इफिसुस 2
2
मोतऊँ जीवन कानि
1 #
कलु 2:13
पाप अर परमेसर का हुकमानै नइ मानबा की बजेऊँ थे आत्मिक रूपऊँ मरेड़ा हा। 2अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा#2:2 अकास प राज करबाळा की आत्मा सेताननै दिखावै ह, जखो परमेसर क खिलाप काम करै ह। को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै। 3साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा। 4पण परमेसर की दया अपरम्पार, अर आपणा ताँई बिको प्यार-परेम बोळो बडो ह। 5अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा। 6अर मसी क मरेड़ा म जी उठबा की बजेऊँ बो आपानै ईस्बर नगरी म मसी ईसु क सागै राज करबा ताँई जीवायो। 7ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै। 8-9क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै। 10आपा परमेसर की बणाएड़ी रचना हां अर मसी ईसुऊँ भला काम करबा ताँई आपानै रच्यो गयो ह, जानै परमेसर पेल्याऊँई आपणा ताँई त्यार कर्यो ह।
मसी म एक
11इ ताँई थे इ बातनै याद करो क थे जलमजात गैर-यहूदि हो, अर काया म मिनखा क हाता सुन्नत करवायड़ा मिनख जानै इ बात प घमंड ह थानै बिना सुन्नतहाळा बोलै ह, 12अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा। 13पण थे जखा पेल्या परमेसरऊँ दूर हा, इब मसी ईसु का लोयऊँ कनै ल्याया गया हो। 14क्युं क यहूदि अर गैर-यहूदिआ क बिचमै मसी स्यांती लेर आयो अर बानै मिलार एक कर दिओ, अर आपकी काया का बलिदानऊँ बानै न्यारो करबाळी अर बैर बंधाबाळी भीतनै ढाह गेरी। 15#कलु 2:14अर नेम-कायदा का हुकमा अर नेम-कायदानै#2:15 यहूदि धरम क गेल क्युंक जानबरा को मास खाणो, अरामहाळा दिन काम करबो बरजेड़ो ह अंय्यां का बोळा नेम-कायदा हीं। भुजाण दिओ अर यहूदि अर गैर-यहूदिआनै आपसरी म मिलार परमेसर का मिनख बणा दिओ। 16#कलु 1:20अर सुळी प ईसु मसी बैर-भावनै नास कर दोन्यानै एक काया बणार परमेसरऊँ मिला दिओ। 17मसी आर थानै जखा परमेसरऊँ दूर हा अर बानै जखा बिकन हा दोन्यानै स्यांती को चोखो समचार सुणायो। 18मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां। 19इ ताँई इब थे परमेसर की नजर्या म बारला कोनी हो, पण परमेसर का मिनखा क सागै परमेसर का घरबार का बणग्या हो। 20जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह। 21बो मसी सगळी हेलीनै थाम राख्यो ह। अर मसी मई परमेसर सगळा बिस्वास्यानै मिलार पबितर आत्मा का बास ताँई एक पबितर मनदर बणार्यो ह। 22अर थेबी ईसु मसी म मनदर होबा ताँई बणाया जार्या हो जिमै परमेसर बिकी पबितर आत्मा क जरिए बास करै ह।
Šiuo metu pasirinkta:
इफिसुस 2: एस डब्लु वी
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
(c) 2010-2017, New Life Computer Institute. All rights reserved