Populiarios Biblijos eilutės iš Roˉma‸ li‸ 13

Dalintis

Chi hkʼoˆ ka‸, Jawˇmawˇ Yeˍsuˆ Hkri‸ hta‸ veu‸ deh-o. Awˬ suhˍ awˬ shaˍ a loˍ awˬ hkʼaˇ suh te kʼai tuˬ te‸ chiˉ taˇ gu taˍ.

Jeˬ a ciˉ ka‸ taˇ pfuhˇ. Ya‸ hkʼaˇ, teˇ gʼaˇ leh teˇ gʼaˇ ha‸ da‸ ve jeˬ teˇ ceuˬ hta‸ pfuhˇ taˍ-o‸. Awˬ lawn kʼo, awˬ paˇ awˬ kui chehˇ ve chaw hui hta‸ ha‸ ve chaw lehˬ, awˬliˇtawˇhkawˇ hta‸ te biˇ peuˬ.

Chaw teˇ gʼaˇ le le uˉ peunˍ shehˍ hpaˇ teˇ hpaˍ awˬ hawˉ lo hkʼa deh‸ chehˇ-oˆ. Awˬ lawn kʼo, Gʼuiˬsha geh gʼa ve maˇ heˆ kʼo, uˉ peunˍ tuˬ kanˇ paˆ maˇ cawˬ. Yawˇ hui cawˬ taˍ ve kanˇ paˆ teˇ hpaˍ Gʼuiˬsha teh taˍ ve yoˬ.

Mvuhˇ hpeu‸ awˬ yanˇ peuˬ la paˇ neˇ leh, mvuhˇ law‸ kʼaw awˬ yanˇ gaˬ la paˇ neˇ ve yoˬ. Hkʼe te leh, naˆ ho‸ ve hta‸ caˉ da‸ ve kanˉ teˇ hpaˍ hta‸ kʼehˆ baˬ taˉ leh, awˬ gʼeuˆ hta‸ caˉ da‸ ve la‸ caˉ teˇ hpaˍ hta‸ veu‸ deh-a veuˬ.

Ha‸ ve teˇ ceuˬ lehˬ, awˬ paˇ awˬ kui chehˇ ve chaw hta‸ awˬ haiˬ maˇ te. Hkʼe te leh, ha‸ ve teˇ ceuˬ lehˬ, awˬliˇtawˇhkawˇ hta‸ te biˇ ve yoˬ.

Yawˇ hui hkʼa peu-eˬ hta‸ piˇ keunˍ piˇ cawˇ ve hkʼe piˇ-oˆ. A moˇ shaw ve chaw hui hta‸ a moˇ keu piˇ-oˆ. Awˬ hkawnˍ shaw ve chaw hui hta‸ awˬ hkawnˍ keu piˇ-oˆ. Kawˆ keunˍ ve chaw hui hta‸ kawˆ-oˆ. Yawˆ yan keunˍ ve chaw hui hta‸ yawˆ yan-o.