Populiarios Biblijos eilutės iš Maˍkuˆ li‸ 14

Dalintis

Aˍbaˆ A pa-oˬ, nawˬ hkʼa peu-eˬ ve hta‸ te hpeh‸ ve yoˬ. Kawˆ chi ve ngaˬ hta‸ ponˬ kʼai tcuh laˇ-oˆ. Ya‸ hkʼaˇ, ngaˬ a loˍ cawˇ ve hkʼe taˇ hpeh‸ piˇ. Nawˬ a loˍ cawˇ ve hkʼe hpeh‸ piˇ-oˆ teh‸ lawˬ ve yoˬ.

Nawˬ hui beˬ ve lawˇ ve awˬ hkʼaˇ suh maˇ gʼa kʼai tuˬ bon lawˬ leh shaw taˍ-o‸. Nawˬ hui te gaˇ ve nyi ma cawˬ htawˇ, awˬ suhˍ awˬ shaˍ lehˬ awˬ gʼaˇ nuˇ ve yoˬ teh‸ kʼoˆ ve yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, ha lehˬ ve bon hkawˇ miˬguiˬ teˇ kaˬ le le lo ca maˍ piˇ ve teˇ yanˇ, yaˇ miˇ chi hta‸ dawˇ nawˇ tuˬ awˬ pon yawˇ te taˍ ve kanˉ chi hta‸ kʼaoˍ maˍ piˇ tuˬ yoˬ teh‸ kʼoˆ ve yoˬ.

yawˇ hui hta‸ kʼoˆ piˇ ve, Ngaˬ nyi ma dawˇ haˍ jaˇ ve suh la yoˬ. Choˬ kaˬ lo chehˇ taˍ leh shaw taˍ-o‸ teh‸ kʼoˆ piˇ ve yoˬ.

Yawˇ hui caˇ chehˇ htaˇ, yawˇ hkaoˍmonˇ hta‸ yuˬ leh bon hta‸ chiˇ mvuh ve yoˬ. Peuˬ leh yawˇ hkaoˍmonˇ hta‸ hkʼeh‸ leh awˬ la‸ gʼawˇ hui hta‸ piˇ leh kʼoˆ ve, Yuˬ-o‸. Chi lehˬ ngaˬ ve awˬ to yoˬ teh‸ kʼoˆ piˇ ve yoˬ.

Kawˆ hta‸ htawˇ yawˇ yuˬ leh, bon hta‸ chiˇ mvuh peuˬ hkʼaw‸ nawˉ yawˇ hui hta‸ piˇ leh, yawˇ hui hkʼa peu-eˬ kawˆ oˇ ve hta‸ dawˬ ve yoˬ. Peuˬ leh yawˇ kʼaw‸ kʼoˆ ve, Chi lehˬ ka ti‸ shaˉ caˆ hta‸ caˉ da‸ ve ngaˬ ve awˬ suhˍ yoˬ. Awˬ suhˍ chi lehˬ, chaw maˇ maˇ ve awˬ pon ngeuˍ pfuhˍ ve yoˬ.

Oˇ htaˇ Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui hkʼa peu-eˬ nyi ma luˬ tuˬ yoˬ. Awˬ lawn kʼo, Yawˬ hawˉ paˍ hta‸ ngaˬ dawˆ pehˍ leh, yawˬ teˇ hpaˍ hpaˆ da‸ leh teˇ kaˬ teˇ hkeh hpaw kʼai tuˬ yoˬ teh‸, Li‸ hpu hkʼaw bvuh‸ taˍ ve yoˬ.

Tu, kʼai-a veuˬ. Nyi loˬ, ngaˬ hta‸ chiˇ a‸ shehˍ hpaˇ awˬ paˇ lo gaˬ la peuˬ teh‸ kʼoˆ ve yoˬ.

Yeˍsuˆ lehˬ, Ngaˬ nawˬ hta‸ awˬ tehˬ awˬ na kʼoˆ laˇ ve, ya‸ puiˉ gʼaˆ hpfuh nyiˇ pawˆ maˇ bvuhˬ sheˍ htaˇ, nawˬ ngaˬ hta‸ shehˆ pawˆ hkʼa gaˬ chiˇ baˬ tuˬ yoˬ teh‸ yawˇ hta‸ kʼoˆ piˇ ve yoˬ.