العِبْرَانِيِّينْ 1
1
اللَّهْ كَلَّمْنَا عْلَى طْرِيقْ إِبْنُو
1مِنْ قْدِيمْ الزْمَانْ وفِي بَرْشَة مَرَّاتْ، كَانْ اللَّهْ يْكَلِّمْ فِي جْدُودْنَا عْلَى لْسَانْ الأَنْبِيَاءْ، وكُلْ مَرَّة بْطَرِيقَة. 2آمَا تَوَّا، فِي آخِرْ الزْمَانْ، كَلَّمْنَا عْلَى طْرِيقْ إِبْنُو، الِّي خَلَّاهْ وَارِثْ لْكُلْ شَيْ، وبِيهْ خْلَقْ الدِّنْيَا الكُلْ. 3هُوَّ نُورْ مَجْدْ اللَّهْ والتَّعْبِيرْ الكَامِلْ عْلَى شَخْصُو. وهُوَّ الِّي يَحْفِظْ الدِّنْيَا الكُلْ بْكِلْمْتُو القْوِيَّة. ولِّي، بَعْدْمَا طَهَّرْنَا مِنْ ذْنُوبْنَا، قْعَدْ عْلَى يْمِينْ اللَّهْ العْظِيمْ فِي السْمَاء.
الإِبْنْ مْقَامُو أَعْظِمْ مِالمْلَايْكَة
4وهَكَّا وَلَّى مْقَامُو أَعْظِمْ مِنْ مْقَامْ المْلَايْكَة، ووْرِثْ إِسْمْ أَعْظِمْ مِنْ أَسَامِيهُمْ الكُلْ.
5عْلَى خَاطِرْ، اللَّهْ مَا قَالْ لْحَتَّى وَاحِدْ مِالمْلَايْكَة:
«إِنْتِ إِبْنِي،
وآنَا اليُومْ جِبْتِكْ»
ولَا قَالْ:
«آنَا نْكُونْلُو بُو،
وهُوَّ يْكُونْلِي إِبْنْ».
6آمَا وَقْتِلِّي بْعَثْ إِبْنُو البِكْرْ لِلدِّنْيَا هَاذِي قَالْ:
«لَازِمْ مْلَايِكْةْ اللَّهْ الكُلْ يِسْجْدُولُو».
7وقَالْ عَالمْلَايْكَة:
«يْرُدْ مْلَايِكْتُو أَرْيَاحْ،
وخُدَّامُو لْهِيبْ نَارْ».
8آمَا عَالإِبْنْ يْقُولْ:
«عَرْشِكْ يَا اللَّهْ يَبْقَى ثَابِتْ لِلْأَبَدْ،
والعَدْلْ يْكُونْ سَاسْ مُلْكِكْ.
9تْحِبْ الحَقْ وتَكْرَهْ الشَّرْ،
هَاذَاكَا عْلَاشْ اللَّهْ إِلَاهِكْ، دِهْنِكْ بِزِيتْ الفَرْحَة،
أَكْثِرْ مِنْ اصْحَابِكْ».
10وقَالْ زَادَا:
«إِنْتِ يَا رَبْ،
مِنْ أَوِّلْ الدِّنْيَا، حَطِّيتْ سَاسْ الأَرْضْ،
وعْمَلْتْ السْمَاوَاتْ بِيدِيكْ.
11هُومَا بِشْ يِفْنَاوْ،
آمَا إِنْتِ تَبْقَى،
يِتْهَرَّاوْ كِيفْ مَا تِتْهَرَّى الحْوَايِجْ،
12بِشْ تِطْوِيهُمْ كِي اللْحَافْ،
وبِشْ تْبَدَّلْهُمْ كِي اللِّبْسَة،
آمَا إِنْتِ مَا تِتْبَدِّلْشْ،
وسْنِينْ عُمْرِكْ مَا تُوفَاشْ».
13وعُمْرُوشْ اللَّهْ قَالْ لْوَاحِدْ مِالمْلَايْكَة:
«أُقْعُدْ عْلَى يْمِينِي،
حَتَّى لِينْ نْحُطْ أَعْدَائِكْ تَحْتْ سَاقِيكْ»؟
14لَا، المْلَايْكَة مَا هِي إِلَّا أَرْوَاحْ تِخْدِمْ فِي اللَّهْ ويَبْعَثْهُمْ بَاشْ يِخْدْمُوا النَّاسْ الِّي بِشْ يُورْثُوا النْجَاةْ.
Šiuo metu pasirinkta:
العِبْرَانِيِّينْ 1: بالتونسي
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Text copyright © United Bible Societies, 2011, 2018, 2022.
العِبْرَانِيِّينْ 1
1
اللَّهْ كَلَّمْنَا عْلَى طْرِيقْ إِبْنُو
1مِنْ قْدِيمْ الزْمَانْ وفِي بَرْشَة مَرَّاتْ، كَانْ اللَّهْ يْكَلِّمْ فِي جْدُودْنَا عْلَى لْسَانْ الأَنْبِيَاءْ، وكُلْ مَرَّة بْطَرِيقَة. 2آمَا تَوَّا، فِي آخِرْ الزْمَانْ، كَلَّمْنَا عْلَى طْرِيقْ إِبْنُو، الِّي خَلَّاهْ وَارِثْ لْكُلْ شَيْ، وبِيهْ خْلَقْ الدِّنْيَا الكُلْ. 3هُوَّ نُورْ مَجْدْ اللَّهْ والتَّعْبِيرْ الكَامِلْ عْلَى شَخْصُو. وهُوَّ الِّي يَحْفِظْ الدِّنْيَا الكُلْ بْكِلْمْتُو القْوِيَّة. ولِّي، بَعْدْمَا طَهَّرْنَا مِنْ ذْنُوبْنَا، قْعَدْ عْلَى يْمِينْ اللَّهْ العْظِيمْ فِي السْمَاء.
الإِبْنْ مْقَامُو أَعْظِمْ مِالمْلَايْكَة
4وهَكَّا وَلَّى مْقَامُو أَعْظِمْ مِنْ مْقَامْ المْلَايْكَة، ووْرِثْ إِسْمْ أَعْظِمْ مِنْ أَسَامِيهُمْ الكُلْ.
5عْلَى خَاطِرْ، اللَّهْ مَا قَالْ لْحَتَّى وَاحِدْ مِالمْلَايْكَة:
«إِنْتِ إِبْنِي،
وآنَا اليُومْ جِبْتِكْ»
ولَا قَالْ:
«آنَا نْكُونْلُو بُو،
وهُوَّ يْكُونْلِي إِبْنْ».
6آمَا وَقْتِلِّي بْعَثْ إِبْنُو البِكْرْ لِلدِّنْيَا هَاذِي قَالْ:
«لَازِمْ مْلَايِكْةْ اللَّهْ الكُلْ يِسْجْدُولُو».
7وقَالْ عَالمْلَايْكَة:
«يْرُدْ مْلَايِكْتُو أَرْيَاحْ،
وخُدَّامُو لْهِيبْ نَارْ».
8آمَا عَالإِبْنْ يْقُولْ:
«عَرْشِكْ يَا اللَّهْ يَبْقَى ثَابِتْ لِلْأَبَدْ،
والعَدْلْ يْكُونْ سَاسْ مُلْكِكْ.
9تْحِبْ الحَقْ وتَكْرَهْ الشَّرْ،
هَاذَاكَا عْلَاشْ اللَّهْ إِلَاهِكْ، دِهْنِكْ بِزِيتْ الفَرْحَة،
أَكْثِرْ مِنْ اصْحَابِكْ».
10وقَالْ زَادَا:
«إِنْتِ يَا رَبْ،
مِنْ أَوِّلْ الدِّنْيَا، حَطِّيتْ سَاسْ الأَرْضْ،
وعْمَلْتْ السْمَاوَاتْ بِيدِيكْ.
11هُومَا بِشْ يِفْنَاوْ،
آمَا إِنْتِ تَبْقَى،
يِتْهَرَّاوْ كِيفْ مَا تِتْهَرَّى الحْوَايِجْ،
12بِشْ تِطْوِيهُمْ كِي اللْحَافْ،
وبِشْ تْبَدَّلْهُمْ كِي اللِّبْسَة،
آمَا إِنْتِ مَا تِتْبَدِّلْشْ،
وسْنِينْ عُمْرِكْ مَا تُوفَاشْ».
13وعُمْرُوشْ اللَّهْ قَالْ لْوَاحِدْ مِالمْلَايْكَة:
«أُقْعُدْ عْلَى يْمِينِي،
حَتَّى لِينْ نْحُطْ أَعْدَائِكْ تَحْتْ سَاقِيكْ»؟
14لَا، المْلَايْكَة مَا هِي إِلَّا أَرْوَاحْ تِخْدِمْ فِي اللَّهْ ويَبْعَثْهُمْ بَاشْ يِخْدْمُوا النَّاسْ الِّي بِشْ يُورْثُوا النْجَاةْ.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Text copyright © United Bible Societies, 2011, 2018, 2022.