Genesis 16
16
Hagar-lu Ishmael-lu
1Abram aġnaata Sarai-m miqłiqsisiŋaitkaa. Aglaan Egypt-miumik kivgaqaŋaruq atiqaqtuamik Hagar-mik, 2tavraasii Sarai-m uqallautigaa Abram, “Atanġum uvva qitunġiḷaisitkaaŋa. Summan ilvich siñiqatigisuŋitpiuŋ kivgaġa? Suagguuq miqłiqsisiniaġaaŋa.” Abram-gum iviġaumagiŋagaa Sarai-m uqallautaa. 3Tavraasii qaitkaa Hagar ilaanun nukaġaġitquvlugu. Taamna piŋaruq Abram iñuuniaganigman Canaan-mi qulini ukiuni. 4Abram-gum siñiqatigiŋagaa Hagar, aasii siŋaiyauŋaruq. Hagar iḷitchuġikami siŋaiyautilaamiñik uumikkiutiliŋagaa Sarai.
5Sarai-m uqallautigaa Abram, “Ilvich pisigivlutun Hagar-m uumikkiutiliġaaŋa. Uvamnik uvva qaiñŋaraġa iliŋnun, aasiuvva iḷitchuġikamiqaŋa siŋaiyautilaamiñik, uumikkiutirraqsigaaŋa. Ataniqtuq isivġiutiqaġli nalliqpuk iłuaġmagaan, ilvich naakka uvaŋa!”
6Abram-gum kiugaa, “Tavraami, ilvich kivgaġigiñ atanniqsuġiḷḷu; qanuq aŋalatchukkupku aŋalarruŋ.” Tavraasii Sarai-m Hagar piuġrugivaił̣ł̣ugu aullauŋaruq.
7Isaġulgata Atanġum kasuġaa Hagar siiqsinniġmiitillugu nunagluktuami apqunmi Shur-muksaġiami 8aasii uqallakłuni, “Hagar, kivgaŋa Sarai-m, sumiŋŋaqtuatin aasii sumuksaqpich?”
Kiugaa, “Aullauruŋauvva qaukłimñiñ.”
9Isaġulik uqallaktuq, “Utiġiñ Sarai-mun aasii kamakkutiqaġlutin ilaanun.” 10Aasii uqallagmivḷuni, “Aitchuġniaġikpiñ iñugiakpaktuanik kiŋuvaaksraġnik kia unnii kisillayumiñaisaŋiññik. 11Iġñiqaġniaqtutin uvva, aasii atchiġñiaġiñ Ishmael-mik,#16.11 Hebrew-t uqaluŋanni “Ishmael” sivuniŋa “God tusaaruq.” qanukkii Atanġum tusaaŋagaa qirratin iłuiḷḷiuġniġni. 12Aglaan iġñiġiñ iñuuniaqtuq aŋalatchuġnaitchuatun kakaktitun; akiḷḷiqsruġniaqtuq kisupayauranik, aasiiḷi kisupayaam akiḷḷiqsruġniaġmigaa. Iñuuniaqtuq akiḷḷiġilugich nanmiñiq iḷapayaani.”
13Hagar inmiñun apiġiruq, “Tautupiaqpiguimña God aasii iñuuvluŋa quliaqtuaġillavlugu?” Tavraasii atchiŋagaa Ataniq, uqaqtuaq inmiñun, “God-im Tautuguugaaŋa.” 14Tainnaqługu iñuich tairaġigaat nivviaq akunġagniittuaq Kadesh-guvlu Bered-guvlu Beer Lahai Roi-mik (Nivviaŋa Iñuuruam Tautuguuruam Uvamnik).
15 #
Ga 4.22. Hagar iġñiŋaruq Abram-miñ, aasii Abram-gum atchiŋagaa Ishmael-mik. 16Abram ukiuqtutilaaqaŋaruq sisamakipiaq itchaksratun (86) iġñiqaqtinmani Hagar-m Ishmael-mik.
Šiuo metu pasirinkta:
Genesis 16: INUPIAQ
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 16
16
Hagar-lu Ishmael-lu
1Abram aġnaata Sarai-m miqłiqsisiŋaitkaa. Aglaan Egypt-miumik kivgaqaŋaruq atiqaqtuamik Hagar-mik, 2tavraasii Sarai-m uqallautigaa Abram, “Atanġum uvva qitunġiḷaisitkaaŋa. Summan ilvich siñiqatigisuŋitpiuŋ kivgaġa? Suagguuq miqłiqsisiniaġaaŋa.” Abram-gum iviġaumagiŋagaa Sarai-m uqallautaa. 3Tavraasii qaitkaa Hagar ilaanun nukaġaġitquvlugu. Taamna piŋaruq Abram iñuuniaganigman Canaan-mi qulini ukiuni. 4Abram-gum siñiqatigiŋagaa Hagar, aasii siŋaiyauŋaruq. Hagar iḷitchuġikami siŋaiyautilaamiñik uumikkiutiliŋagaa Sarai.
5Sarai-m uqallautigaa Abram, “Ilvich pisigivlutun Hagar-m uumikkiutiliġaaŋa. Uvamnik uvva qaiñŋaraġa iliŋnun, aasiuvva iḷitchuġikamiqaŋa siŋaiyautilaamiñik, uumikkiutirraqsigaaŋa. Ataniqtuq isivġiutiqaġli nalliqpuk iłuaġmagaan, ilvich naakka uvaŋa!”
6Abram-gum kiugaa, “Tavraami, ilvich kivgaġigiñ atanniqsuġiḷḷu; qanuq aŋalatchukkupku aŋalarruŋ.” Tavraasii Sarai-m Hagar piuġrugivaił̣ł̣ugu aullauŋaruq.
7Isaġulgata Atanġum kasuġaa Hagar siiqsinniġmiitillugu nunagluktuami apqunmi Shur-muksaġiami 8aasii uqallakłuni, “Hagar, kivgaŋa Sarai-m, sumiŋŋaqtuatin aasii sumuksaqpich?”
Kiugaa, “Aullauruŋauvva qaukłimñiñ.”
9Isaġulik uqallaktuq, “Utiġiñ Sarai-mun aasii kamakkutiqaġlutin ilaanun.” 10Aasii uqallagmivḷuni, “Aitchuġniaġikpiñ iñugiakpaktuanik kiŋuvaaksraġnik kia unnii kisillayumiñaisaŋiññik. 11Iġñiqaġniaqtutin uvva, aasii atchiġñiaġiñ Ishmael-mik,#16.11 Hebrew-t uqaluŋanni “Ishmael” sivuniŋa “God tusaaruq.” qanukkii Atanġum tusaaŋagaa qirratin iłuiḷḷiuġniġni. 12Aglaan iġñiġiñ iñuuniaqtuq aŋalatchuġnaitchuatun kakaktitun; akiḷḷiqsruġniaqtuq kisupayauranik, aasiiḷi kisupayaam akiḷḷiqsruġniaġmigaa. Iñuuniaqtuq akiḷḷiġilugich nanmiñiq iḷapayaani.”
13Hagar inmiñun apiġiruq, “Tautupiaqpiguimña God aasii iñuuvluŋa quliaqtuaġillavlugu?” Tavraasii atchiŋagaa Ataniq, uqaqtuaq inmiñun, “God-im Tautuguugaaŋa.” 14Tainnaqługu iñuich tairaġigaat nivviaq akunġagniittuaq Kadesh-guvlu Bered-guvlu Beer Lahai Roi-mik (Nivviaŋa Iñuuruam Tautuguuruam Uvamnik).
15 #
Ga 4.22. Hagar iġñiŋaruq Abram-miñ, aasii Abram-gum atchiŋagaa Ishmael-mik. 16Abram ukiuqtutilaaqaŋaruq sisamakipiaq itchaksratun (86) iġñiqaqtinmani Hagar-m Ishmael-mik.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)