Populāri Bībeles panti no AkwaRoma 2

Dalīties

Uno honi ngeci waa ratura muenthzoe pa ku tenda enu yo kengeyo, owe honi ne waa anekera ci kenge wa ku para ku raturo thza Nyambi nji? Nji waa shwahura thsihemo thsa Nyambi thsothsikuru nene, nothzui wenthzi, no kukwatamucima kwenthzi? Ene ko dimukire ci thsihemo thsa Nyambi thsaa ku twara ku kucera?

Mweyo, owe o ratura muenthzoe munu, kwithsa edi wa ku i hamura. Inene mu kuratura muenthzoe munu waa ciratura othsinda inene waa ratura muenthzoe mwinu eyi o tenda nowe.

Inene Nyambi ka a wana mavwevwe.

Inene kadi cingwa awa a teerera murao o ku u variwa awa a tendiwa owawawa pa meho a Nyambi, unone awa a u hengeka wodiyo a tendiwa owawawa.

Kenge a ku ratura munu no munu kokuthza ketenda yenthzi.

Uno honi awa a di noñondi no kukana ku shupwera oshemwa, unone aa shupwera omango, Nyambi kenge a ku wa anthzipera no ku wa ratura.

Unone mukaci ko mukanayuva woe no mucima woe o kukana ku cera, waa ciungumekera humbithso thzoe. Inene diyuwa dyoanthzi wa Nyambi dyaa keya, ou thza ku hokoriwa raturo thzenthzi thzothziwawa.