Populiarios Biblijos eilutės iš Kawˇlawˇsehˇ li‸ 2

Dalintis

Hkʼe te leh, Jawˇmawˇ Yeˍsuˆ Hkri‸ hta‸ nawˬ hui ha‸ yuˬ peuˬ ve hkʼe, yawˇ awˬ hkʼaw lo kʼai chehˇ-oˆ. Yawˇ awˬ hkʼaw lo nawˬ hui awˬ geu gʼa tcuhˉ naw‸ taˍ leh gʼa uiˍ la yeˬ la chehˇ ve yoˬ. Nawˬ hui gʼa henˇ taˍ ve hkʼe, yonˍ ve teˇ ceuˬ awˬ hkʼaw lo nawˬ hui yeˬ chaweh chehˇ taˍ leh, oˇ ve hta‸ pa taw chiˇ mvuh ve teˇ ceuˬ gʼaˇ hte‸ te chehˇ-oˆ.

Chaw teˇ gʼaˇ ka‸ cuˇ yiˍ maˍ yiˍ tawˇ hkawˇ leh tcuhˉ kuiˬ maˇ cawˬ ve heˍ ve tawˇ hkawˇ hta‸ yehˇ leh nawˬ hui hta‸ maˇ gʼa hpeh yuˬ veu tuˬ, shaˍ ti‸ taˍ-o‸. Tawˇ hkawˇ oˇ ve teˇ hpaˍ Hkri‸ hta‸ caˉ da‸ ve maˇ heˆ. Chaw yaˇ teˇ caˉ peuˬ teˇ caˉ piˇ taˍ ve tawˇ hkawˇ leh, miˬguiˬ hta‸ caˉ da‸ ve dawˇ hkʼaˇ ceh hpeh‸ ve yoˬ.

Nawˬ hui lehˬ, te ya‸ ve teˇ hpaˍ awˬ hkʼaw lo maˇ kʼoˆ, awˬ suhˍ awˬ shaˍ awˬ guiˬ meuˇ maˇ shoˍ ve awˬ hkʼaw lo maˇ kʼoˆ, suh taˍ ve chaw teˇ hpaˍ hpeh‸ ve htawˇ, yawˇ lehˬ nawˬ hui hta‸ Hkri‸ geh teˇ geh kʼaw‸ te‸ tu la piˇ leh, ngaˬ hui te ya‸ ve hkʼa peu-eˬ hta‸ hpehˇ hkʼa laˇ peuˬ. Awˬliˇtawˇhkawˇ hta‸ cuˇ leh ngaˬ hui awˬ hkʼoˆ venˇbaˆ taˍ ve la‸ ma‸ oˇ ve teˇ maˬ hta‸ yawˇ hkʼaˇ pehˍ ve yoˬ. Oˇ ve hta‸ la‸ ka hkʼoˆ lo hta‸ keu ve awˬ hkʼaw lo yawˇ yuˬ baˬ ve yoˬ.

Awˬ lawn kʼo, Gʼuiˬsha ve biˇ ve awˬ ceuˬ Hkri‸ ve awˬ to awˬ hkʼaw lo hkʼa biˇ cawˬ taˍ ve yoˬ. Yawˇ awˬ hkʼaw lo nawˬ hui biˇ la peuˬ. Yawˇ lehˬ, uˉ peunˍ shehˍ hpaˇ leh kanˇ paˆ cawˬ shehˍ hpaˇ hkʼa peu-eˬ ve oˉ kʼoˍ hpeh‸ ve yoˬ.

Hkʼe te leh, caˇ tuˬ dawˬ tuˬ awˬ lawn maˇ kʼoˆ, pawehˇ te ve awˬ lawn maˇ kʼoˆ, ha pa cheˆ ve awˬ nyi awˬ lawn maˇ kʼoˆ, shinˉ nyi awˬ lawn maˇ kʼoˆ, shu nawˬ hui hta‸ venˇbaˆ taˍ ve hkawˇ hta‸ taˇ na. Awˬ ceuˬ oˇ ve teˇ hpaˍ lehˬ, gaˬ la tuˬ ve awˬ ceuˬ teˇ hpaˍ ve aˉ gʼuiˬ ha ceh tiˉ hpeh‸ ve yoˬ. Ya‸ hkʼaˇ, awˬ tehˬ awˬ na ve awˬ ceuˬ lehˬ, Hkri‸ awˬ hkʼaw lo cawˬ ve yoˬ.