„YouVersion“ logotipas
Paieškos piktograma

Psalms 14

14
1မိုက်မဲသောသူက "ဘုရားရှင်မရှိ" ဟု မိမိ၏စိတ်နှလုံးထဲ၌ ပြောဆိုတတ်၏။ ထိုသို့သောသူတို့သည် အကျင့်ပျက်ပြား၍ စက်ဆုပ်ရွံရှာဖွယ်အမှုကို ပြုတတ်ကြ၏။ ကောင်းသည့်အမှုကို ပြုသောသူဟူ၍ မရှိကြ။ 2ဘုရားရှင်သည် အသိဉာဏ်ပညာရှိကြသူများ၊ မိမိအားဝတ်ပြုကိုးကွယ်ကြသူများ ရှိခြင်း၊ မရှိခြင်ကို သိမြင်တော်မူရန် လူသားတို့အား ရွှေမြို့တော်မှ ငုံ့ကြည့်တော်မူ၏။ 3လူအပေါင်းတို့သည် လမ်းလွဲကြကုန်ပြီဖြစ်၏။ သူတို့အားလုံးသည် တစ်ညီတစ်ညွတ်တည်း မကောင်းမှုဒုစရိုက်ကို ပြုကျင့်ကြ၏။ ကောင်းသောအမှုကို ပြုသောသူဟူ၍ တစ်ယောက်မျှ မရှိကြပေ။ 4အပြစ်ဒုစရိုက်ကို ပြုကြသူအပေါင်းတို့သည် မည်သည့်အရာကိုမျှ မသိကြသလော။ သူတို့သည် ငါ၏လူမျိုးတော်ထံမှ လုယူတိုက်ခိုက်၍ အသက်မွေးကြကုန်၏။ ဘုရားရှင်အားခေါ်တော်မူ၍ ဆုတောင်းခြင်းလည်းမရှိကြ။ 5ဘုရားရှင်သည် ဖြောင့်မတ်သောသူ၏မျိုးဆက်နှင့်အတူ ရှိတော်မူသောကြောင့် သူတို့သည် အလွန်ကြောက်ရွံ့ကြပြီဖြစ်၏။ 6သင်တို့သည် အဖိနှိပ်ခံရသူတို့၏ အကြအစည်ကို ပျက်စီးစေတတ်ကြသော်လည်း ဘုရားရှင်သည် သူတို့၏ ခိုလှုံရာဖြစ်တော်မူ၏။ 7အစ္စရေးလူမျိုးများအတွက် ကယ်တင်ခြင်းသည် ဇိအုန်တောင်ပေါ်မှ ပေါ်ထွန်းပါစေ။ ဖမ်းဆီးခေါ်ဆောင်သွားခြင်းခံရသော မိမိ၏လူမျိုးတော်ကို ဘုရားရှင်သည် ပြန်လာစေတော်မူသောအခါ ယာကုပ်သည် ရွှင်လန်းပါစေ။ အစ္စရေးသည် ဝမ်းမြောက်ခြင်းရှိပါစေ။

Šiuo metu pasirinkta:

Psalms 14: TPV-RV

Paryškinti

Dalintis

Kopijuoti

None

Norite, kad paryškinimai būtų įrašyti visuose jūsų įrenginiuose? Prisijunkite arba registruokitės

This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

Sužinoti daugiau apie TPV-RV (Thamma Pitakadaw)
Ankstesnis skyrius
Kitas skyrius