Populiarios Biblijos eilutės iš Roˉma‸ li‸ 7

Dalintis

Ngaˬ hui ve Jawˇmawˇ Yeˍsuˆ Hkri‸ ponˬ laˇ ve pa taw, Gʼuiˬsha hta‸ chiˇ mvuh ve yoˬ. Hkʼe te leh, ngaˬ ve nyi ma dawˇ hkʼaˇ lehˬ, Gʼuiˬsha ve awˬ liˇ awˬ hkʼaˇ hta‸ cawˇ ve hkʼe te ve yoˬ. Ya‸ hkʼaˇ, ngaˬ ve awˬ suhˍ awˬ shaˍ lehˬ, venˇbaˆ ve awˬ liˇ awˬ hkʼaˇ hta‸ cawˇ ve hkʼe te ve yoˬ.

Ngaˬ ve awˬ suhˍ awˬ shaˍ awˬ to chi awˬ hkʼaw lo, da‸ ve teˇ ceuˬ a ciˉ ka‸ maˇ cawˬ ve hta‸ ngaˬ shiˍ ve yoˬ. Da‸ ve hta‸ te gaˇ ve nyi ma cawˬ htawˇ, da‸ ve hta‸ ngaˬ te maˇ puiˉ.

Awˬ lawn kʼo, ngaˬ lehˬ da‸ ve hta‸ te gaˇ ve ka‸ maˇ te. Maˇ te gaˇ ve awˬ haiˬ hta‸ ngaˬ te ve yoˬ.

Ngaˬ maˇ te gaˇ ve hta‸ ngaˬ te ve kʼo, ngaˬ awˬ to oˇ ve hta‸ te ve maˇ heˆ. Ngaˬ awˬ hkʼaw lo chehˇ taˍ ve venˇbaˆ te ve yoˬ.

Hkʼe te leh, ngaˬ da‸ ve hta‸ te gaˇ ve teˇ yanˇ, awˬ haiˬ teˇ ceuˬ ngaˬ geh chehˇ taˍ ve awˬ liˇ hta‸ ngaˬ gʼa mawˬ ve yoˬ. Ngaˬ ve nyi ma hkʼaw lo tiˉ kʼo, Gʼuiˬsha ve awˬliˇtawˇhkawˇ hta‸ ngaˬ ha lehˬ ve yoˬ.

Ya‸ hkʼaˇ, maˇ te gaˇ ve hta‸ ngaˬ te ve kʼo, awˬliˇtawˇhkawˇ lehˬ da‸ ve yoˬ teh‸ ngaˬ hkanˍ ve yoˬ.