१ तिमोथी 3
3
मन्दलीलाव लोम्बार
1आव साचो पाँ लिज़्या, जो मिँ मन्दलीलाव लोम्बा जैसिउ पैंज़्याव, होए चाव य़ेन ज़ खिम्ज़्याव। 2खाली नो मिँ प़ाइँत ज़ ओखत माल्यो ताव परिके। नोए ओज्या ब तोबो वाज़ ओताक, स़ोनो प़ाइँल थ॰रिउ, ओतहस ओमानस ल्यो, पाहुनार समारिन्या, परमेस्वरए ओपाँ पैन्यात ओगहक ल्यो ओताक। 3फरी नो मिँ मद छोकोरा ओन्यात माङ़मो, पैसाए लोभदा ब माबाव, इ़सिन्या रसिन्या ओयाःनी मापले·द ओमानस ल्यो ओताक। 4उझ़िम चावस चलैधुन्या, ओज़ारालाई ब चावस ज़ दईद मुइलिउर जैधुन्या ओताक। 5जोए उझ़िमलावरालाई चावस माराचलैधुव होए परमेस्वरए ओमन्दलीलाई झन कै जैद ओचलैधुरिज़्याव? 6स़ोनो नो लोम्बा जैसिज़्याव मिँ भर्ज़ा परमेस्वरए ओपाँत हुव ताताक, म़ानी कैताराक स॰द सैतान उपरिउल ओल मनी परिन्या ओछ्यास लिज़्या। 7फरी परमेस्वरए ओपाँत माहुव मिँराए याङ़ाक ब चाव उमिन ल्यो ओताक, म़ानी नोराए नोए ओपाँःच्यार हाइद याएक सैतानए ओजालल परिन्या ले।
मन्दलीलाव य़ेनत सघैज़्याव स़ेरर
8हिताव ज़ मन्दलीलाव य़ेनत सघैज़्याव स़ेरर ब यामानस ल्योर, यापाँ ऩेपाँ माल्योर, मद छोकोरा ओन्यात माङ़मोर, पैसाए लोभदा माबाज़्यावर ओतारक। 9बुरू यादैव युँ हुबो फैसिउ पाँलाई चावस तीद नत ज़ छैंव युँस धिद उलिरक। 10नोरालाई ङ़ादा जाँचिद याखत माल्योर याथ॰रिकिन वाज़ मन्दलीलाव सेवात सघैन्या य़ेन ओदोरक। 11सेवात सघैन्या मेंमार#3:11 छुत बुझिन्या — मन्दलीलाव य़ेनत सघैज़्याव स़ेरराए याज्यार। ब यासुबास ल्योर, अर्काए उछींनी मापाँन्यार, यातहस ल्योर, प़ाइँत सतस ल्योर ओतारक। 12सेवात सघैन्या खेपार फरी याज्या तोबो वाज़ ओताक। याज़ार स़ोनो याझ़िमलावरालाई ब चावस ओराचलैरक। 13निताव सेवात सघैन्या य़ेन दाज़्यावराए यामिन स्यासो चाव य़ेन यादोकिन नोराए यामान ब रहिन्या ले, येसु ख्रीसए ओपाँत ब यायुँर झन ज़ हुप्न्या ले।
परमेस्वरए कप्सिउ ओपाँ
14-15ङा नल्योदा चाँदो ज़ हुन्या युँ ङादोज़्या। खाली ‘कैताराक धिलो ताए सैं’ लिद आव चिथी ङ़ादा ज़ सर्द ङापरींज़्या। आव चिथीनी ज़, ‘गे परमेस्वरए उझ़िमलावराए इतावनी दोव ताके’ लिन्या प़ाइँए ज़ सैंन्या जेले। परमेस्वरए उझ़िमलावर जींदो परमेस्वरए ओमन्दली ज़, साचो ओपाँलाई थ·रैद्याज़्याव गज तर्ताव खाँबा ज़। 16साचो ज़ आव गेमानिज़्याव परमेस्वरए कप्सिउ ओपाँ ते बनै अचम्बलाव लिज़्या,
परमेस्वर मिँए क्याँ जैसिद सरैंःसिके।
छैंव पुरूसनी साचो ज़ थ॰रिके।
ओचाकर्याराए याङ़ाक ब सरैंःसिके।
उमिन प़ाइँ जातलावराए याखार्ल थास्के।
संसारलाव काना कुनीङ ब यायुँ हुप्के।
छींनी स्वर्गताव ओज़गैदा ज़ छींसिके।
Šiuo metu pasirinkta:
१ तिमोथी 3: NKham
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2015, Wycliffe Bible Translators, Inc. All rights reserved.