ÚKLƆ́ KÚ ĀCOTƐ̄HƆ̄ 12
12
Uhɛ́rɔ̄du yá ācɛ kú Ohɔ́nyɛtá ōwē. Upíta le kwu ŋmá agbá
1Ɛpléeko nyā Ɔcɛ́ Uhérɔ̄du gbɔɔ́ ō bɛ́yíkwu ācɛ ōhī kú icɔ́ɔci. 2Ó bī ɔkpacaŋ́gelī le Ujémīsi ɔyínɛ́ Ujɔ́ni ŋmó. 3Eko nōó má ka ɛ̄nyā le he ācɛ Ujíyu ɔtū ā, ó i yɛ gaá le Upíta kwú. Ɛ̄nyā yá ɛpléeko uculo kú igbō nōó ī nū ŋ́ mā a. 4#Oyɛb 12.1-27Eko nōó lɛ Upíta kwú ā, ó kwú ɔ̄ ú tá agbá, anɔ́ɔ ó kwú ɔ̄ ú lɛ ígwu ɛnɛ kú aícɔ́ɔja kéē gbō ɔ̄. Ó bī ɔ̄ ɔtu kóō kwú ɔ̄ ú ŋmá agbá gé lɛ ójīla ohɛ́pɔ̄ ā igbīhi uculo kú onyatá ā. 5Eko nɛ̄ Upíta yɔ̄ ijaló ā, ācɛ icɔ́ɔci ā yɔ̄ ī gbɔ̄ɔkɔ lɛ Ɔwɔicō lɔfú lɔfú ohígbū nū.
6Otū piíí kú ɛ̄cī nɛ̄ Uhérɔ̄du ī tínē kóō bī ɔ̄ wɛ̄ɛcɛ gé lɛ ācɛ ā, Upíta yɔ̄ ī gbɔlā ɔtāhɛ̄ kú aícɔ́ɔja ɛpa, agbá ɛpa kē kwu ɔ́, ācogbāājɛ kē bá ī gbō okómpīinu kú ināgbá ā. 7Igbeékpónú Alelékwū otɛ̄hɔ̄ kú Óndú ā gaá háyi pī Upíta anɔ́ɔ ɔlá le fíyaajɛ ināgbá ā á. Alelékwū otɛ̄hɔ̄ ā lɛ abɔ̄ fíyɛ́ Upíta áklō kpɛɛkpɛ, anɔ́ɔ ó lɛ ɔ́ héyī, da ɔ́ kahíníī, “Cāŋjɛ fíya fíya.” Anɔ́ɔ agbá ā le wī ŋmá abɔ̄ kú nū á. 8Anɔ́ɔ Alelékwū otɛ̄hɔ̄ ā da ɔ́ kahíníī, “Kwú úwé ú wiyē, ká ā kwú áblákpá kú uwɔ ú wu ikpó.” Ó le yá lɛ aá. Anɔ́ɔ ó da ɔ́ kahíníī, “Kwú úwé eyɛ̄ɛ̄cɛ kú uwɔ ú wiyē, ká ā yɛce um.” 9Anɔ́ɔ Upíta yɛce ɔ́ le bɛ̄cɛ ŋmá inagbá á. Ó jé ka ɔdā nɛ̄ Alelékwū otɛ̄hɔ̄ ā yɔ̄ ī yá ā ɔ́ɔ wɛ ɔdā eyī cāā ŋ́, amáŋ ó gbɛlá ka anúɔ yɔ̄ ī nɔ̄ɔna nɛ. 10Eko nēé le gla ācogbāājɛ kú aflɛ́yí mɛ́mla ɔ́mpa ā, é gā odūngwɔ̄wɛ kú oje nōo yɛ ga igelī nɛ̄hi ā. Ó le nwūla lɛ uwá abɔ̄yī nū, anɔ́ɔ é le bɛ̄cɛ á. É le yɛ bū ipú úláyi éyi, anɔ́ɔ igbeékpónú Alelékwū ōtɛ̄hɔ̄ ā nyɛ̄ɛ̄ hɛ̄ Upíta tá á. 11Eko nɛ̄ Upíta lɛ iyī nū jé ā, ó kahíníī, “Abālɔbányā, n le jé cāā ka Óndú ā tū alelékwū-ōtɛ̄hɔ̄ kú nū ɛhɔ̄ kóō wā gaá hɛ́ um tá ŋmá abɔ̄ Uhérɔ̄du mɛ́mla ɔdā dóódu nɛ̄ ācɛ Ujíyu leyīce kóō í yá ā.”
12Eko nōó lɛ ɛ̄nyā jé ā, ó le tá ɔlɛ́ Umerí, ɛ́nɛ́ kú Ujɔ́ni nɛ̄ iyē ɔhá kú nū lé ka Umáki, ɛga nɛ̄ ayíkpó alɛwa jīla tɔ̄há bá ī gbɔ̄ɔkɔ ā. 13Upíta lɛ abɔ̄ gbo ɔwɛ kú eyīyɛ̄ce ā, ɔyínɔ̄nyā éyi nēé hī ka Uróda ā gaá tá ɔ̄ ohi á. 14Eko nōó lɛ ɔkɔ kú Upíta jé ā, ohígbū éeyē nōo yɔ̄ ī gwó ā, ó nwūla ɔwɛ lɛ ɔ́ glá ŋ́, amáŋ ó le inya kwu kwúcē ga inu gaá da uwá ka Upíta ɔ́ɔ háyi okómpinu á. 15Anɔ́ɔ é da ɔ́ kahíníī, “Á ī jɛ́lɛ́.” Amáŋ ó bī ɛlā nōo ī ka ā kpɔ́ ka ɔ́ɔ wɛ ɔkwɛ̄yi. Anɔ́ɔ é kahíníī, “Alelékwū kú nū nɛ.” 16Amáŋ Upíta yɔ̄ ī lɛ abɔ̄ gbo ɔwɛ kpɔ́. Anɔ́ɔ eko nēé lɛ ɔwɛ nwūla ā, é lɛ ɔ́ má, ó kē le hɛ́ uwā idáagó nɛ̄hi. 17Ó le abɔ̄ yá lɛ uwā kéē bá cíí, ó kā uwā ɔ̄kā ɛ́gɛ́nɛ̄ Óndú ā bī ɔ̄ wɛ̄ɛcɛ ŋmá ināgbá lɛ ā. Anɔ́ɔ ó kahíníī, “Aá lɛ ɔdā nyā da Ujémīsi mɛ́mla ayínɛ́ alɔ ohile.” anɔ́ɔ ó nyɛ̄ɛ̄ le tá ɛga ɔhá á.
18Eko nɛ̄ eyī le nyā ā, útú nɛ̄hi le hɛ́ ɔtāhɛ̄ aícɔ́ɔja ā ohígbū ɔdā nōo lɔfú yá Upíta ā glá ā. 19Uhérɔ̄du le ɔ́da je kéē dɔɔ̄kā Upíta, amáŋ é má ɔ̄ ŋ́, ó le ɔ̄kā da ācogbāājɛ ā lɔɔlɔhi, anɔ́ɔ ó le ɔ́da je kéē lɛ uwá kpó ŋmó. Igbīhi ɛ̄nyā Uhérɔ̄du nyɛ̄ɛ̄ ŋmá Ujudíya le tá Usísarīya gaá klá abɔ́ɔ lígíí.
Ikwū kú Uhérɔ̄du
20Uhérɔ̄du le cɔ̄nū nɛ̄hi lɛyíkwu ācɛ Utáya mɛ́mla Usídɔn, anɔ́ɔ ígwu kú uwā éyi le pɛ́ tá ɛgiyí nū kóō tá uwā abɔ̄, ohígbū ka éwo kú uwā gē lɛ ɔdōlé kú uwā ŋmá ajɛ ɔlɛ́ nū. Aflɛ́yí é le ɔya kpó tá Ublástɔ̄si, ɔ̄cɛ o leyīkwu agbla kú ɔcɛ́ ā, cɛ́ɛ́ kóō géē tá uwā abɔ̄. 21Ícíícɛ ɛ̄cī nēé je tá ā, Uhérɔ̄du le awulú ɔcɛ́ kú nū kpó wiyē, anɔ́ɔ o nyɔ̄ ī cīce ɛyí akpa kú ɔcɛ́, anɔ́ɔ ó le ɛlā ka lɛ ācɛ ā á. 22Ācɛ ā cílokwúlu kahíníī, “Ó kɛlā bɛ̄ɛka ɔwɔ ā, ó wɛ ɔkɔ kú ɔ̄cɛ ŋ́!” 23Ɔkwɔɔkwu ɔ́mā, Alelékwū ōtɛ̄hɔ̄ kú Óndú ā lɛ abɔ̄ gɔ́ klá ajɛ ohígbū kóō cɛ̄tra Ɔwɔicō ŋ́. Ó kwú gbɛkɔ̄, anɔ́ɔ ó gekwú á.
24Amáŋ ɛlā kú Ɔwɔicō yɔ̄ ī jɛ̄ gɔbū klla le nyīla.
25Eko nɛ̄ Ubánābasi mɛ́mla Usɔ́lu kwúcē ŋmá Ujerúsālɛm eko nēé lɛ úklɔ́ kú uwā yá kwɛyí ā. Uwá mla Ujɔ́ni, nɛ̄ iyē ɔhá kú nū lé ka Umáki ā tīīkpó wā á.
Šiuo metu pasirinkta:
ÚKLƆ́ KÚ ĀCOTƐ̄HƆ̄ 12: IFBCL
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
The Bible Society of Nigeria
Sužinoti daugiau apie Ubáyíbu kú IdɔmaÚKLƆ́ KÚ ĀCOTƐ̄HƆ̄ 12
12
Uhɛ́rɔ̄du yá ācɛ kú Ohɔ́nyɛtá ōwē. Upíta le kwu ŋmá agbá
1Ɛpléeko nyā Ɔcɛ́ Uhérɔ̄du gbɔɔ́ ō bɛ́yíkwu ācɛ ōhī kú icɔ́ɔci. 2Ó bī ɔkpacaŋ́gelī le Ujémīsi ɔyínɛ́ Ujɔ́ni ŋmó. 3Eko nōó má ka ɛ̄nyā le he ācɛ Ujíyu ɔtū ā, ó i yɛ gaá le Upíta kwú. Ɛ̄nyā yá ɛpléeko uculo kú igbō nōó ī nū ŋ́ mā a. 4#Oyɛb 12.1-27Eko nōó lɛ Upíta kwú ā, ó kwú ɔ̄ ú tá agbá, anɔ́ɔ ó kwú ɔ̄ ú lɛ ígwu ɛnɛ kú aícɔ́ɔja kéē gbō ɔ̄. Ó bī ɔ̄ ɔtu kóō kwú ɔ̄ ú ŋmá agbá gé lɛ ójīla ohɛ́pɔ̄ ā igbīhi uculo kú onyatá ā. 5Eko nɛ̄ Upíta yɔ̄ ijaló ā, ācɛ icɔ́ɔci ā yɔ̄ ī gbɔ̄ɔkɔ lɛ Ɔwɔicō lɔfú lɔfú ohígbū nū.
6Otū piíí kú ɛ̄cī nɛ̄ Uhérɔ̄du ī tínē kóō bī ɔ̄ wɛ̄ɛcɛ gé lɛ ācɛ ā, Upíta yɔ̄ ī gbɔlā ɔtāhɛ̄ kú aícɔ́ɔja ɛpa, agbá ɛpa kē kwu ɔ́, ācogbāājɛ kē bá ī gbō okómpīinu kú ināgbá ā. 7Igbeékpónú Alelékwū otɛ̄hɔ̄ kú Óndú ā gaá háyi pī Upíta anɔ́ɔ ɔlá le fíyaajɛ ināgbá ā á. Alelékwū otɛ̄hɔ̄ ā lɛ abɔ̄ fíyɛ́ Upíta áklō kpɛɛkpɛ, anɔ́ɔ ó lɛ ɔ́ héyī, da ɔ́ kahíníī, “Cāŋjɛ fíya fíya.” Anɔ́ɔ agbá ā le wī ŋmá abɔ̄ kú nū á. 8Anɔ́ɔ Alelékwū otɛ̄hɔ̄ ā da ɔ́ kahíníī, “Kwú úwé ú wiyē, ká ā kwú áblákpá kú uwɔ ú wu ikpó.” Ó le yá lɛ aá. Anɔ́ɔ ó da ɔ́ kahíníī, “Kwú úwé eyɛ̄ɛ̄cɛ kú uwɔ ú wiyē, ká ā yɛce um.” 9Anɔ́ɔ Upíta yɛce ɔ́ le bɛ̄cɛ ŋmá inagbá á. Ó jé ka ɔdā nɛ̄ Alelékwū otɛ̄hɔ̄ ā yɔ̄ ī yá ā ɔ́ɔ wɛ ɔdā eyī cāā ŋ́, amáŋ ó gbɛlá ka anúɔ yɔ̄ ī nɔ̄ɔna nɛ. 10Eko nēé le gla ācogbāājɛ kú aflɛ́yí mɛ́mla ɔ́mpa ā, é gā odūngwɔ̄wɛ kú oje nōo yɛ ga igelī nɛ̄hi ā. Ó le nwūla lɛ uwá abɔ̄yī nū, anɔ́ɔ é le bɛ̄cɛ á. É le yɛ bū ipú úláyi éyi, anɔ́ɔ igbeékpónú Alelékwū ōtɛ̄hɔ̄ ā nyɛ̄ɛ̄ hɛ̄ Upíta tá á. 11Eko nɛ̄ Upíta lɛ iyī nū jé ā, ó kahíníī, “Abālɔbányā, n le jé cāā ka Óndú ā tū alelékwū-ōtɛ̄hɔ̄ kú nū ɛhɔ̄ kóō wā gaá hɛ́ um tá ŋmá abɔ̄ Uhérɔ̄du mɛ́mla ɔdā dóódu nɛ̄ ācɛ Ujíyu leyīce kóō í yá ā.”
12Eko nōó lɛ ɛ̄nyā jé ā, ó le tá ɔlɛ́ Umerí, ɛ́nɛ́ kú Ujɔ́ni nɛ̄ iyē ɔhá kú nū lé ka Umáki, ɛga nɛ̄ ayíkpó alɛwa jīla tɔ̄há bá ī gbɔ̄ɔkɔ ā. 13Upíta lɛ abɔ̄ gbo ɔwɛ kú eyīyɛ̄ce ā, ɔyínɔ̄nyā éyi nēé hī ka Uróda ā gaá tá ɔ̄ ohi á. 14Eko nōó lɛ ɔkɔ kú Upíta jé ā, ohígbū éeyē nōo yɔ̄ ī gwó ā, ó nwūla ɔwɛ lɛ ɔ́ glá ŋ́, amáŋ ó le inya kwu kwúcē ga inu gaá da uwá ka Upíta ɔ́ɔ háyi okómpinu á. 15Anɔ́ɔ é da ɔ́ kahíníī, “Á ī jɛ́lɛ́.” Amáŋ ó bī ɛlā nōo ī ka ā kpɔ́ ka ɔ́ɔ wɛ ɔkwɛ̄yi. Anɔ́ɔ é kahíníī, “Alelékwū kú nū nɛ.” 16Amáŋ Upíta yɔ̄ ī lɛ abɔ̄ gbo ɔwɛ kpɔ́. Anɔ́ɔ eko nēé lɛ ɔwɛ nwūla ā, é lɛ ɔ́ má, ó kē le hɛ́ uwā idáagó nɛ̄hi. 17Ó le abɔ̄ yá lɛ uwā kéē bá cíí, ó kā uwā ɔ̄kā ɛ́gɛ́nɛ̄ Óndú ā bī ɔ̄ wɛ̄ɛcɛ ŋmá ināgbá lɛ ā. Anɔ́ɔ ó kahíníī, “Aá lɛ ɔdā nyā da Ujémīsi mɛ́mla ayínɛ́ alɔ ohile.” anɔ́ɔ ó nyɛ̄ɛ̄ le tá ɛga ɔhá á.
18Eko nɛ̄ eyī le nyā ā, útú nɛ̄hi le hɛ́ ɔtāhɛ̄ aícɔ́ɔja ā ohígbū ɔdā nōo lɔfú yá Upíta ā glá ā. 19Uhérɔ̄du le ɔ́da je kéē dɔɔ̄kā Upíta, amáŋ é má ɔ̄ ŋ́, ó le ɔ̄kā da ācogbāājɛ ā lɔɔlɔhi, anɔ́ɔ ó le ɔ́da je kéē lɛ uwá kpó ŋmó. Igbīhi ɛ̄nyā Uhérɔ̄du nyɛ̄ɛ̄ ŋmá Ujudíya le tá Usísarīya gaá klá abɔ́ɔ lígíí.
Ikwū kú Uhérɔ̄du
20Uhérɔ̄du le cɔ̄nū nɛ̄hi lɛyíkwu ācɛ Utáya mɛ́mla Usídɔn, anɔ́ɔ ígwu kú uwā éyi le pɛ́ tá ɛgiyí nū kóō tá uwā abɔ̄, ohígbū ka éwo kú uwā gē lɛ ɔdōlé kú uwā ŋmá ajɛ ɔlɛ́ nū. Aflɛ́yí é le ɔya kpó tá Ublástɔ̄si, ɔ̄cɛ o leyīkwu agbla kú ɔcɛ́ ā, cɛ́ɛ́ kóō géē tá uwā abɔ̄. 21Ícíícɛ ɛ̄cī nēé je tá ā, Uhérɔ̄du le awulú ɔcɛ́ kú nū kpó wiyē, anɔ́ɔ o nyɔ̄ ī cīce ɛyí akpa kú ɔcɛ́, anɔ́ɔ ó le ɛlā ka lɛ ācɛ ā á. 22Ācɛ ā cílokwúlu kahíníī, “Ó kɛlā bɛ̄ɛka ɔwɔ ā, ó wɛ ɔkɔ kú ɔ̄cɛ ŋ́!” 23Ɔkwɔɔkwu ɔ́mā, Alelékwū ōtɛ̄hɔ̄ kú Óndú ā lɛ abɔ̄ gɔ́ klá ajɛ ohígbū kóō cɛ̄tra Ɔwɔicō ŋ́. Ó kwú gbɛkɔ̄, anɔ́ɔ ó gekwú á.
24Amáŋ ɛlā kú Ɔwɔicō yɔ̄ ī jɛ̄ gɔbū klla le nyīla.
25Eko nɛ̄ Ubánābasi mɛ́mla Usɔ́lu kwúcē ŋmá Ujerúsālɛm eko nēé lɛ úklɔ́ kú uwā yá kwɛyí ā. Uwá mla Ujɔ́ni, nɛ̄ iyē ɔhá kú nū lé ka Umáki ā tīīkpó wā á.
Šiuo metu pasirinkta:
:
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
The Bible Society of Nigeria
Sužinoti daugiau apie Ubáyíbu kú Idɔma