1Tess 2
2
Paulus sien Deenst aun de Tessalonicha
1Wiels jie weeten, Breeda, von onsem Engank bie junt, daut dee nich vejäfs wia; 2oba nodäm wie en Filippi ieescht jeläden hauden un wieren schlajcht behaundelt worden, soo aus jie weeten, wia wie friemootich en onsem Gott, daut Evangelium von Gott to junt to räden em grooten Kaumf. Apj 16:20-24; 17:1-5 3Wiels onse Ermonunk wia nich met Veleiden, uk nich ut Onreinichkjeit, uk nich met Lest; 2Kor 4:2; 11:7; Joh 5:44 4oba jrodsoo, aus wie von Gott jeprooft#2:4 Ooda: erlaupt. un met daut Evangelium aunvetrut worden sent, soo räd wie, nich om Menschen to jefaulen, oba Gott, dee onse Hoaten prieft. Gal 1:10 5Wiels wie sent niemols met Schmeichel-Wieed omjegonen, soo aus jie weeten, uk nich met Uträd wäajens Habsucht, Gott es Zeij; Mrk 12:40; Apj 20:33 6wie sochten uk nich Iea von Menschen, nich von junt, uk nich von aundre, obzwoa wie junt aus Christus siene Apostel kunnen to Laust sennen. 1Kor 9:13,14 7Oba wie sent en june Medd mild jewast, soo aus eene Fläajarin äare Kjinja fläajcht. 8Soo aus wie soo een Velangen no junt hauden, jefoll ons daut, junt nich bloos Gott sien Evangelium met to deelen, oba uk ons ieejnet Läwen, wiels jie bie ons soo leef jeworden wieren. 2Kor 12:15 9Wiels jie erinren junt, Breeda, aun onse Oabeit un Mieej, woo wie Dach un Nacht oabeiden, om kjeenem von junt to belaustjen un prädijden mank junt Gott sien Evangelium. Apj 18:3; 20:33-34; 1Kor 4:12; 2Tess 3:8 10Jie sent Zeijen un uk Gott, äwa woo heilich, jerajcht un oschuldich wie ons mank junt, Jleewje, vehoolen haben; 11soo aus jie weeten, woo wie eenen jiedren eenselnen von junt, soo aus een Voda siene ieejne Kjinja, ermont un jetreest un bewäsen haben, 12daut jie sellen wirdich waundlen ver Gott, dee junt fa sien ieejnet Rikj un Harlichkjeit beroopt. Efs 4:1-2; Flp 1:27
Een Dank aun Gott, fa daut Evangelium aunnämen
13Doawäajen dank wie uk Gott onen opphieren, daut, aus jie daut Wuat von Gott siene Norecht von ons kjrieejen, daut nich aus Menschen-Wuat aunneemen, oba waut et woarhauftich es, aus Gott sien Wuat, daut uk en junt wirkjt, dee jie jleewen. Gal 1:11-12 14Wiels jie, Breeda, sent Nofolja jeworden von Gott siene Jemeenten, dee en Judäa en Christus Jesus sent, wiels uk jie dautselwje von june Laundeslied jeläden haben, soo aus uk see von de Juden, Apj 8:1; 17:5-6 15dee soogoot dän Harn Jesus, aus uk äare ieejne Profeeten dootmuaken un haben ons vefolcht; un see jefaulen Gott nich un sent aule Menschen jäajenaun#2:15 Ooda: towada., Mat 23:37; Apj 2:23; 7:52 16un see wäaren ons, to de Heiden to räden, daut dee jerat woaren, om daut see äare Sinden auletiet voll moaken; oba de Oaja es vollopp äwa äant jekomen. Mat 23:32-33
Paulus sien Velangen, äant wada to seenen
17Oba wie, Breeda, sent fa eene korte Tiet von junt wajchjenomen worden nom Aunjesecht no, nich nom Hoat, haben ons soo väl mea bemieecht, jun Aunjesecht to seenen, met grootet Velangen. 18Doawäajen wull wie no junt komen (ekj, Paulus), eenmol un nochmol, oba de Soton haft ons jehindat. 19Wiels wäa es onse Hopninj ooda Freid ooda Kroon vom Rum? Sent daut nich uk jie ver onsem Harn Jesus Christus bie sien Komen? Flp 2:16; 4:1 20Wiels jie sent onse Iea un Freid.
1. Tessalonicha
Copyright © 2023 von de Kjennichs-Bibel Jesalschoft