Ta je Vejec 15
15
1ADRE me thu menyikâ, me adre me obâ hmönyin
Ke hofuc ae vec ame okûâ hmonyin.
2Haba bohmen at ae metâ me ame ha wisa ge wâhmakhmeto:
Ke haba hnyimen tavat ae monu, me ame hingâlâ hwen monu.
3Ka e bi li emakö Iehova hnyi ta je dok hia,
E ame wâ so me kong.
4Haba bohmen ae wisa, me wale ûöiny möt:
Ke haba he ka fuc hwali, me wale hnân oamamâ hnyok.
5Haba at ae monu, me ame hmiân hna ûne hnen kamen:
Ke haba at ame kap hna nâ, me ame he ka wâ wia.
6E gan hmâ omjeû hnyi uma umen at ae wisa:
Ke e hu vec ae gan hnyi troban at ae kong.
7Haba li esongodiny at ae metâ, me ame khûkhûâ wâhmakhmeto:
Kʼ ame ca hnyi helâe hnyekon at ae monu.
8Hmiö Iehova hut anyin tavat ae kong;
Ke e ame senyin ge hic hijin at ae wisa.
9Hmiö Iehova gethen deny at ae kong:
Ke e ame betenge ge tavat adre me vheno wisa.
10E hu hna nâ ae vec hobi kâu at ame hna degecâ gethen:
Kʼ ame he ka mok at ame hociâ hna nâ.
11E bi hnyi hnyimakö Iehova hedis me hnaûhango,
Awe, ame ca he ka helâe ge je hnyekon tavat!
12Haba at ame ûhiö, me ame ca betenge bi ka at ame nâ e:
E ame ca he ka he ka at ae metâ.
13Haba hnyok ame senyin, me ame osoâ hnyimak:
Ke haba hnyok ae hmak me ame ohlöu-hlöuâ at.
14Haba hnyekon at ame wâ ûnykûme, me ame elâm metâ:
Ke haba hnyimen tavat ae monu, me ame han hwen monu.
15E kong ta je bong hia ka at ame vec:
Ke haba hnyok ae hâhâ, me wale bijeû hnyi ta je bong.
16E so e ûhnyûkong hna hu tha e me ot ko Iehova,
Hon e ka se hia ta je ûnyi tha e me hlohlo.
17E so jekhoû a tap khölak tha e me ibetengiö,
Hon ut bolok ame han eio hnyuma, tha e me ûöhûköti.
18Haba at ae hmonyin, me ame ohuâ iwatretra:
Ke haba at ae bec he ka hmonyin, me ame thawâ ivino.
19Haba gethen deny ūsēnyin, me helâ me hak ûö ae udedö:
Ke adre ânyâ deny at ae wisa me me hna cit gethen.
20Haba nokon ae metâ, me ame osenyinâ kamen:
Ke haba at ae monu, me ame hûkotiâ hinyen.
21Haba hwen monu, me wale senyin ka at ae ba hnyekon:
Ke haba at ame wâhmakhmeto, me ame vheno wisa.
22A ne ba ûhnenamö, ame ca he ka hwâdâ je weny:
Ke ame otilâ e, hnen tavat ûhnenamö ae se hia.
23Ame senyin at ge hna thu hnen hnyi men:
Shaiba ge soiny hofuc adre me ha hnyi ûen ae ûcû!
24Ame ölö goranyai gethen deny möt, ka tavat ae metâ,
Me me kec ge hedis eû.
25Ame he Iehova ka oc degecâ uma umen at ae bi gan:
Ke e ame he ka otethmâ hnyigöulen safac.
26Hmiö Iehova ta je bihihwakecin ae kong:
Ke alai ta je hofuc ae kese.
27Haba at ame behnyekon omjeû, me ame omonumonoâ anyin bi lap:
Ke ame he ka möt at ame hûkotiâ ta je bwihlany.
28Haba hnyekon at ae wisa, me ame ûnykûme hnen hna thu:
Ke haba hnyimen at ae kong, me ame wala hofuc ae kong.
29Iehova ame ûsâkâûö me tavat ae kong:
Ke e ame long hic hijin tavat ae wisa.
30Haba melaminy li ecmak, me ame osenyinâ hnyok:
Ke haba ûthumetu ae so ame opipikhenya je jö.
31Haba hnyiköny, me ame long hna ûne hnân melen,
Me ame he ka tha laba me tavat ae metâ.
32Haba at ame hmiân hna ûne me ame ka hmiân e bi:
Ke haba at ame long hna nâ, me ame he ka hu ûne gan.
33Haba at ot kö Iehova, me wale hna ûne hnen metâ;
Ame bân hwakecin ae ûhnyûkong, me biliny bi hna ogânâ.
maintained by the British and Foreign Bible Society