Psalmyn 4
4
PSALM IV.
1O Yee, my vriw, m’er chosnee cair,
Jean myghin orrym, Hiarn,
Veih seaghyn hug oo dou livrey,
As ta mee foast er-mayrn.
2Varvaanee hreih! O caid nee shiu
Mysh m’ennym ooasle craid?
Caid eiyrys shiu da eer fardail,
Da scammyltyn, O caid?
3Toig-jee dy vel yn dooinney mie
Goit stiagh myr reih ec Jee;
T’eh geaishtagh rish my phadjeryn
Tra ta mee huggey guee.
4Lesh aggle crauee jean-jee chea
Veih eiyrtys peccah trome;
Smooinaghtyn mie gow shiu nyn gree,
Gys Jee dy injil croym.
5Yn oural cooie dy ynrickys
Jean-jee y hebbal da;
Ayns jeerid jeeagh-jee gys y Chiarn,
As treisht-jee ayn dy bra.
6Mooaralee er cooid heihltagh soit
Ta kinjagh geearree pooar;
Agh lhig da aalid dt’eddin, Yee,
Orryms soilshean ayns gloyr.
7My chree myr shen feer ghennal vees,
Roie harrish lane dy vree;
Son cha nee feeyn ny arroo lesh,
Ver kuïnid cair ’sy chree.
8Eisht lhie-ym sheese as hem gys fea
Lesh aigney lane dy hee;
Son uss, O Hiarn, ta my endeil,
Ta coyrt dou fea ny hoie.
Pašlaik izvēlēts:
Psalmyn 4: PS1761
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
maintained by the British and Foreign Bible Society