2 कुरन्थीयो 3
3
नया करार की सेवा
1के म्हें खुद म्हारी बडाई करर्या हां? नहिस म्हें दुसरा मिनखा की जंय्यां चापलुसी की चिठी मांडर थानै देवां नहिस थारूँ ल्यां? 2म्हारी चिठी तो थे हो, जखी म्हारै हिया की पट्या प मंडरी ह बिनै सगळा मिनख जाणै अर बाचै ह। 3थे चिठी की जंय्यां हो जिनै खुद मसी मांडी ह अर म्हारै हाता भेजी ह। आ चिठी स्याईऊँ भाठा की पट्या प कोनी मांडी गई पण जीवता परमेसर की पबितर आत्माऊँ मिनखा की हिया की पटी प मांडी गई ह।
4अर म्हें आ बात इ ताँई खेवां हां क्युं क मसी की बजेऊँ म्हानै परमेसर म पूरो बिस्वास ह। 5इको ओ मतबल कोनी क म्हें इ कामनै करबा को बूतो राखां हां। पण म्हानै ओ बूतो परमेसरई देवै ह। 6अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।
7मोत ल्याबाळी सेवा जखी मूसा का नेम-कायदा गेल होती ही जखो भाठा की पट्या प मांड्यो गयो अर जद ओ बिधान दिओ गयो जणा परमेसर की मेमा परगट होई। बि टेम का मूसा का मुंडा की चमक होळ्या-होळ्या कम होरी ही इकै बावजुद बी बा अत्ती जोरकी ही क इजरायल का मिनख बिका मुंडा कानि कोनी देख पार्या हा। 8जणा जीवन ल्याबाळी सेवा जखी पबितर आत्मा गेल होवै ह बिऊँ बेत्ती भळका मारबाळी क्युं कोनी होसी? 9जद मोत ल्याबाळी सेवा मेमाऊँ भरेड़ी ही जणा जीवन ल्याबाळी सेवा जखी धरमी बणावै ह बा बिऊँ बेत्ती मेमाऊँ भरेड़ी क्युं कोनी होसी? 10इ नया करार की सेवा की मेमा क आगै मूसा का बिधान की मेमा क्युंई कोनी। 11ज मूसा को बिधान क्युंक टेम मई मिटबाळी मेमा क सागै दिओ गयो हो जणा इ कदैई नइ मिटबाळा नया करार की मेमा बिऊँ बोळी जोरकी क्युं कोनी होसी?
12म्हारै कनै आ मेमा भरी आस ह जणाई म्हें बेधड़क बोलर्या हां। 13अर म्हें बि मूसा की जंय्यां कोनी जखो आपका मुंडानै गाबाऊँ ढक लिओ हो क्युं क कदै अंय्यां नइ होज्या क इजरायल का मिनख आपकी आँख्याऊँ बि मिटबाळा तेजनै देखले। 14पण हालताई बाकी बुदी काम कोनी करै अर बे बि पुराणीया करारनै बाची हीं इ बजेऊँ बाकै आज बी आँख्या प बोई परदो पड़्यो ह। ओ परदो मसीई हटा सकै ह। 15आज बी जद कदै मूसा का नेम-कायदा बाच्या जावै ह जणा बो परदो बाकी मती प पड़ ज्यावै ह। 16पण जखो बी परबु म मन लागावै ह बिकी बुदीऊँ बो परदो हटा दिओ जावै ह। 17परबु अर पबितर आत्मा एकई ह अर जठै परबु की पबितर आत्मा ह बठै छुटकारो ह। 18इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।
Šiuo metu pasirinkta:
2 कुरन्थीयो 3: एस डब्लु वी
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
(c) 2010-2017, New Life Computer Institute. All rights reserved
2 कुरन्थीयो 3
3
नया करार की सेवा
1के म्हें खुद म्हारी बडाई करर्या हां? नहिस म्हें दुसरा मिनखा की जंय्यां चापलुसी की चिठी मांडर थानै देवां नहिस थारूँ ल्यां? 2म्हारी चिठी तो थे हो, जखी म्हारै हिया की पट्या प मंडरी ह बिनै सगळा मिनख जाणै अर बाचै ह। 3थे चिठी की जंय्यां हो जिनै खुद मसी मांडी ह अर म्हारै हाता भेजी ह। आ चिठी स्याईऊँ भाठा की पट्या प कोनी मांडी गई पण जीवता परमेसर की पबितर आत्माऊँ मिनखा की हिया की पटी प मांडी गई ह।
4अर म्हें आ बात इ ताँई खेवां हां क्युं क मसी की बजेऊँ म्हानै परमेसर म पूरो बिस्वास ह। 5इको ओ मतबल कोनी क म्हें इ कामनै करबा को बूतो राखां हां। पण म्हानै ओ बूतो परमेसरई देवै ह। 6अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।
7मोत ल्याबाळी सेवा जखी मूसा का नेम-कायदा गेल होती ही जखो भाठा की पट्या प मांड्यो गयो अर जद ओ बिधान दिओ गयो जणा परमेसर की मेमा परगट होई। बि टेम का मूसा का मुंडा की चमक होळ्या-होळ्या कम होरी ही इकै बावजुद बी बा अत्ती जोरकी ही क इजरायल का मिनख बिका मुंडा कानि कोनी देख पार्या हा। 8जणा जीवन ल्याबाळी सेवा जखी पबितर आत्मा गेल होवै ह बिऊँ बेत्ती भळका मारबाळी क्युं कोनी होसी? 9जद मोत ल्याबाळी सेवा मेमाऊँ भरेड़ी ही जणा जीवन ल्याबाळी सेवा जखी धरमी बणावै ह बा बिऊँ बेत्ती मेमाऊँ भरेड़ी क्युं कोनी होसी? 10इ नया करार की सेवा की मेमा क आगै मूसा का बिधान की मेमा क्युंई कोनी। 11ज मूसा को बिधान क्युंक टेम मई मिटबाळी मेमा क सागै दिओ गयो हो जणा इ कदैई नइ मिटबाळा नया करार की मेमा बिऊँ बोळी जोरकी क्युं कोनी होसी?
12म्हारै कनै आ मेमा भरी आस ह जणाई म्हें बेधड़क बोलर्या हां। 13अर म्हें बि मूसा की जंय्यां कोनी जखो आपका मुंडानै गाबाऊँ ढक लिओ हो क्युं क कदै अंय्यां नइ होज्या क इजरायल का मिनख आपकी आँख्याऊँ बि मिटबाळा तेजनै देखले। 14पण हालताई बाकी बुदी काम कोनी करै अर बे बि पुराणीया करारनै बाची हीं इ बजेऊँ बाकै आज बी आँख्या प बोई परदो पड़्यो ह। ओ परदो मसीई हटा सकै ह। 15आज बी जद कदै मूसा का नेम-कायदा बाच्या जावै ह जणा बो परदो बाकी मती प पड़ ज्यावै ह। 16पण जखो बी परबु म मन लागावै ह बिकी बुदीऊँ बो परदो हटा दिओ जावै ह। 17परबु अर पबितर आत्मा एकई ह अर जठै परबु की पबितर आत्मा ह बठै छुटकारो ह। 18इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
(c) 2010-2017, New Life Computer Institute. All rights reserved