Populiarios Biblijos eilutės iš Eˇfeˇsu‸ li‸ 5

Dalintis

Hkʼe te leh, nawˬ hui lehˬ Gʼuiˬsha ha‸ ve awˬ yaˇ awˬ duˬ hpeh‸ ve hkʼe, yawˇ te ve hkʼa shuˍ shuˍ te-o. Hkri‸ nawˬ hui hta‸ ha‸ ve hkʼe, ha‸ pehnˇ ve awˬ hkʼaˇ suh kʼai-o. Yawˇ nawˬ hui hta‸ ha‸ ve pa taw, awˬ shaˉ hawnˉ ve tanˇ tuˬ Gʼuiˬsha hta‸ tanˇ piˇ tuˬ awˬ pon, yawˇ ve awˬ to Gʼuiˬsha hta‸ chiˇ a‸ piˇ veyoˬ.

Hkʼe te leh, nawˬ hui hkʼaˬ hkʼe dawˇ ve te ve hta‸ shaˍ ti‸ hkʼa deh‸ taˍ-o‸. Cuˇ yiˍ maˇ cawˬ ve chaw hui hkʼe taˇ te. Cuˇ yiˍ cawˬ ve chaw hui hkʼe te chehˇ-oˆ. Chi beu‸ ve awˬ nyi awˬ haˉ teˇ hpaˍ haiˬ ve hta‸ pa taw, awˬ yanˇ hta‸ vuiˬ hkʼaw‸ leh hkʼa deh‸ yehˇ-oˆ.

A pehˉ meuˇ gʼuiˬ dawˬ bvuhˆ ve taˇ te. Oˇ hkʼe te ve lehˬ, te ponˬ te leuˉ jaˇ ve teˇ ceuˬ yoˬ. Nawˬ awˬ hkʼaw lo Awˬ ha hpu hkʼa biˇ cawˬ piˇ-oˆ. Chiˇ mvuh ve tawˇ hkawˇ, kʼa muiˬ hkawˇ leh co ha hpawˇ hta‸ caˉ da‸ ve kʼa muiˬ hkawˇ teˇ hpaˍ hta‸ cuˇ leh, teˇ gʼaˇ leh teˇ gʼaˇ kʼoˆ da‸-o‸. Nawˬ hui ve nyi ma awˬ tawˬ hkʼa gaˬ Jawˇmawˇ Yeˍsuˆ hta‸ kʼa muiˬ chiˇ mvuh-o. Nawˬ hui lehˬ, ngaˬ hui ve Jawˇmawˇ Yeˍsuˆ Hkri‸ ve awˬ meh hta‸ cuˇ leh, awˬ ceuˬ hkʼa peu-eˬ ve awˬ pon Awˬ pa Gʼuiˬsha hta‸ hkʼaˬ htaˆ ka‸ chiˇ mvuh chehˇ-oˆ.

Chi hta‸ pa taw, cuˇ yiˍ maˇ cawˬ ve chaw taˇ hpeh‸ piˇ. Ya‸ hkʼaˇ, Jawˇmawˇ Yeˍsuˆ ve a loˍ hkʼaˬ hkʼe cawˬ ve hta‸ shiˍ ve chaw hpeh‸ piˇ-oˆ.

Awˬ hpawˇ teˇ hpaˍ-oˬ, Hkri‸ lehˬ yawˇ ve awˬ moˍ hta‸ ha‸ ve hkʼe nawˬ hui a shu yawˇ ve awˬ miˇ ma hta‸ ha‸-o‸.

Awˬ lawn kʼo, nawˬ hui awˉ lawˉ htaˇ naˆ ho‸ lehˍ hpeh‸ ve htawˇ, chi beu‸ Jawˇmawˇ Yeˍsuˆ awˬ hkʼaw lo awˬ gʼeuˆ hpeh‸ ve yoˬ.

Hkri‸ hta‸ yawˆ yan ve awˬ hkʼaw lo, teˇ gʼaˇ awˬ hawˉ lo teˇ gʼaˇ hkʼa deh‸ chehˇ-oˆ.

Awˬ miˇ ma teˇ hpaˍ-oˬ, Jawˇmawˇ Yeˍsuˆ awˬ hawˉ lo nawˬ hui chehˇ ve hkʼe, a shu yawˇ ve awˬ hpawˇ awˬ hawˉ lo chehˇ-oˆ.

Nawˬ hui teˇ gʼaˇ le le htawˇ, a shu yawˇ awˬ to hta‸ ha‸ ve hkʼe, a shu yawˇ awˬ miˇ ma hta‸ ha‸-o‸. Awˬ miˇ ma htawˇ, a shu yawˇ ve awˬ hpawˇ hta‸ yawˆ yan-o.

Chi hta‸ pa taw hawˉ hkʼaˆ lehˬ, yawˇ ve awˬ pa awˬ e hta‸ hpaˆ da‸ taˉ leh, yawˇ ve awˬ miˇ ma hta‸ caˉ da‸ ve awˬ hkʼaw lo yawˇ huiˉ maˬ lehˬ, teˇ suhˍ teˇ shaˍ tiˉ hpeh‸ la tuˬ yoˬ.

Awˬ shiˍ maˇ naw‸ ve, naˆ hoˆ ve kanˉ teˇ hpaˍ hta‸ a ciˉ ka‸ taˇ te. Chi hkʼoˆ ka‸, kanˉ oˇ ve teˇ hpaˍ ve ya‸ kuiˬ hta‸ hpeu‸ tawˆ la piˇ-oˆ.