Populiarios Biblijos eilutės iš Tcuh yaˇ li‸ 3

Dalintis

Hkʼe te leh, Gʼuiˬsha nawˬ hui ve venˇ baˆ hta‸ shiˆ baˬ laˇ tuˬ, venˇbaˆ hta‸ dawˇ hpfuhˆ leh nyi ma kʼaw‸ pa-o. Chi hkʼe te ve kʼo, Jawˇmawˇ Gʼuiˬsha lo laˬ ve dawˇ sha ve awˬ yanˇ gaˬ la leh

Peˍtruˆ kʼoˆ ve, Ngaˬ geh hpu shi maˇ cawˬ. Ya‸ hkʼaˇ, ngaˬ cawˬ ve awˬ ceuˬ nawˬ hta‸ pe‸ laˇ ve yoˬ. Naˍzaˍrehˆ chaw Yeˍsuˆ Hkri‸ ve awˬ meh awˬ hawˉ lo juˇ kʼai loˬ teh‸ kʼoˆ piˇ ve yoˬ.

Oˇ htaˇ, yawˇ ve la‸ sha paˉ la‸ sheh hta‸ Peˍtruˆ gʼawˬ tu piˇ leh, teˇ cawˬ haˉ yawˇ ve hkui taw peh leh hkui kʼawˍ lehˍ awˬ gʼaˇ cawˬ la ve yoˬ. Yawˇ pawˆ tu leh juˇ kʼai ve yoˬ. Yawˇ hui geh teˇ geh bon yehˬ lonˉ hkʼaw lo‸-e leh juˇ kʼai, pawˆ kʼai leh Gʼuiˬ sha hta‸ chiˇ mvuh ve yoˬ.

Nawˬ hui gʼa mawˬ gʼa shiˍ ve chaw chi teˇ gʼaˇ awˬ gʼaˇ cawˬ la ve lehˬ, Yeˍsuˆ ve awˬ meh hta‸ yonˍ ve pa taw, awˬ meh oˇ ve lehˬ yawˇ hta‸ awˬ gʼaˇ cawˬ la piˇ ve yoˬ. Yonˍ ve teˇ ceuˬ lehˬ, Yeˍsuˆ hta‸ pa taw gʼa leh, yonˍ ve oˇ ve lehˬ, nawˬ hui hkʼa peu-eˬ mehˆ gʼuˇ suhˍ chaw chi teˇ gʼaˇ hta‸ hkʼa deh‸ chehˇ sha la piˇ peuˬ.