KAITOSYEK 26
26
Ki iti piik ne po aeng'
1 # Kai 1.1-46 Kingo pata koroyooto, komwachi `Kamuktaindet ne Toroor Musa ak Eleazar weeriitap Aron tisiindet koleenji, 2“Oit piigap Israel ko uu kooriigap kwanisyekwak, kobooch che po kenyiisyek tiptem ak kwo tai, tugul che imuuchi koba lugeet eng' Israel.” 3Ki mwachi `Musa ak Eleazar icheek eng' warengetap Moab ole neegitee Jordan ole po Jeriko, koleenji, 4“Oiit piik kobooch che po kenyiisyek tiptem ak kwo tai, ko uu ye ki ng'at `Kamuktaindet ne Toroor Musa.” Chu piigap Israel che ki mang'une emetap Misiri:
5Reuben, weeriit ne po tai ne po Israel. Weeriikyik ko chu: Hanok, che ooreetap Hanogik, che po Palu, che ooreetap Paluik; 6Hesron, che ooreetap Hesronik, che po Karmi, che ooreetap Karmik. 7Che ki kiit eng' ortinwegap piigap Reuben ko ki ek tugul eliphuusyek artam ak somok ak pogol tisap ak sosom. 8Weeriitap Palu ko ki Eliap. 9Weeriigap Eliap chu: Nemuel, Datan, ak Abiram. Chooto Datan ak Abiram che ki kiguur che po tuiyet, che kibortos kobooto Musa ak Aron eng' tuiyetap Kora, ye kingo ngelelji Kamuktaindet ne Toroor. 10Ki yaat `ng'wony kutinnyi ak kolugui icheek kobooto Kora, ye ki pek kogeny kasubikwak peetuunooto kogabeel maat piik pogol aeng' ak konom. Ak ki ek icheek kaboorunet ne po kateunet. 11Nganda ki ma pek weeriigap Kora.
12Weeriigap Simion chu ko uu ortinwekwak: Nemuel, che ooreetap Nemuelik; che po Jamin, che ooreetap Jaminik; che po Jakin, che ooreetap Jakinik; 13che po Zerah, che ooreetap Zeraik; ak Saulo, che ooreetap Saulik. 14Chuuto ortinwegap piigap Simion, ki ek icheek tugul eliphuusyek tiptem ak aeng' ak pogol aeng'.
15Weeriigap Gad ko uu ortinwekwak ko chu: che po Sepon, che ooreetap Seponik; che po Hagik, che ooreetap Hagitik; che po Suni, che ooreetap Sunitik; 16che po Osni, che ooreetap Osnik; che po Eri, che ooreetap Eritik; 17che po Arod, che ooreetap Arodik; che po Areli, che ooreetap Arelitik. 18Chuuto ortinwegap weeriigap Gad; ki ek icheek tugul eliphuusyek artam ak pogol muut.
19Weeriigap Judah chu: Er ak Onan, ago ki pekyi icheek emetap Kanaan. 20Weeriigap Judah ko uu ortinwekwak ko ki: che po Shelah, che ooreetap Shelahnik; che po Peres, che ooreetap Peresik; che po Zerah, che ooreetap Seraik. 21Weeriigap Peres ko ki: Hesron, che ooreetap Hesronik; che po Hamul, che ooreetap Hamulik. 22Chuuto ortinwegap Judah; ki ek icheek tugul eliphuusyek tamanwogik tisap ak lo ak pogol muut.
23Weeriigap Issakar ko uu ortinwekwak chu: Tola, che ooreetap Tolaitik; che po Pua, che ooreetap Punitik; 24che po Jasub, che ooreetap Jasubik; che po Simron, che ooreetap Simronik. 25Chuuto ortinwegap Issakar, ki ek icheek tugul eliphuusyek tamanwogik lo ak ang'wan ak pogol somok.
26Weeriigap Zebulun chu ko uu ortinwekwak: che po Sered, che ooreetap Seredik; che po Elon, che ooreetap Elonik; che po Jaleel, che ooreetap Jaleelik. 27Chuuto ortinwegap Sebulunik; ki ek icheek tugul eliphuusyek tamanwogik lo ak pogol muut.
28Weeriigap Joseph chu ko uu ortinwekwak: Manasseh ak Ephraim.
29Weeriigap Manasseh chu: che po Makir, che ooreetap Makirik; ak ki sich `Makir Gilead; che po Gilead, che ooreetap Gileadik. 30Weeriigap Gilead chu: Ieser, che ooreetap Iesrik; che po Helek, che ooreetap Helegik; 31Asriel, che ooreetap Asrielik; che po Shekem, che ooreetap Shekemik; 32ak Shemida, che ooreetap Shemidaik; Hepher, che ooreetap Hepherik. 33Ak ki ma kotinyei weeriik Zelophehad weeriitap Hepher, kobatee tiibiik icheegei. Kainaigap tiibiigap Zelophehad ko ki: Mahlah, Noah, Hoglah, Milkah ak Tirzah. 34Chuuto ortinwegap Manasseh; ki ek icheek tugul eliphuusyek konom ak aeng' ak pogol tisap.
35Weeriigap Ephraim ko uu ortinwekwak chu: che po Sutela, che ooreetap Sutelaik; che po Beker, che ooreetap Bekerik; che po Tahan, che ooreetap Tahanik. 36Ak chu weeriigap Sutela: che po Eran, che ooreetap Eranik. 37Chuuto ortinwegap weeriigap Ephraim; ki ek icheek eliphuusyek sosom ak aeng' ak pogol muut. Chuuto weeriigap Joseph ko uu ortinwekwak.
38Weeriigap Benjamin chu ko uu ortinwekwak: che po Bela, che ooreetap Belaik; che po Asbel, che ooreetap Asbelik; che po Ahiram, che ooreetap Ahiramik; 39che po Sepupam, che ooreetap Supamik; che po Hupam, che ooreetap Hupamik. 40Ard ak Naaman ko ki weeriigap Bela: che po Ard, che ooreetap Ardik; che po Naaman, che ooreetap Naamanik. 41Chooto ko weeriigap Benjamin ko uu ortinwekwak; ki ek icheek tugul eliphuusyek artam ak muut ak pogol lo.
42Weeriigap Dan chu ko uu ortinwekwak: che po Suham, che ooreetap Suhamik; chuuto ko ortinwegap Dan ko uu tilyonutikwak. 43Ki ek tugul che po Suhamik eliphuusyek tamanwogik lo ak ang'wan ak pogol ang'wan.
44Weeriigap Asher chu ko uu ortinwekwak: che po Imnah, che ooreetap Imnahik; che po Isbi, che ooreetap Isbik; che po Beriah, che ooreetap Beriaik. 45Che po weeriigap Beriah: che po Heber, che ooreetap Heberik; che po Malkiel, che ooreetap Malkielik. 46Ak kainetap cheptap Asher ko ki Zerah. 47Chooto ortinwegap Asher che ki kiit; ki ek icheek eliphuusyek konom ak somok ak pogol ang'wan.
48Weeriigap Naphtali ko uu ortinwekwak: che po Jaseel, che ooreetap Jaseelik, che po Guni, che ooreetap Gunik; 49che po Jeser, che ooreetap Jeserik; che po Silem, che ooreetap Silemik. 50Chooto ko ortinwegap Naphtali ko uu tilyonutikwak che ki ek icheek tugul eliphuusyek artam ak muut ak pogol ang'wan.
51Ki ek eliphuusyek pogol lo ak agenge ak pogol tisap ak sosom chooto che ki kiit eng' piigap Israel.
52 # Kai 34.13; Jos 14.1-2 Ak ki mwachi `Kamuktaindet ne Toroor Musa koleenji, 53“Kipchechin emet chuuto koek poroteet ko uu koitetap kainaik. 54Che kasiirto koiitennywa itesyini poroteet, ak che matyanit koiitennywa igoochini poroteet ne ming'in. Kigoochin chii tugul porotennyi, ko uu koitetap piikyik che ki kiit. 55Ago kipcheei emet eng' seretap parbareek. Nyabani age tugul ko uu kainaigap ortinwegap kwanisyekwak. 56Kipchechin porotennywa ko uu ole teptoi seretap parbareek eng' che chaang' ak eng' che ng'ering'.”
57Chu che ki kiit eng' Lawiik ko uu ortinwekwak: che po Gerson, che ooreetap Gershonik; che po Kohat, che ooreetap Kohatik; che po Merari, che ooreetap Merarik. 58Chuuto ortinwegap Lawiik: kootap Libnitik, kootap Hebronik, kootap Malik, kootap Musik, ak kootap Koraik. Ak ki sich `Kohat Amram. 59Ak kainetap osotyotap Amram ko ki Jokebed, cheptap Lawi ne ki kisikyi Lawi eng' Misiri. Ki sikyi `Jokebed Amram Aron ak Musa ak Miriam chepkamennywa. 60#Kai 3.2 Aron ko ki kwandap Nadap, Abihu, Eleazar ak Ithamar. 61#A.La 10.1-2; Kai 3.4 Ago ki pek Nadap ak Abihu ye ki igoitoi kogoochinet eng' maat ne teer eng' taitap Kamuktaindet ne Toroor. 62Muren age tugul kobooch ne po arawet agenge ak kwo tai che ki kiit, ko ki ek eliphuusyek tiptem ak somok. Ki ma ki itito pichooto piigap Israel amu ki ma kigoochi icheek poroteet eng' kwenutap piigap Israel.
63Chuuto che ki iit Musa ak Eleazar tisiindet ye ki iti piigap Israel eng' warengetap Moab eng' ole neegitee Jordan eng' Jeriko. 64Ago eng' chuuto, ko ki ma komi chii agot agenge eng' icheek ye ki iti Musa ak Aron tisiindet piigap Israel eng' surkwen ne po Sinai. 65#Kai 14.26-35 Amu ki kamwa Kamuktaindet ne Toroor agobo icheek kole, “Pekyin icheek iman ong'atani.” Ak ki ma ng'et chii agot agenge eng' icheek kobatee Kaleb weeriitap Jepune ak Joshua weeriitap Nun.
©Bible Society of Kenya, 2019