Populiarios Biblijos eilutės iš Madiu 24

Dalintis

Be wate bubuna to'umalina 'ina sinabwa 'enega tomota yaudi 'idi oboboma 'atediyega 'ida neneta. Ta 'abo yaita 'ie'alama'i'ita be 'itoolopa'ala be 'ana laba tuta 'ana 'ebe losalowa 'enaya gwausowala ataya 'ida loba.

“Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Wate ale 'etamo wanonodi saiyao selabemiya ta 'edasolaya manudi, ta geya'abo wa'ate'ate sa'ala, manuna yage getedi sida apwesa nugana ta esi bale'u 'ana 'ebe losalowa 'ana tuta ma'etamo.

Manuna 'etamo mali boda mali boda 'ediya sida losaiya, ta wate mali 'ebeloina mali 'ebeloina 'ediya sida losaiya, be botana sinabwadi ta mwani'ini'i siapwesa sena yaudi 'ediya. Ta yage getedi tuta mwaudi 'adi 'ebe e'ale tuga.

Ma'etamo galewa ta bale'u sisasawala, ta 'igu onao geya'abo sa'i sisawasawala.

Manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina’, be tomota yaudi sida muliyedi.

“'Omi 'iabe tomota sigiyaimi be sigie'elouyami nai siloemwawasimi, be sena maibo'adi tomoteninao sida etalauwalemi manuna 'omi 'aene 'agu toemisao; be mwau nidi manudi 'etamo yaumi waneeneta be taumimo gosemiyao wasipupuyedi nai waetalauwalaedi. Wate palopita kabokaboyao sida apwesama be yaumi sida anugana gesiyemi.

'Enega Yesu 'ieonedi, 'igwae, “Wa'ita'i'isimi 'abona nai tomota 'aidi sikaboemi.

'Enega 'omi wate wada gibubuna 'ai'aila be 'igu tuta ilama manuna wada yamwagu, manuna 'abo'agu Tomota Natuna 'igu ilama 'ana tuta nigeya wamwalamwalatoni.

'Enega walomata'i'ita 'ai'aila, manuna 'igu ila limanama 'ana tuta nigeya wamwalamwalatoni.

“Nigeya 'ebweu yaita 'imwalamwalatoni to tuta, nai to 'asiyata 'ena yaila limanama, ta wate aniloseyao galewaya nigeya simwalamwalatoni. 'Abo'agu wate nigeya yamwalamwalatoni. Ta tamagu tebweuna namo 'imwalamwalatoni.

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Tuta gete, Noa 'ina tuta nadigega. Manuna Noa 'ina tutaya tomota si'e'ai ta sinumanuma ta sisawasawaeyai, ta wate siaiai, ga 'ana laba Noa 'ina wagaya 'igelu; ta muluwa 'iloesalutuidi, ga 'enega tomota maibo'adi sidalala; ta 'abo'agu Tomota Natuna 'igu ila limanama nadigega.