ယေႃးသူႉ 12
12
ၶုၼ်ႁေႃၶမ်းၸိူဝ်းဢၼ်မူဝ်းသေႇတိုၵ်းပႄႉ
1ၶုၼ်လူင်မိူင်းဢၼ်ၵူၼ်းမဵဝ်းဢီႉသရေႇလႃႉတင်းလၢႆ တိုၵ်းတေႃးယႃႉပႅတ်ႈလႄႈသိမ်းဢဝ်ၽၢႆႇတၢင်းဢွၵ်ႇၼမ်ႉႁွင်ႈယေႃးတၢၼ်ႇ တီႈတၢင်းဢၼ်ၵၢင်ဝၼ်းဢွၵ်ႇ ဢဝ်ၵႃႈတီႈၸႃႉၸဵမ်ပၢင်ႇႁူၺ်ႈဢႃႇၼုၼ်ႇတေႃႇထိုင်ႁွတ်ႈလွႆႁေႇရမုၼ်ႇလႄႈ ပၢင်ႇပဵင်းဢႃႇရၽႃႉ ၵႃႈဢၼ်မီးၽၢႆႇဝၼ်းဢွၵ်ႇၼၼ်ႉၸိူဝ်းၼၼ်ႉၸမ်ႉ၊- 2သီႉႁုၼ်ႇၶုၼ်ႁေႃၶမ်းဢႃႇမေႃးရီႉ ဢၼ်ယူႇၵႃႈၼႂ်းဝဵင်းႁေႇသၽုၼ်ႇလႄႈ လႆႈဢုပ်ႉပိူင်ႇၸႃႉၸဵမ် ဝဵင်းဢႃႇရေႃႇ ၵႃႈတီႈႁိမ်းပၢင်ႇႁူၺ်ႈဢႃႇၼုၼ်ႇ ဢိၵ်ႇတင်းၵႃႈတီႈၶိုင်ႈၵၢင်ပၢင်ႇႁူၺ်ႈၼၼ်ႉၵႂႃႇလႄႈ ပႃးတင်းမိူင်းၵီႉလတ်ႉၶိုင်ႈၼိုင်ႈ တေႃႇထိုင်ႁွတ်ႈၼမ်ႉႁွင်ႈယပ်ႉပုၵ်ႉ ဢၼ်ပဵၼ်လႅၼ်လိၼ်မိူင်းၵူၼ်းမဵဝ်းဢမ်ႇမုၼ်ႇၼၼ်ႉ၊- 3ဢိၵ်ႇတင်းပၢင်ႇပဵင်းဢႃႇရၽႃႉ ဢဝ်ၸႃႉၸဵမ်ၼွင်ၵိၼ်ႇၼီႇသရႅတ်ႉ ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈ ၼွင်ပၢင်ႇပဵင်းဢႃႇရၽႃႉ ဢၼ်ဝႃႈ ၼွင်ၼမ်ႉၵိူဝ် ၵႃႈတီႈၽၢႆႇဝၼ်းဢွၵ်ႇၼၼ်ႉ၊ ၵႃႈတီႈသဵၼ်ႈတၢင်းဢၼ်ၵႂႃႇၸူး ၵႃႈတီႈဝဵင်းပႅတ်ႉယေႇသီႉမုတ်ႉ၊ ၸွမ်းၵႂႃႇၽၢႆႇတၢင်းၸၢၼ်း ၵႃႈတီႈတႂ်ႈပဵမ်ႉလွႆတိၼ်လွႆပီႉသၵႃႇၼၼ်ႉပႃးၼိုင်ႈ။- 4ဢေႃႇၶႃႉ ၶုၼ်ႁေႃၶမ်းပႃႇသၢၼ်ႇဢၼ်ပဵၼ်ၵေႃႉဢၼ်ၵိုတ်းၵျၢၼ်ႇဝႆႉၼႂ်းမဵဝ်းၵူၼ်းဢၼ် ယႂ်ႇၼႃႇႁႅင်းၼႃႇၼၼ်ႉ ဢၼ်ယူႇၵႃႈတီႈဝဵင်းဢႃႇသတႃႇရုတ်ႉ တင်းဝဵင်းဢေႇတြီႉလႄႈ၊- 5လႆႈဢုပ်ႉပိူင်ႇလွႆႁေႇရမုၼ်ႇ၊ မိူင်းသႃႇလၵႃႉ၊ မိူင်းပႃႇသၢၼ်ႇတင်းမိူင်း တေႃႇထိုင်ႁွတ်ႈလႅၼ်လိၼ်ၵူၼ်းၵေႇသူႉရီႉ ဢိၵ်ႇတင်း ၵူၼ်းမႃႇၶႃႇသီႉတင်းလၢႆၼၼ်ႉ ဢိၵ်ႇတင်းမိူင်းၵီႉလတ်ႉၶိုင်ႈၼိုင်ႈၼၼ်ႉပႃးၼိုင်ႈဢေႃႈ။- 6မူဝ်းသေႇၶႃႈထႃႇဝရႃႉၽြႃး ဢိၵ်ႇတင်းၵူၼ်းမဵဝ်းဢီႉသရေႇလႃႉတင်းလၢႆတိုၵ်းတေႃးယႃႉပႅတ်ႈသွင်ၶႃၼၼ်ႉလႄႈ မူဝ်းသေႇၶႃႈထႃႇဝရႃႉၽြႃးၼၼ်ႉ ဢဝ်မိူင်းၶဝ်ၼၼ်ႉပၼ်တီႈၵူၼ်းမဵဝ်းရူႉပိၼ်ႇ၊ ၵူၼ်းမဵဝ်းၵၢတ်ႉ၊ ၵူၼ်းမဵဝ်းမၼႃႇသေႇၶိုင်ႈၼိုင်ႈၸိူဝ်းၼၼ်ႉပိူင်ႇဢေႃႈ။
ၶုၼ်ႁေႃၶမ်းၸိူဝ်းဢၼ်ယေႃးသူႉတိုၵ်းပႄႉ
7ၶုၼ်လူင်မိူင်းဢၼ် ယေႃးသူႉဢိၵ်ႇတင်း ၵူၼ်းမဵဝ်းဢီႉသရေႇလႃႉတင်းလၢႆတိုၵ်းတေႃးယႃႉပႅတ်ႈ ၵႃႈတီႈၽၢႆႇဝၼ်းတူၵ်းၼမ်ႉႁွင်ႈယေႃးတၢၼ်ႇ ဢဝ်ၵႃႈတီႈၸႃႉၸဵမ်ပႃႉလၵတ်ႉ ၼႂ်းပၢင်ႇႁူၺ်ႈလေႇပၼုၼ်ႇတေႃႇထိုင်ႁွတ်ႈလွႆႁႃႇလၵ်ႉ ၵႃႈတီႈသဵၼ်ႈတၢင်းဢၼ်ၵႂႃႇၸီႉရႃႉ ဢၼ်ယေႃးသူႉဢဝ်ပၼ်တီႈမဵဝ်းဢီႉသရေႇလႃႉတင်းလၢႆ ပိူင်ႇၸွမ်းလူၺ်ႈမဵဝ်းၽႂ်မဵဝ်းမၼ်း၊- 8ၵႃႈၼိူဝ်ႁၢၼ်ႉလွႆလႂ်၊ ၵႃႈတႂ်ႈတီႈဢၼ်ပၢင်ႇဢၼ်ပဵင်းလႂ်၊ ၵႃႈတီႈပၢင်ႇပဵင်းဢႃႇရၽႃႉလႂ်၊ ၵႃႈတီႈပဵမ်ႉလွႆလႂ်၊ ၵႃႈၼႂ်းထိူၼ်ႇ၊ ၵႃႈတီႈပွတ်းတင်းၸၢၼ်း၊ တီႈဢၼ်ၵူၼ်းႁိတ်ႉတီႉ၊ ၵူၼ်းဢႃႇမေႃးရီႉ၊ ၵူၼ်းၶႃႇၼၼီႉ၊ ၵူၼ်းၽေႇရၸီႉ၊ ၵူၼ်းႁီႉဝီႉ၊ ၵူၼ်းယေႇပူႉသီႉတင်းလၢႆယူႇၼၼ်ႉၸိူဝ်းၼၼ်ႉၸမ်ႉ၊- 9ၶုၼ်လူင်ယေႇရီႉၶူဝ်းပႃးၼိုင်ႈ၊ ၶုၼ်လူင်ဢႃႇဢီႉ ဢၼ်မီးၵႃႈတီႈႁိမ်းပေႇသလႃႉၼၼ်ႉပႃးၼိုင်ႈ၊- 10ၶုၼ်လူင်ယေႇရူႉသလႅမ်ႇပႃးၼိုင်ႈ၊ ၶုၼ်လူင်ႁေႇပြုၼ်ႇပႃးၼိုင်ႈ၊- 11ၶုၼ်လူင်ယႃႇမုတ်ႉပႃးၼိုင်ႈ၊ ၶုၼ်လူင်လႃႇၶီႉသႃႉပႃးၼိုင်ႈ၊- 12ၶုၼ်လူင်ဢေႇၵလုၼ်ႇပႃးၼိုင်ႈ၊ ၶုၼ်လူင်ၵေႇၸႃႇပႃးၼိုင်ႈ၊- 13ၶုၼ်လူင်တေႇပီႉရႃႉပႃးၼိုင်ႈ၊ ၶုၼ်လူင်ၵေႇတႃႇပႃးၼိုင်ႈ၊- 14ၶုၼ်လူင်ႁေႃႇမႃႇပႃးၼိုင်ႈ၊ ၶုၼ်လူင်ဢႃႇရတ်ႉပႃးၼိုင်ႈ၊- 15ၶုၼ်လူင်လီႉပၼႃႉပႃးၼိုင်ႈ၊ ၶုၼ်လူင်ဢတူႉလမ်ႇပႃးၼိုင်ႈ၊- 16ၶုၼ်လူင်မိၵ်ႉၵတႃႇပႃးၼိုင်ႈ၊ ၶုၼ်လူင်ပေႇသလႃႉပႃးၼိုင်ႈ၊- 17ၶုၼ်လူင်တႃႇပႂႃႇပႃးၼိုင်ႈ၊ ၶုၼ်လူင်ႁေႇၽႃႇပႃးၼိုင်ႈ၊- 18ၶုၼ်လူင်ဢႃႇၽႅၵ်ႉပႃးၼိုင်ႈ၊ ၶုၼ်လူင်လႃႇသရုၼ်ႇပႃးၼိုင်ႈ၊- 19ၶုၼ်လူင်မႃႇတုၼ်ႇပႃးၼိုင်ႈ၊ ၶုၼ်လူင်ႁႃႇၸေႃႇပႃးၼိုင်ႈ၊- 20ၶုၼ်လူင်သီႉမရုၼ်ႇမေႇရုၼ်ႇပႃးၼိုင်ႈ၊ ၶုၼ်လူင်ဢႃႇၶသပ်ႉပႃးၼိုင်ႈ၊- 21ၶုၼ်လူင်တႃႇၼိတ်ႉပႃးၼိုင်ႈ၊ ၶုၼ်လူင်မေႇၵိတ်ႉတေႃႇပႃးၼိုင်ႈ၊- 22ၶုၼ်လူင်ၵေႇတေႇသႃႉပႃးၼိုင်ႈ၊ ၶုၼ်လူင်ယေႃးၵၼမ်ႇၵႃႈၼိူဝ်လွႆၵရမေႇလႃႉပႃးၼိုင်ႈ၊- 23ၶုၼ်လူင်တေႃႇရႃႉ ၵႃႈၼိူဝ်တီႈဢၼ်သုင်မိူင်းတေႃႇရႃႉပႃးၼိုင်ႈ၊ ၶုၼ်လူင်ၵေႃးဢိမ်ႇ ၵႃႈတီႈမိူင်းၵီႉလႃႉၵႃႇလႃႉၼၼ်ႉပႃးၼိုင်ႈ၊- 24ၶုၼ်လူင်တီႉရၸႃႉပႃးၼိုင်ႈ၊ ၶုၼ်လူင်တင်းသဵင်ႈတင်းလူင်ၼၼ်ႉပွင်းၵၼ် မီးသၢမ်သိပ်းပၢႆဢဵတ်းပႃးဢေႃႈ။
Copyright © 2021 by OMF International, Shan Baptist Churches Fellowship