HOSEA 3
3
Kotunisye Hosea kogeny
1Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”
2Ki aal anyun kwonyooto eng' fedhaisyek taman ak muut ak baale che po homer#3:2 homer: a homer ko aechin ak kuniet agenge ak nusu. 3Ak ki aleenji, “Itebye ko ii nenyu eng' peetuusyek che chaang'; meyae kugoinatet amat iegu osotyotap chii age tugul, ma yae ko uu nooto agane eng' inyee.” 4Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod#3:4 ephod: Ephod ko ngoryet ne po teget ne ilaachi tisiindet ne oo anan terapik#3:4 anan terapik: Terapik ko kamuktaik che tinyei itoonwek che kigutung'jin eng' Mesopotamia. 5Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.
©Bible Society of Kenya, 2019