Jona 4
4
E Jonašći holji thaj e Devlešći milost
1Ali e Jonašće godova nas milo thaj vo zurale holajlo, 2pa gajda pomolisajlo e GOSPODEŠĆE: “O GOSPODE, dok još semas ande mungri phuv, džanglem kaj baš gajda avela! Zato vi kamlem te našav ando Taršiš. Džanglem kaj san Del milosrdno thaj suosećajno, strpljivo thaj pherdo ljubav. Čak vi kana odlučis varekas te kaznis, spremno san te odustanis katar godova. 3Zato akana, GOSPODE, le mungro trajo mandar, kaj si manđe majlačhe te merav, nego te trajiv.”
4Ali o GOSPOD phučla les: “Si tut li pravo te holjavos?”
5O Jona đelo istočno katar o gav, ćerda okote senica thaj bešlo ande lako hlado, a ažućarelas te dićhel so avela e gavesa. 6Askal o GOSPOD, o Del, ćerda te barjol e bari biljka pašo Jona, te lesko šoro avel ando hlado thaj te avel lešće majudobno, a o Jona zurale raduisajlo e biljkaće. 7Ali thejara ande zora o Del bičhaldas e ćermes te hal e biljka thaj e biljka šućili. 8Kana inkljisto o kham, o Del bičhaldas e istočno tati balval. O kham phabarelas e Jonasko šoro, pa malaksisardas.
O Jona poželisarda te merel thaj phendas: “Majlačhe si manđe te merav, nego te trajiv.”
9O Del askal phučlas e Jona: “Si tut li pravo te holjavos pale biljka?”
“Si man!” phendas o Jona. “Gaći sem holjariko kaj šaj mulemas e holjatar.”
10O GOSPOD phendas lešće: “Gaći si tuće pharo pale godoja biljka, oko savi či trudisajlan niti ćerdan te barjol, savi niknosardas thaj uvenisardas prekal e rjat. 11Pa sar manđe te či avilosas pharo palo baro gav e Niniva, ande savi si majbut katar šel thaj biš milje manuša save či džanen te razlikuin so si lačhe a so si bilačhe, sago vi e but lenđi stoka?”
Šiuo metu pasirinkta:
Jona 4: RČB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės