Populiarios Biblijos eilutės iš Room 3

Dalintis

ɛyáa tɩŋa payɩ labɩ kɩwɛɛkɩm, paakaɣ naʋ Ɛsɔ koboyaɣ kaʋ. Ɛlɛ́, Ɛsɔ lakɩ-wɛ lootiye nɛ ɛpɩsɩ-wɛ kʋtʋʋzaa falaa yem. Mbʋ́ pʋyɔɔ yɔ, Krɩstʋ Yesu ha ɛ-tɩ nɛ pɩya pa-ñʋʋ.

Ńdʋ́ lɛ se: mbá patɩŋa payɩ pɛwɛnɩ lidaʋ Yesu Krɩstʋ yɔɔ yɔ, Ɛsɔ pɩsɩɣ-wɛ kʋtʋʋzaa. Mbʋ́ pʋyɔɔ yɔ, pɛfɛyɩ ndɩ nɛ ɖama

Ɛnʋ Ɛsɔ ɖʋwa se pɛkpɛdɩ ɛ-calɩm nɛ pɩtɩŋnɩ pʋ-yɔɔ nɛ ɛñalɩ mbá patɩŋa payɩ pɛwɛnɩ lidaʋ ɛ-yɔɔ yɔ, pa-kɩwɛɛkɩm. Ḿbʋ́ ɛwɩlɩnɩ ɛzɩma mbʋ́ ɛtʋʋzaa yɔ. Ɛɖɔkɩ ɛ-hɔyɛ ɖooo lɔŋ nɛ ɛtɔhɔ mbá paalabɩ kɩwɛɛkɩm yɔ pa-nɩŋgbaaŋ. Ɛñɩnɩɣ se ɛwɩlɩ ɛzɩma mbʋ́ ɛtʋʋzaa yɔ alɩwaatʋ tʋnɛ tɩ-taa nɛ paa weyi ɛsɩm-ɩ ḿbʋ́ nɛ ɛkpɛndɩ ɛpɩsɩ weyi ɛwɛnɩ lidaʋ Yesu yɔɔ yɔ kʋtʋʋzʋ.

Mbʋ́ pʋyɔɔ yɔ, Ɛsɔ ɛɛpɩsɩɣ nɔɔyʋ kʋtʋʋzʋ se ɛɖɔm paɣtʋ yɔɔ camɩyɛ. Ɛlɛ́, paɣtʋ yekina nɛ ɛyʋ tɩlɩ se ɛlabɩ kɩwɛɛkɩm.

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Nɔɔyʋ fɛyɩ se ɛtʋʋzaa, paa kʋɖʋm maɣmaɣ! Nɔɔyʋ fɛyɩ se ɛwɛ lɛɣtʋ. Nɔɔyʋ fɛyɩ ɖɔɖɔ se ɛñɩnɩɣ Ɛsɔ. Patɩŋa payɩ pelebi nʋmɔʋ, patɩŋa payɩ pɛwɛɛkaa. Nɔɔyʋ fɛyɩ se ɛlakɩ kɩbandʋ, paa kʋɖʋm maɣmaɣ!

Mbʋ́ pʋyɔɔ yɔ, ɖɩnawa se lidaʋ yɔɔ Ɛsɔ pɩsɩɣ ɛyʋ kʋtʋʋzʋ. Pɩtɛkɛ paɣtʋ yɔɔ ɖɔm yɔɔ.

Toovenim lɛ, pɩtɛkɛ ḿbʋ́! Pʋwɛɛ se paa weyi ɛtɩlɩ se paa ɛyáa tɩŋa ɛcɛtɩɣ yɔ, Ɛsɔ ñɛkɛ toovenim tʋ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋwɛɛ se patɩlɩ-ŋ se ŋkɛ toovenim tʋ ñɔ-yɔɔdaɣ taa, nɛ yee pahʋʋnɩ-ŋ yɔ, ŋwakɩ.»