2Pe 2
2
Faulsche Profeeten un Lierasch
1Oba doa wieren uk faulsche Profeeten mank de Menschen, soo aus uk doa faulsche Lierasch mank junt sennen woaren, dee plietsch vedoafliche Sekten nenbrinjen woaren un velieejen dän Meista, dee äant jekoft haft un brinjen opp sikj selfst een haustjet Vedoawen. Mat 24:11; 1Tim 4:1 2Un väle woaren äare vedorwne#2:2 Ooda: oppreizende; schaundhaufte. Wäaj nofoljen, wuaderch de Wajch von de Woarheit woat jelastat woaren. 3Un derch Habsucht woaren see met utjekjenselde Wieed Jewenst aun junt moaken; woone äa Jerecht von lang häa nich siemt, un dee äa Vedoawen schlapt nich.
4Wiels wan Gott de Enjel, dee jesindicht haben, nich veschoond, oba dee en dän deepsten Aufgrunt schmeet un äwajeef dee en Kjäden von de Diestanis, om bewoat to sennen fa daut Jerecht, 5un de oole Welt nich veschoond, oba bewoad Noah, dän achten, dän Jerajchtichkjeits-Prädja, un brocht de Sintflut äwa de Gottloose äare Welt; 1Mo 8:18; 1Pe 3:20; 2Pe 3:6 6un muak de Städa von Sodom un Gomorra to Ausch un vedaumd dee met däm Unjagank un stald äant toom Biespell fa dee, waut nohäa gottloos läwen wudden; 1Mo 19:24-25 7un rad dän jerajchten Loot, dän Unjadrekjten unja däm onveschämden Waundel von de Ruchloose#2:7 Ruchloosa: Eena dee hunjsch un Feelungsloos es; driest un onen Schomp.; 8(wiels dee Jerajchta, dee mank äant wond, wia, derch daut von Dach to Dach Aunseenen un Toohieren, en siene jerajchte Seel met äare jesazloose Woakjen, jekjwält.) 9De Har weet de Fromme ut de Vesieekjunk to raden un de Onjerajchte to behoolen fa dän Jerechts-Dach, om jestroft to woaren; 1Kor 10:13 10oba besondasch dee, waut nom Fleesch waundlen en de Lost von de Orreinheit un de Harschoft ve-achten, sent frajch#2:10 Ooda: onveschämt., ieejensennich, see ferchten sikj nich, Majestäten to lastren, 11wua doch de Enjel, woone en Krauft un Macht jrata sent, kjeen lastrendet Uadeel jäajen dee ver dän Harn brinjen. 12Dise oba, soo aus onveninftje, wille Tieren, von Natua jebuaren fa dän Fang un daut Vedoawen, lastren äwa waut see nich vestonen un woaren en äa ieejnet Vedoawen omkomen 13un dän Loon von de Ojjerajchtichkjeit kjrieen; see talen de Lost äwadach utläwen fa Vejnieejen. See sent Plaken un Schaundflekja, erjazen sikj en äare ieejne Aunschmäararie, endäm see met junt toop de Fasten äten; 14see haben Uagen voll Ehebruch un kjennen de Sind nich loten, velocken de leichtfoadje#2:14 Ooda: onbestendje. Seelen; see haben een Hoat, en Habsucht je-eef, vefluchte Kjinja, 15dee dän jlikjen Wajch veloten haben un sent Err jegonen, un foljen däm Wajch von Bieleam, Beor sien Sän, dee dän Loon von de Ojjerajchtichkjeit leewd, 4Mo 22:7-35 16oba wort jestroft fa siene Äwaträdunk: Daut stomme Lausttia, met Menschenstemm rädent, wäad däm Profeet sien Wonsenn.
17Dise sent Borms onen Wota, Wolkjen von däm Stormwint jedräwen, fa woone de Dunkelheit von de Diestanis fa emma behoolen es. 18Wiels see oppjepufte un nutzloose Wieed räden, velocken see derch de fleeschliche Losten, derch de Onveschämtheit deejanje, woone werkjlich wajchjekomen wieren von dee, waut em Errtum waundlen. 1Kor 8:1 19Wäarent see äant Frieheit vespräakjen, sent see selfst Sklowen von daut Vedoawen; wiels von wäm eena äwakomen es, to#2:19 Ooda: von. däm es eena uk veskloft. Gal 5:13; 1Pe 2:16 20Wiels wan see wajchjekomen sent von de Schwienschichkjeiten von de Welt, derch de Erkjantnis von däm Harn un Heilant Jesus Christus, oba wada en dise vezaubelt un äwawonnen woaren, es daut met äarem latsten Staunt oaja aus däm Ieeschten. Mat 12:45 21Wiels daut wudd äant bäta jewast sennen, nich dän Wajch von de Jerajchtichkjeit erkjant to haben, aus, nodäm see dän erkjant haben, om to kjieren von daut heilje Jeboot, aun äant äwajäft. Luk 12:47-48 22Oba daut es to äant passieet no daut woare Sprechwuat: De Hunt kjemt wada trig no sien ieejnet Kolkj, un de jewoschne Säaj no äa Sudlen em Blott. Spr 26:11
2. Petrus
Copyright © 2023 von de Kjennichs-Bibel Jesalschoft