रोम सहरतोर 2
2
देवुळि लोकुरा नेयम कीयग़ा
1दुस्रोर मन्कलोर इद्रमताङ लाग्वाङ कबस्क कीस्तोर इनजोर, बोर-बोरु दुस्रोराङ कसुर्क तोहतह्तोर.#1 कुरिंततोर 4:5 ओरग्डाह ओर्वोग़-ओर्वोग़ मन्कन, इंजेक वेहतलाह आतन: निमा वने अवे लाग्वाङ कबस्क केविना? बेद्रम निमा ओराङ कसुर्क तोहतलाह आतिन, अद्रमलेह्काने निमा नीवाङ वने कसुर्किन तोहतलाह आतिन.#2 शमूएल 12:5-7; मत्याल 7:1; लूकाल 6:37 अदिनेनाह्क देवुळता मुनेह, नना कसुरलेवोनन इनदा पग़विन. 2ऊळा, बोर लोकुर इद्रमताङ लाग्वाङ कबस्क कीस्तोर, ओरिन देवुळि सेतेमते नेयम कीसि सिक्सा ईस्ता इनजोर, माट पुतल. 3निमा लाग्वाङ कबस्क केवालोराङ कसुर्किन तोहतलाह आतिन, मति अवे कबस्क निमा वने कीयलाह आतिन. इतेके देवुळि नेयम कीयह्पा, नना पिह्ट अरयकन इनजोर, बेद्रम इह्निन? 4देवुळि नीक बेचोन गूनम तोहतह्ता, उंदिय देबा नीक सिक्सा एवो, मति निमा तानेके मिळ्न्दलाहि, अद नीक केपिह्ता.#पेसमुळि 34:6; रोम सहरतोर 3:25-26; 9:22; 11:22; इपिसुसतोर 1:7; 2:7; 1 तिमोति 1:16; तीतुस 3:4-5; 1 पत्रु 3:20; 2 पत्रु 3:9,15 इव पोल्लोना निमा सीता केविना? केंजा, देवुळता गूनमतुन ऊळिसि, नीवा पापमतुन विळ्सिसि, नीक देवुळतेके वाया पोयह्ता. 5मति निमा इतेके कैंगम आसि, पापमता अग़दाहि मलवोन इह्निन.#तोहचीतव पोल्लोङ 2:21 देवुळि तना ओङतुन उंद दिया तोहतग़ा. अस्के ताना सेतेमता नेयमतुन, सबेटोर ऊळनुर.#2 कुरिंततोर 5:10; यहुदाल 6 नेंड निमा ताना पोल्लोतुन केंजविन इतेके, अद दिया नीवा सिक्सातुन बेर्सिह कीयना लेह्कान आतिन. 6बह इतेके, ओर्वोग़-ओर्वोग़ मन्कनाङ कबस्किन ऊळिसि, देवुळि ओना नेयम कीयग़ा.#देवुळताङ पाटाङ 62:12; मत्याल 16:27 7बोर मन्कलोर आरेम आयवा, बेसताङ कबस्क कीसि,#लूकाल 8:15; इब्रितोर 10:36 देवुळतग्डाहे मान, कदर,#इब्रितोर 2:7; 1 पत्रु 1:7अमेसाता पिसमुळ दोर्किह कीयलाह ऊळिह्तोर, ओरिह्क देवुळि अमेसाता पिसमुळ ईयग़ा.#मत्याल 25:46 8बोर बार तमेनाह्के कदर पर्ह्किह्तोर,#2 कुरिंततोर 12:20; गलातितोर 5:19-21; पिलिपितोर 1:15-17; 2:3; याकुब 3:14,16 सेतेमतुन केंजोर, मति लाग्वाङ पोल्लोङ केंजिह्तोर,#2 तिसलुनितोर 2:12 ओरा पोग़ोन देवुळ ओङ आसि, पका सिक्सा ईयग़ा.#2 तिसलुनितोर 1:8 9लाग्वाङ कबस्क कीसोर अनवालोरिह्क, देवुळि पका सिक्सा ईयग़ा. मुने यहुदिरिह्क ईयग़ा,#1:16 ओरा संगे यहुदि आयवोरिह्क वने. 10मति बेसताङ कबस्क कीसोर अनवालोरिह्क बार मान, कदर, सुकम ईयग़ा; मुने यहुदिरिह्क ईयग़ा, ओरा संगे यहुदि आयवोरिह्क वने. 11बह इतेके, देवुळि बोने मोकम ऊळिस नेयम केवो.#व्यवस्थाविवरण 10:17; बळयिर 10:34; रोम सहरतोर 9:14
12-13इतेके मोसानाङ अडोङ पुन्ज, पापम कीतोर सबेटोर यहुदिरिह्क, अवे अडोङ वेहतपु, देवुळ सिक्सा ईयग़ा.#3:19 बाराह्क इतेके, सिरप अडोङ केंजवालोर मन्कलोरिन देवुळि सेतेमतोर इनो. अडोङ वेहतप ताकवालोरिने, सेतेमतोर इन्ह्ता.#मत्याल 7:21,24-27; याकुब 1:22-25 अहे मोसानाङ अडोङ पुनवोर यहुदि आयवोरिन वने, ओरा पापमतेनाह्क देवुळि सिक्सा ईयग़ा. 14-15बाराह्क इतेके, ओर तमाय बुदते अडोङ वेहतप कीस्तोर. अस्के ओर मोसानाङ अडोन पुनवेकाय, आपुना जीवातगा अव अडोन तासतप लेह्का मन्ह्तोर. मोसानाङ अडोना लेह्काडाङ पोल्लोङ, ओरा जीवातगा रासिस मन्ह्ताङ इनजोर, ओरे तोहतह्तोर.#बळयिर 10:35; रोम सहरतोर 1:19 ओरा जीवातगा मनदनव अडोना इसबते, ओर कीयनाङ कबस्क सेतेमताङा, इलवेक लाग्वाङा इनजोर, ओराङ विचर्क वेहतह्ताङ.#1 कुरिंततोर 9:21 16इव सबे पोल्लोङ बेस्के आयनुङ इतेके, नना पोकुर कीयनद बेसता कबुरता इसबते, देवुळता अदिकरते येसु किर्स्तु उंद दिया लोकुरा नेयम कीयनोग़ अस्के. ओरा जीवातगा मकतव पोल्लोन पुन्जि, ओरा नेयम कीयनोग़.#बळयिर 10:42; 17:31; रोम सहरतोर 3:6; 14:10; 2 कुरिंततोर 5:10
यहुदिरगा अडोङ मन्जाय, अह ताकोर
17इंजेके मियग्डाहि उय्तुर यहुदिरोम इह्निर. ओसो मयगा मोसानाङ अडोङ मन्ह्ताङ, माटे देवुळता लोकुरोम, (अदिह्क माक देवुळताहि सिक्सा दोर्को) इनजोर, मीट पोग़यिह्निर.#मीका 3:11; योहन 5:45; रोम सहरतोर 3:27; 9:4 18मोसानाङ अडोङ कग़यताह्कु, देवुळता विचर मतपु बेद्रम ताकना, ओसो बेसतल अग़ि बेदु इनजोर, मीट पुतिर. 19निटमे तोववोरिन देवुळता अग़ तोहवालोरोम, ईकळते ताकवालोरिह्क वेह्च एवालोरोम इनजोर, मीट इह्निर.#मत्याल 23:16-17,19,24,26; योहन 9:40-41 20मोसानाङ अडोङ माकु पूरा तेल्व ईस्ताङ, सेतेम तोहतह्ताङ इनजोरे, माटु तेळियवोरिन काग़्हवालोरोम, देवुळतुन पुनवोरा गूरुरोम इनजोर, मीट इह्निर.
21मति बेद मीट दुस्रोरिन काग़्हतह्निर, अद मीट कुद बाराह्क कग़यविर?#मत्याल 23:3 कलनद आयो इनजोर दुस्रोरिन वेहतह्निर, मति मीट कुद बाराह्क कलिह्निर? 22साट्याल कबळ केमाट इनजोर दुस्रोरिन काग़्हतह्निर, मति मीट कुद बाराह्क साट्याल कबळ कीय्ह्निर? पेन-बोमान लागोङ इनजोर इह्निर, मति अविस्कनाङ रावुळ्कनगा मनदनद सामनतुन बाराह्क कलिस ओय्ह्निर?#बळयिर 19:37 23मयगा देवुळताङ अडोङ मन्ह्ताङ इनजोर, मीट पोग़यिह्निर.#2:17 मति अवे अडोन माळवा, बाराह्क देवुळता बद्नम कीय्ह्निर?#याकुब 3:1 24देवुळता सास्त्रम मीवा लोप्पा करल वेहतह्ता: यहुदि आयवोरमन्कलोर मीक ऊळिसि देवुळतुन पास्किह्तोर. #यशायाह 52:5; यहेजकेल 36:20-21; 2 पत्रु 2:2
25मीट मोसानाङ अडोङ वेहतप ताकतिर इतेके, मीट निटम देवुळता मन्कलोरिर आतिर, मीवा डायना रिवज कीतदिना पाय्दा मन्ह्ता#गलातितोर 6:13.#2:25 यहुदिरा पेदामुय्तोग़ अब्रहमिह्कु, देवुळि वेहतद करलता सीना इद डायना रिवज आंदु. अदिह्के यहुदि लोकुर पेकाल पुटटापया, आट दियाने पेकाना कोड तोलातुन डायिह्तोर. (पुटमुळि 17:9-14) मति मीट अव अडोङ माळवेके, डायना रिवजता बाताल पाय्दा?#यिर्मयाह 4:4; 9:25-26; 1 कुरिंततोर 7:19; गलातितोर 5:3 26अद्रमे डायना रिवज केवोर यहुदि आयवोरु, अडोङ वेहतप ताकतेके, ओर वने देवुळता लोकुरगा कलियनुर,#2:14-15 कलियिसि डायना रिवज कीतपे आयनुर.#3:30; 8:4; गलातितोर 6:15; इपिसुसतोर 2:11 27अद्रमतोरे मीवा पोग़ोन कसुर वाटनुर. बह इतेके मीट डायना रिवज कीतिर, ओसो मोसाल रासतव अडोङ मियगा मन्ह्ताङ, मति अव अडोन मीट माळविर.#मत्याल 12:41; 1 कुरिंततोर 7:19 28नना इद्रम बाराह्क इह्नन इतेके, सिरप यहुदि जातते पुटटोरु, पोग़-पोग़ोन मेंदुलते डायना रिवज कीतोरु, निटम यहुदि मन्कलोर (इतेके देवुळता मन्कलोर) आयोर.#योहन 8:39; रोम सहरतोर 9:6; गलातितोर 6:15; इपिसुसतोर 2:11 29निटम यहुदि मन्कल आयना इतेके, जीवाता पोल्लो आंदु. निटमता डायना रिवज कीयनद इतेके, रासतव अडोन नोमनद आयो. मति देवुळतुह्क विचर वायनद डायना रिवज इद आंदु: इतेके देवुळता जीवा मन्कना जीवाता पाळ्ना बुदतुन डायिस पोहचीस्ता.#7:6; 1 कुरिंततोर 7:19; 2 कुरिंततोर 3:6; पिलिपितोर 3:3; कुलुसितोर 2:11 अद्रमतोग़ मन्कल लोकुराहि आयो मति, देवुळताहि कदर पर्ह्किह्तोग़.#योहन 5:44; 12:43; 1 कुरिंततोर 4:5; 2 कुरिंततोर 10:18
Pašlaik izvēlēts:
रोम सहरतोर 2: माडियाबाय्बल
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2021, Wycliffe Bible Translators, Inc. All rights reserved.