Populiarios Biblijos eilutės iš Ma‸htehˍ li‸ 2

Dalintis

Yehˬ hkʼaw lo‸-e htaˇ, awˬ e Maˍriˆ geh yaˇ paˍ ehˉ hta‸ gʼa mawˬ leh, yawˇ hui boˆ sheˬ leh yaˇ paˍ ehˉ hta‸ oˉ kʼoˍ pui ve yoˬ. Yawˇ hui yuˬ laˬ taˍ ve mawˇ jeˬ hta‸ hpeu‸ tawˆ leh, shi, lawˇbanˍ, leh muˇraˍ, la‸ shawnˍ chi teˇ hpaˍ yawˇ hta‸ tanˇ piˇ ve yoˬ.

Hkunˉ hawˉ hkanˇ Heˍroˆ ve awˬ co-e htaˇ, Yuˇda‸ mvuhˇmiˬ Behˍ lehˍhehnˍvenˇ awˬ hkʼaw lo Yeˍsuˆ paw la ve yoˬ. Oˇ htaˇ, cuˇ yiˍ cawˬ paˍ teˇ hpaˍ mvuhˇ nyi tawˆ hpawˇ lo tu la leh, Yeˍruˆsaˍlehnˍ venˇ lo gaˬ la ve yoˬ. Yawˇ hui kʼoˆ ve, Paw la peuˬ ve Yuˇda‸ hkunˉ hawˉ hkanˇ hkʼaˬ lo le. Awˬ lawn kʼo, mvuhˇ nyi tawˆ hpawˇ lo yawˇ ve meu‸ keu shiˍ hta‸ ngaˬ hui gʼa mawˬ leh, yawˇ hta‸ oˉ kʼoˍ pui tuˬ ngaˬ hui laˬ ve yoˬ teh‸ kʼoˆ piˇ ve yoˬ.

Meu‸ keu shiˍ oˇ ve hta‸ gʼa mawˬ ve teˇ yanˇ, yawˇ hui maˇ maˇ ha lehˬ jaˇ ve yoˬ.

Jawˇmawˇ Heˍroˆ geh maˇ gʼa kʼaw‸ kʼo‸-e tuˬ, zuh‸ maˆ ve awˬ hkʼaw lo Gʼuiˬsha yawˇ hui hta‸ maˍ piˇ ve pa taw, yawˇ hui lehˬ yawˇ hui ve mvuhˇmiˬ lo awˬ kaˍ awˬ nu ya‸ kʼaw teˇ caˆ hta‸ kʼaw‸ kʼo‸-e ve yoˬ. Yawˇ hui kʼo‸-e peuˬ hkʼaw‸ nawˉ, zuh‸ maˆ ve awˬ hkʼaw lo Yoˇseh‸ lehˬ, Jawˇmawˇ Gʼuiˬsha ve mvuhˇ naw ma tcuh yaˇ teˇ gʼaˇ hta‸ gʼa mawˬ ve yoˬ. Mvuhˇ naw ma tcuh yaˇ Yoˇseh‸ hta‸ kʼoˆ piˇ ve, Tu loˬ. Yaˇ ehˉ leh yawˇ ve awˬ e hta‸ shiˍ veu leh Eˇjiˇtu‸ mvuhˇmiˬ lo hpaw-e loˬ. Ngaˬ nawˬ hta‸ kʼaw‸ kʼoˆ laˇ htaˇ hkʼa gaˬ oˇ kaˬ lo chehˇ taˍ-o‸. Awˬ lawn kʼo, yaˇ ehˉ hta‸ tiˇ pehˍ tuˬ jawˇmawˇ Heˍroˆ ca tuˬ yoˬ teh‸ kʼoˆ piˇ ve yoˬ.