The Colloquial Galilean Bible (CGB) is an easy Bible to understand, particularly for children and youth. It is free in audio, video, and text. For free access or to support our ministry, contact us at www.aibible.org.
الكتاب المقدس (العهد الجديد) باللهجة العامية الجليلية هو كتاب سهل الفهم خاصة للأطفال والشباب. ونصوصه متوفرة مجانا في صيغ صوتية ومرئية ونصية. للحصول على هذه النصوص أو لدعم خدمتنا، الرجاء زيارة موقعنا على العنوان التالي:
www.aibible.org

ترجمة الكتاب المقدس باللهجة العامية الجليلية

وفي هداك الوقت اجا يوحنا الـمعمدان يوعظ في برية اليهودية. قال: ارجعوا لألله لأنو ملكوت السماوات قرب ييجي. يوحنا المعمدان هو الشخص اللي حكى عنو النبي إشعياء وقال: إنسان في البرية بنادي وبقول حضروا طريق الرب واعملوا الطُرق قدامو دغريه. وكانت أواعي يوحنا من وبر الجمال وكان لابس قشاط جلد عخصرو وكان يوكل جراد وعسل بري. وأجو لعندو كثير ناس من أورشليم واليهودية ومنطقة نهر الأردن. اعترفو بخطاياهن وعمدهن يوحنا في نهر الأردن. كتار من جماعة الفريسيين وجماعة الصدوقيين اجو للمعمودية. فقالهن يا ولاد الحيايا مين علمكو تهربو من الغضب اللي جاي عن قريب؟ خلو توبتكو تطلّع ثمر منيح. تطمنوش حالكو بالكلمات: ابونا هو إبراهيم لأنو الله بيقدر يطلّع من هذه الحجارة عيلة لإبراهيم. وإسه الفاس راح تضرب الشجرة على الجذر. وراح تقطع كل شجرة بطلعش ثمر منيح وبعدين راح تنكب الشجرة في النار. انا استعملت المي وعمدتكو عشان تعيشو حياة التوبه بس اللي بيجي بعدي راح يعمدكو بنار الروح القدس. هو أعظم مني وبستَحِقش احمل صندلو المجرفه بإيدو عشان يفصل القمح عن قشرو ويجمع قمحو للمخزن والقشر بحرقو بنار بتطفيش.
وفي هداك الوقت سافر يسوع من الجليل لنهر الأردن عشان يعمدو يوحنا. ما قبلش يوحنا وقالو: انا محتاج إنك انت تعمدني وإنت جاي عندي عشان أعمدك؟ جاوبو يسوع وقالو: اعمل إسه شو بقولك لأنو هيك لازم نعمل كل اللي بدو إياه الله. فقبل يوحنا ورد عليه. وأول ما طلع يسوع من مية المعمودية انفتحت السما وشاف يسوع روح الله نازل عليه زي ما بتنزل الحمامة وحل عليه الروح. ووقتها اجا صوت من السما وقال: هذا هو ابني اللي بحبو واللي ببسطني.

Слушни за متى 3