Populiarios Biblijos eilutės iš Room 6

Dalintis

Kɩwɛɛkɩm kɩhɛyʋʋ lɛ sɩm. Ɛlɛ́, kʋjɔʋ ŋgʋ́ Ɛsɔ lakɩ-ɖʋ falaa yɔ lɛ wezuu maatɛŋ ŋgʋ́ ɖihiɣ ɖa nɛ ɖa-Kɩpaɣlʋ Krɩstʋ Yesu ɖɛ-kpɛndʋʋ taa yɔ.

Pɩfɛyɩ se ɩtasɩ wɛʋ kɩwɛɛkɩm nesi taa, mbʋ́ pʋyɔɔ yɔ, paɣtʋ tatasɩ wɛnaʋ ɖoŋ mɩ-yɔɔ. Ɛlɛ́, Ɛsɔ lootiye ɖoŋ taa ɩwɛɛ.

Yee ḿbʋ́ palabɩ-ɖʋ-sɩ yɔ, pɩwɩlɩɣ se ɖa nɛ ɩ ɖɩsɩbɩna nɛ pepim-ɖʋ. Pɩlabɩ ḿbʋ́ se ɖa ɖɔɖɔ ɖihiɣ wezuu caɣʋ kɩfam ɛzɩ pɩtɩŋnaʋ Caa ɖoŋ taa nɛ Krɩstʋ fe nɛ ɛlɩɩnɩ sɩɖaa taa yɔ.

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

Đɩsɩm ɖeu se: wɛtʋ ndʋ́ ɖɩɩwɛna ɖooo lɔŋ yɔ, alɩwaatʋ ndʋ́ pakam Krɩstʋ kaamaŋkaɣ yɔɔ yɔ, pɛkpɛndɩnɩ-tʋ nɛ paka. Pɩlabɩ ḿbʋ́ se ɖɛ-wɛtʋ ńdʋ́, tɩtaatasɩ wɛnaʋ ɖoŋ ɖɔ-yɔɔ nɛ ɖɩtasɩ kɛʋ kɩwɛɛkɩm yomaa.

Pʋ-yɔɔ lɛ, mɩ-maɣmaɣ ɩkpaɣ mɩ-tɩ se ɩwɛ ɛzɩ sɩɖaa yɔ nɛ kɩwɛɛkɩm tatasɩ wɛnaʋ ɖoŋ mɩ-yɔɔ. Ɩkpaɣ mɩ-tɩ ɖɔɖɔ se ɩwɛ wezuu mɩ nɛ Krɩstʋ Yesu mɩ-kpɛndʋʋ taa se pɩkɛdɩnɩ Ɛsɔ.

Se we ɖɩkaɣ yɔɔdʋʋ yɔ? Đɩwɛɣ kɩwɛɛkɩm labʋ yɔɔ ḿbʋ́ se Ɛsɔ lootiye ɛtɛzɩ ɖɔʋ naa we? Pɩtɛkɛ ḿbʋ́ kpem! Mbá ɖa ɖɩwɛ ɛzɩ sɩɖaa nɛ kɩwɛɛkɩm tatasɩ wɛnaʋ ɖoŋ ɖɔ-yɔɔ yɔ, ɛzɩma ɖɩpɩzɩɣ ɖɩwɛɛ pɩ-taa ɖɔɖɔ yɔ?

Ɩtatɩlɩ se yee ɩkpaɣ mɩ-tɩ nɛ ɩcɛlɩ nɔɔyʋ nɛ ɩkɛ e-yomaa nɛ ɩñaŋ-ɩ yɔ, pʋbʋ, ɩkɛ e-yomaa kpem yaa we? Ḿbʋ́ ɖɔɖɔ ɩpɩzɩɣ ɩkɛ kɩwɛɛkɩm yomaa yaa Ɛsɔ yomaa. Ɛlɛ́, yee ɛyʋ ɛkɛ kɩwɛɛkɩm yom yɔ, puwokini-i sɩm taa. Yee ɛkɛ Ɛsɔ yom yɔ, piyeki nɛ ɛla mbʋ́ pʋtʋʋzaa yɔ.

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ. Puholi-mɩ nɛ kɩwɛɛkɩm nesi taa nɛ ɩpɩsɩ mbʋ́ pʋtʋʋzaa yɔ pu-yomaa.