ACT 23
23
1मंग पौल न्यायसभा तीकुड गंभीरताता सुशी आन्या, “हे आक्का तम्मुळ्ळालाला, निन इबद नंताक परमेश्वर इचांग पुर्ण सद्भावता जगास्का वच्चीनान.” 2आप्पुड महायाजक हनन्याड वान देगार नीला फडीनोनकी वान शंपाक मत्तेद आज्ञा इच्या. 3आप्पुड पौल वान आन्या, “नु सुन्नाम आंचीनेद गोडा उंडाव, निन्नु परमेश्वर मत्ती; नु नियमशास्त्र लेका नाद न्याय शेशेदेंक कुसनीनान इंगा नु नियमशास्त्र विरुद्ध फोई नाक शंपाक मत्तेद आज्ञा इस्ताव येम?” 4आप्पुड वान देगार नीला फडीनोर आनीर, “नु परमेश्वर महायाजकदी निंदा शेस्ताव येम?” 5पौल आन्या, “हे आक्का तम्मुळ्ळालाला, इड महायाजक उंडाड इदी नाक यरका लेकुंड्या; येनटीक की नु नी अधिकारीला विरुद्ध वाईट माटलाडाक इल्ला पवित्र शास्रला राशीनेद उंडाद.”#निर्गम. 6आप्पुड वार दिंटल्या वगाट पक्ष सदुकी मंदीद इंगा वगा पक्ष परुशी मंदीद उंडाद, इदी सुशी पौल न्यायसभाला बेग्गे कीरली आन्या, “हे आक्का तम्मुळ्ळालाला, निन परुशी इंगा परुशान कोडकु उंडान; माद आशा इंगा सच्चीनोरदी पुनरुत्थान दिन बद्दल नाद चौकशी आयतुनाद.” 7वाड इदी माटलाडतुन्या आप्पुडे परुशी इंगा सदुकी मंदीला जगडाम आंटी मंदीला फुट फड्या. 8येनटीक की पुनरुत्थान लेद इंगा स्वर्गदुत इंगा पवित्र आत्मा पण लेद, इल्ला सदुकी मंदी आंटार; पण परुशी मंदी तर इ रोंडु माटलु मान्य शेस्तार. 9आप्पुड शेंगेम गडबड आय्या; इंगा यवार नियमशास्त्र शिक्षकलु, परुशी मंदी पक्षलोन्टोर उंडीर वार दिंटल्योन्केल काही मंदी लेशी तणतण शेस्का आनीर, “इ मनशी लोना माक येमीच वाईट कमसाद; जर पवित्र आत्मा लेकाते परमेश्वर दुत वान जताक माटलाडीन्टे तर मंग यल्ला?” 10इल्ला वार दिंटल्या शेंगेम जगडाम आय्या; आप्पुड वार पौलनी शिंचेशार आंका यरस्केन सरदार शिपाईलाक हुकुम इच्या की, किंदीक फोई वान वार दिंटल्योन्केल तिशी गढलोंग येका फोंडा. 11आद्दे मोब्बुला प्रभुड वान मुंदार नीला फडी आन्या, “हिम्मत फट; यल्ला नु यरुशलेम शहरला ना बद्दल साक्ष इस्ती आल्ले रोम शहरला पण इयाबेक आय्यी.”
यहुदी मंदीद पौलनी मतेशेद कट
12मंग फद्दु फुट्टीनेंका, यंता तरी यहुदी मंदी एकी शेशी वट्टु यरस्कुनीर, की पौलदी जेम तिस्कुनी नंताक मिम तिनाक तागाक फोयाम. 13यवार इदी वट्टु यरस्कुन्नीर वार मंदी चाळीस काना जास्त उंडीर. 14वार मुख्य याजकलु इंगा आब्बागार तीकुड वच्ची आनीर, “पौलदी जेम तिस्कुनी नंताक मिम आन्नामकी धक्का आंचाक फोयाम, इल्ला वट्टु येस्केन मिम निश्चय शेशीनाम. 15तर इप्पुड वान बद्दल इंगा रवा बारकाईता विचारपुस शेशेद उंडाद, इ निमित्तता वान मना तीकुड येका दावाला इल्ला मीर न्यायसभाला पण सरदारकी समजाय मतना; आंटे वाड देगार वच्चीन नग्रेम मिम वानदी जेम तिस्कुनेदेंक तैयार उंडाम.”
16पण यप्पुड पौल शेल्याल कोडकु वार कट बद्दल इन्या, आप्पुड वाड गढलोंग फोई पौलकी शप्या. 17आप्पुड पौल वगा शताधीपतीन फिल्ची आन्या, इ मोगाबिडान सरदार तीकुड येका फो, इनकी वानकी येम तरी शप्पेद उंडाद. 18आप्पुड वाड वान सरदार तीकुड येका फोई आन्या, बंदीवान पौल नन्नु फिल्ची नाक विनंती शेशा की, इ मोगाबिडान नी तीकुड येका फोवाला, वानकी नी जताक माटलाडेद उंडाद. 19आप्पुड सरदार वानदी शेय फट्टी वान वगा बाजुक येका फोई आडग्या, “निक येम शप्पेद उंडाद?” 20वाड आन्या, “यहुदी मंदी इल्ला कट शेशीनार की, पौल बद्दल इंगा रवा बारकाईता विचारपुस शेशे निमित्तता वान रेपकाडा किंदीक सभालोंग येका दावाला, इल्ला निक विनंती शेशेद. 21तर नु वारदी इनाक; येनटीक की चाळीस मंदी काना जास्त मंदी वानदी जेम तिस्कुना टपाशीनार; वार वट्टु यस्कुन्नार की, वानदी जेम तिस्कुनी नंताक मिम तिनाक तागाक फोयाम; इंगा इप्पुड वार तैयार आय्यी नी परवानगीद दावा सुस्तुनार.” 22इप्पुड, “नु इदी नाक शप्पीनाव इदी यवारकी शप्पाक, इल्ला आ मोगाबिडाक शप्पी सरदार वान आंपकाड्या.” 23मंग वाड इद्दार शताधिपतीलान फिल्ची वारकी शप्या, “कैसरीयाक फोयेदेंक दोनशे शिपाईल, सत्तर घोडस्वारलु इंगा दोनशे भालेकरलु निम्मा मोब्बुला तैयार फेटना.” 24इंगा गुर्रामलु तैयार फेटना, दान मिंदा पौलनी कुसनामती फेलिक्स सुभेदार तीकुड शिंगार येका फोंडा. 25वाड इल्ला वगाट पत्र पण राशा. 26“महाराज फेलीक्सकी सरदार क्लौद्य लुसियानदी सलाम. 27इ मनशीन यहुदी मंदी फट्टीगास मतेशेदेंक सुशीर, इंताटला इड रोमी उंडाड इल्ला निलचीनेंका निन शिपाईलान येका फोई वान इडपीस्तीन. 28इंगा इन मिंदा आरोप आंचेद येम कारण उंडाद इदी तेल्चकुने इच्छाता निन वान न्यायसभालोन किंदीक येका फोयतीन. 29आप्पुड वार नियमशास्त्रलोन वादविवाद बद्दल वान मिंदा यादो दोष आंचीनीर, पण साव लेकाते जेलला येशी शिक्षा इच्चे योग्य आरोप वान मिंदा लेकुंड्या, इल्ला नाक कमशा. 30इ मनशी विरुद्धला कट आय्येद उंडाद इल्ला नाक बातमी शिक्कीन नग्रेम निन वान नी तीकुड आंपतीन, दोष आंचेतोरकी पण शपतीन की, नी मुंदार दोष आंचाला.”
31शिपाईल आज्ञा इच्चीने लेका पौलनी मोब्बुला अंतीपत्रीसकी येका फोईर. 32इंगा इंगोगो नाड वान जताक फोयेदेंक घोडस्वारलान इडशी वार गढलोंग वापस वच्चीर. 33कैसरीयाक फोईनेंका घोडस्वारलु सुभेदारकी फेलीक्सकी पत्र इच्ची पौलनी वान मुंदार नीला फडा मतीर. 34पत्र वाचाशी वाड आडग्या, इड या प्रांतटोड उंडाड; वाड किलकीयाटोड उंडाड इदी निलचीनेंका, 35वाड आन्या, “निक दोष आंचेतोर वच्चीर आंटे निन नी माटलु इन्यान.” इंगा वान हेरोद राजवाडाला फेट्टाला इल्ला वाड आज्ञा इच्या.
Šiuo metu pasirinkta:
ACT 23: WNT
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės