2е Иоанна 1
1
1Укут посланият Нуйвакмың пиңӯт Кияӷныӷым накмикыхка̄нун аӷнамун, авақута̄нунлъю ипапигмың пиниқыхкамнун. Лъңина̄нӷитуңа пиниқистызи, қамахлъютыңлъю лӣсимакылӷӣт ипапиҳқылъыӷмың пиниқӣси, 2қаюҳлъяк ипапиҳқылъық илюмнъилңуқ. Та̄на ипапиҳқылъық илюмнъисяҳқа̄гуқ қӯнпырухлъяк.
3Каюсилъық, наңлъыгьюлъық, ныкыхмылъықлъю хўаңкунъилъықут кияҳтыңъулюта ипапиҳқылъыҳқунлъю, пиниқылъыҳқунлъю. Та̄кут Кияӷныӷмың Атамың, Иисус Христосымыңлъю, Атам Иӷныӷаның пиңӯт.
Ипапиҳқылъықлъю, Пиниқылъықлъю
4Қуяпихтыка̄гуңа нагақуӷлюки иляңи авақутаҳтын кияҳтыңъунилюки ипапиҳқылъыҳқун таўатыҳпигақ Атам қылылъҳатун хўаңкута. 5Аӷнами, пӣмкын пиниқутутылъта. Та̄на нутаӷа̄нӷитуқ қылӷӯсяқ письмоткыхкыхка лъпынун; қылӷуся̄гуқ има пӣнлиӷьюха̄лъыӷмың. 6Уна пиниқылъҳӯқ, қа̄ткутылъық Кияӷныӷым қылӷӯся̄нун. Қылӷӯсяқ нагақуқаҳси пӣнлиӷьюхўа̄лъыӷмың унаңӯқ: қамахлъюси пиниқулъюси кияҳтык.
Аңуякилӷӣт Христосымың
7Угляпихлъыҳӣ пӯҳтиста нунами миңилъюни аюқуқ. Тама̄кут югыт апыӷна̄нӷита̄т Иисус Христос югулюни алъхықа̄нилюку қаюҳлъяк ухпықигата̄т. Таўатылңуқ ю̄к пӯҳтистыңӯқлъю, аңуякилӷӣңӯқлъю Христосымың. 8Ынка̄м кылыңалюси, пыхсяқуна̄н қыпҳа̄ткаҳси акилыҳтӯсяҳқаҳси қамахлъюку алъхыҳсяҳқақаҳси.
9Китум алңунак қа̄сҳускумики апыҳтӯсӣ Христосым Кияӷнық лъңанинъыӷитуқ. Иўырңа китум алңунак атуқумаңинақумики апыҳтӯсӣ Христосым, Атаңалъю, Иӷныӷалъю лъңанитук. 10Китум алңунак апыҳтуӷьяҳтуқаңиси атуқыхпынаки Христосым апыҳтӯсӣ, ақылъқаңлъяҳпына̄н налиӷмың қуякыхпына̄н, 11қаюҳлъяк китум алңунак қуякыхкумигу қыпҳалгусиқалъҳӯҳлъықа̄ сыӷлыӷмың қыпҳақа̄ның.
На̄ңнӣтыт
12Апыӷьяҳқаҳлъягуӷңа̄ӷма лъпысинун посланиятхун пиюнӷитанка. Иўырңа сюнаңуқ ля̄лиҳфиклъямси, алыҳқӯнъаяҳтукут хинасяҳқӯлъюта, ынка̄м қуятыҳлъягнаяҳтукут.
13Авақутӣта накмикыхкам а̄каҳпыси пиниқӣсиңуқ.
Šiuo metu pasirinkta:
2е Иоанна 1: ess2
Paryškinti
Dalintis
Palyginti
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2022, Wycliffe Bible Translators, Inc. All rights reserved.