Zakaria 4
4
Fisehoana hita fahadimy: ny fanaovan-jiro sy ireo fototr’ôliva#4 Hatsangana indray ny fanjakana: ka i Zôrôbabela no ho mpanjaka.
1Niverina ilay Anjely niresaka tamiko, ary nofohaziny, toy ny famoha olo-matory, aho, 2sy nilazany hoe: «Inona no hitanao?» Ka hoy ny navaliko azy: «Nahita aho ka inty fanaovan-jiro maro rantsana#4,2 Fanaovan-jiro maro rantsana. Tao an-tampon’ny fanaovan-jiro nisy tavy diloilo, ary fantsona fito izay nidinan’ny diloilo mankao amin’ny lalampy fito. iray, tena volamena izy manontolo misy tavy eo an-tampony, mitondra lalampy fito amam-pantsona fito avy amin’ireo lalampy eo an-tampon’ny fanaovan-jiro. 3Ary hazo ôliva roa no manotrona azy, ny iray eo ankavanan’ny tavy, ary ny iray eo ankaviany.»
4Dia notohizako ny teniko, ka hoy aho tamin’ilay Anjely niresaka tamiko: «Inona no hevitr’ireo zavatra ireo, tompoko?» 5Namaly ilay Anjely niresaka tamiko ka nanao tamiko hoe: «Tsy fantatrao va ny hevitr’ireo zavatra ireo?» Ary hoy ny navaliko azy: «Tsia, tompoko.» 6Dia namaly niteny ilay Anjely ka nanao tamiko hoe:
Teny telo momba an’i Zôrôbabela
«Izao no tenin’i Iaveh tamin’i Zôrôbabela, izany hoe: Tsy amin-tafika na amin-kery, fa amin’ny Fanahiko, hoy i Iavehn’ny tafika. 7Iza moa ianao, ry tendrombohitra lehibe#4,7 Ry tendrombohitra lehibe. Ny asa tsy maintsy ataon’i Zôrôbabela no oharina amin’ny tendrombohitra; ary amin’ny fanampian’ny Fanahin’Andriamanitra, dia manjary tany lemaka miravona tsara io tendrombohitra io., eo anoloan’i Zôrôbabela? Ho tany lemaka ihany ianao. Ary izy hanangana ny vato hatao tendrony#4,7 Ny vato hatao tendrony: Lakilen’andohalambo., eo amin’ny fihobiana hoe: ‹Fahasoavana, fahasoavana anie ho ao aminy!› »
8Tonga tamiko ny tenin’i Iaveh nanao hoe: 9Ny tanan’i Zôrôbabela no nametraka ny fanorenan’ity trano ity, ary ny tanany koa no hamita azy; ka dia ho fantatrao fa i Iavehn’ny tafika no naniraka ahy ho aminao. 10Fa iza no hanamavo ny andron’ny zava-madinika? Hifaly izy ireo mahita ny pilao eny an-tanan’i Zôrôbabela.
Ireo lalampy fito ireo, dia ny mason’i Iaveh mitety ny tany rehetra.
11Dia niteny indray aho, ka nanao taminy hoe: «Inona ireto ôliva roa, eo ankavanan’ny fanaovan-jiro sy eo ankaviany?»
12Mbola niteny fanindroany koa aho, ka nanao taminy hoe: «Inona ireo sampahon’ôliva roa eo amin’ny lantônoara volamena, ikararànam-bolamena, ireo?» 13Niteny tamiko izy nanao hoe: «Tsy fantatrao va ireo?» Ka hoy ny navaliko azy: «Tsia, tompoko.» 14Ary hoy izy tamiko: «Ireo no zanaka roan’ny fanosorana#4,14 Ireo no zanaka roan’ny fanosorana: Ny olona roa voahosotra, ny iray voahosotra ho mpisorona dia i Jesosy, ary ny iray vaohosotra ho mpanjaka, dia i Zôrôbabela., izay mitsangana eo akaikin’ny Tompon’ny tany rehetra.»
Voafantina amin'izao fotoana izao:
Zakaria 4: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.