Zakaria 5
5
Fisehoana hita fahenina: ilay boky manidina
1Natopiko indray ny masoko, ka nahita aho: Ary indro nisy horonan-taratasy nanidina#5,1-4 Ny lazaina eto (and 1-4), dia tsy maintsy ho masina sy tsy hanam-pahotana ny olona tsirairay avy, amin’ny vahoakan’Andriamanitra vaovao; ary toy izany koa ny firenena manontolo (5-11).. 2Ary hoy izy tamiko: «Inona no hitanao?» Ka hoy aho: «Horonan-taratasy manidina, roapolo hakiho ny lavany, folo hakiho ny sakany, no hitako.» 3Dia hoy izy tamiko: «Io no ozona mivoaka ho eo ambonin’ny tany rehetra; fa araka ny voasoratra ao, izay rehetra mangalatra, hosorohina hiala eto; ary araka ny voasoratra ao, izay rehetra mianiana hosorohina hiala eto. 4Izaho no nandefa izany ozona izany, - teny marin’i Iavehn’ny tafika, - ka ho tonga ao amin’ny tranon’ny mpangalatra sy amin’ny tranon’ny mianiana tsy tò amin’ny Anarako, dia hitoetra ao afovoan’izany trano izany ary handevona azy mbamin’ny hazony sy ny vatony.»
Fisehoana hita fahafito: ilay vehivavy anaty vata famarana
5Niseho indray ilay Anjely niresaka tamiko, ary nanao tamiko hoe: «Atopazo ny masonao, ka jereo io miseho io.» Dia hoy aho: «Inona io?» 6Ary hoy izy: «Ny efah#5,6 Efah: 8 litatra. - Mifantoka amin’io avokoa ny fijerin’izy ireo: tsy mihevitra afa-tsy ny varotra sy ny raharahan’ny tany. no miseho»; sady nampiany hoe: «Mifantoka amin’io avokoa ny fijerin’izy ireo, any amin’ny tany rehetra.» 7Ary indro nisy vongam-pìraka boribory naingaina, ary nisy vehivavy anankiray#5,7-8 Nisy vehivavy anankiray, vehivavy manambara ny haratsiam-panahy. nipetraka teo afovoan’ny efah. 8Dia hoy izy hoe: «Io vehivavy io no haratsiam-panahy.» Dia natosiny ho ao afovoan’ny efah#5,8 Natosiny ho ao afovoan’ny efah. Ao amin’io trano maizina io no tsy maintsy iandrasan’io vehivavy io ny famaizana azy, fa horoahina hiala amin’ny tany masina izy io. izy io, sady natontany teo am-bavan’io ilay vongam-pìraka.
9Ary natopiko ny masoko, dia nahita aho. Ary indro nisy vehivavy roa niseho, ka ny rivotra, nitsoka tamin’ny elany; nanana elatra toy ny an’ny vano izy; ary ny efah nentiny ho eo anelanelan’ny lanitra sy ny tany. 10Ka hoy aho tamin’ilay vehivavy niresaka tamiko: «Hoentiny ho aiza ity efah?» 11Dia hoy ny navaliny ahy: «Hoentiny hanaovan-trano ho azy, any amin’ny tany Senaara#5,11 Senaara: Babilôna., ka rehefa voaorina izany, dia hapetraka ao izy, ao amin’ny fitoerany#5,11 Dia hapetraka ao izy, ao amin’ny fitoerany: Dia hatao babo izy any amin’ny tanin’ny Jentily, ka ao no fitoerany mandrakizay; fa voaesotra tsy ho isan’ny vahoaka masina intsony izy na oviana na oviana..»
Voafantina amin'izao fotoana izao:
Zakaria 5: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.