega sabwelo 'aigeda 'aigeda 'oidiya ma'idi 'atetagwala sitapwatapwalolo Hada He'asisi 'oina, ma taudi 'idi hada ma'idi yaliyaya si'ai hegogona, ma Yehoba sihehepwatuwe. Ta hesi tomota mabwaiyana tohemisaowedi si'ahwa bwebwe'anediya. Ma sabwelo 'aigeda 'aigeda 'oidiya Yehoba tupwana tomota wete 'i'abi'abihetedi, ta tohekalesiyao 'adi baibaiwa 'imadomadou.

'Yehoba 'ina hepwaila bewa gidemusa 'igwae: Cabwa sauga 'ana 'ebelosaloha 'oina, Yaluyaluwagu yalosiwa tomota mabwaiyadi 'oidiya, ma natumiyao loheyadi nuwana natumiyao wahinedi siloguguya, ta 'imi hewahewaliyao si'eno mata'ita'ita, ta 'imi babadao sinihi.

Ma tohemisaowedi taudimo sihegogonedima, ta 'idi tobwatobwao sitagwalediya ma 'abehega tomota mabwaiyadi 'idi tobwatobwa. Ta 'eguma 'idi 'ebeloina 'asai simiyamiya sihegimwaneyedi ta ginaulaedi 'adi maisega siheguyaiyedi taudi geya 'idi tobwatobwaomo 'oidiya.

Ta 'eguma taiyawedi Bada saninega sibwaubwau nata 'i'abihetedi.’”

ta sinala 'iguguyou, ta wai'ena 'ana 'ita 'ihebweyaha, ma muliyetega Bada 'ina sabwelo 'ebe matauta 'ilatu.