Salmos 13
13
Tjáte̱hé ti ó nixjahani
Salmo kuènté David
1Jaha Itꞌéni Díos, ¿hasta nkesá na̱xa̱ tsꞌitjáñahan ti jeheni?
¿Á nkochríxín tsꞌitjáñahan ti jeheni ní?
¿Xá nkochríxín tsjakꞌeme̱héni ní?
2¿Xá xi̱kahó tsjasóte a̱séni ní?
¿Á nkochríxín tsꞌáváni ní?
¿Xá nkochríxín tsꞌe̱to̱an ti sin nínkakohen ti jeheni ní?
3Itꞌéni Díos la ko Díos kuènténi, tsjehé ti jeheni, tjáte̱hé.
Tjínki̱tsani, tsjánjua ti kjuachaxin kuèntá kixin tsꞌenhñani,
4kixin tsondáchrohya ti sin nínkakohen ti jeheni kixin ó kjuacha sin,
kixin imá tóchéhe̱ sin ti ichrén kjuaxikaon chóntani.
5Kjánchó jeheni tinkáchónkini ti jaha kixin jaha imá tjue̱hé ti jeheni.
Chéhe̱ a̱séni kixin jaha si̱nchekaáni.
6Tsotsjeni la ko tsotjáhani kjuasáya, Ìnchéni,
kixin jína kjuínki̱tsa ti jeheni.
Šiuo metu pasirinkta:
Salmos 13: poeNTplus
Paryškinti
Dalintis
Palyginti
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2016, Wycliffe Bible Translators, Inc. All rights reserved.