Zakaria 6
6
Fisehoana hita fahavalo: ireo kalesy
1Natopiko indray ny masoko ka nahita aho: Dia indro kalesy efatra nivoaka avy tao anelanelan’ny tendrombohitra roa#6,1 Tendrombohitra roa: tendrombohitra Siôna sy tendrombohitra ny Olivie., ary tendrombohitra varahina#6,1 Tendrombohitra varahina: izany hoe, mafy tsy mety levona. ireo tendrombohitra ireo. 2Ny kalesy voalohany nisy soavaly menapìny, ny kalesy faharoa nisy soavaly mainty; 3ny kalesy fahatelo nisy soavaly fotsy, ary ny kalesy fahefatra nisy soavaly sadamena mavitrika. 4Dia niteny tamin’ilay Anjely niresaka tamiko aho, ka nanao hoe: «Iza moa ireto, tompoko?» 5Ary namaly ahy ny Anjely, ka nanao hoe: «Ireo no rivotra efatry ny lanitra#6,5 Rivotra efatry ny lanitra: Izay ataon’Andriamanitra kalesy fitainginy, ary koa iraka irahiny, sy mpanatanteraka ny fitsaràny. tonga avy nitsangana teo anatrehan’ny Tompon’ny tany rehetra. 6Ny kalesy nisy ireo soavaly mainty no nivoaka ho amin’ny tany avaratra#6,6 Ho amin’ny tany avaratra: Asiria sy Babilôna.; ireto fotsy no nivoaka nanaraka ireo, ary ireto sada no nivoaka ho amin’ny tany atsimo#6,6 Ho amin’ny tany atsimo: Ejipta..» 7Nony nivoaka ireo mavitrika, dia nangataka hiainga mba hitety ny tany; ka hoy ny Anjely tamin’ireo: «Mandehana mitety ny tany»; dia nitety ny tany#6,7 Hitety ny tany: Mba hanatanteraka ny teny fitsarana navoakan’Andriamanitra. ireo. 8Ary niantso ahy izy, ka nanao tamiko hoe: «Jereo, fa ireo nivoaka ho amin’ny tany avaratra, dia nampionona ny fanahiko tamin’ny tany avaratra.»
Satroboninahitra atolotra
9Tonga tamiko ny tenin’i Iaveh, nanao hoe: 10«Handray avy eo an-tanan’ireo babo ianao, dia avy eny an-tanan’i Holdaì sy i Tobia ary i Idaia; - ka ny tenanao no handeha amin’izany andro izany ho any an-tranon’i Josiasa, izay nidiran’izy ireo, nony vao tonga avy any Babilôna izy; 11- ka mandraisa volafotsy sy volamena, hanaovanao satroboninahitra, dia ataovy eo an-dohan’i Jesosy, mpisorona lehibe, zanak’i Josedeka. 12Lazao aminy hoe: Izao no lazain’i Iavehn’ny tafika: ‹Indro lehilahy anankiray atao hoe Solofo#6,12 Solofo: Ny Mesia.; hitsimoka eo amin’ny fitoerany#6,12 Hitsimoka eo amin’ny fitoerany: Hihamaro izy; ho betsaka ny olona hahazo fahamasinana avy aminy. Ho fototry ny vahoaka be mpanompo an’Andriamanitra. izy, ka hanao ny tempolin’i Iaveh. 13Izy no hanao ny tempolin’i Iaveh, hotafiana fiandrianana, hipetraka ho mpanjaka eo amin’ny seza fiandrianany, ho mpisorona eo amin’ny seza fiandrianany, ary hisy fisainam-pihavanana eo amin’izy roaroa. 14Ary ny satroboninahitra dia ho an’i Helema, i Tobia, i Idaia ary i Hena, zanak’i Sôfônia, ho fahatsiarovana ao an-tempolin’i Iaveh. 15Ho tonga hanao ny tempolin’i Iaveh ny avy lavitra, ka ho fantatrareo fa i Iavehn’ny tafika no naniraka ahy ho atỳ aminareo. Ho tanteraka izany, raha manaiky tsara ny feon’i Iaveh ianareo.› »
Voafantina amin'izao fotoana izao:
Zakaria 6: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.