Populiarios Biblijos eilutės iš Room 1

Dalintis

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

Toovenim lɛ, ńdʋ́ wɩlɩɣnɩ tam ɛzɩma mbʋ́ Ɛsɔ tʋʋzaa nɛ ɛtɩŋɩɣnɩ ɛyáa lidaʋ wɛnaʋ ɖeke koŋ yɔɔ nɛ ɛpɩsɩɣ-wɛ kʋtʋʋzaa yɔ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Weyi ɛkɛ kʋtʋʋzʋ e-lidaʋ wɛnaʋ yɔɔ yɔ, ɛwɛɣ wezuu.»

Toovenim lɛ, ɖooo ɛzɩ Ɛsɔ labʋ kedeŋa yɔ, ɛlabɩ-kɛ labʋ mbʋ́ yɔ, piyeba nɛ panaɣ ɛ-wɛtʋ ndʋ́ paanaɣ yɔ kaŋŋ nɛ e-ɖoŋ weyi ɛfɛyɩ tɩnaɣ yɔ nɛ mbʋ́ ɛkɛnaa kpem yɔ.

Pʋ-yɔɔ lɛ, paapɩzɩɣ pawaanɩ natʋyʋ. Mbʋ́ pʋyɔɔ yɔ, pasɩm Ɛsɔ, ɛlɛ́, pataɖʋ-ɩ hɩɖɛ ɛzɩ pʋmʋnaʋ yɔ, patasam-ɩ ɖɔɖɔ. Pa-lɩmaɣza nɛ pa-laŋa taa wɛɛkaa, paasɩŋ pʋyʋ.

Pakpaɣ cɛtɩm nɛ pɛlɛɣzɩ Ɛsɔ toovenim lone taa. Poluŋuu mbʋ́ Ɛsɔ laba yɔ pɩ-tɛɛ nɛ palakɩ pɩ-tʋmɩyɛ nɛ peyeki Ɛsɔ ɛnʋ ɛ-maɣmaɣ. Ŋgʋ́, laɖʋ ɛnʋ ɛ-tɛɛ pɩɩwɛɛ se poluŋ tam. Pɩla ḿbʋ́!

Đɩna kaŋŋ se Ɛsɔ pana kpa ɖooo ɛsɔdaa. Akpanɩ mbá patɩŋa payɩ pa-paa fɛyɩnɩ-ɩ nɛ palakɩ mbʋ́ pɩtatʋʋzɩ yɔ. Ḿbʋ́ ɖɩkɩnɩ ɛyáa nʋmɔʋ se pataatɩlɩ e-toovenim.

Pʋ-yɔɔ Ɛsɔ yebi-wɛ nɛ pañɩnɩɣ kpem se pala mbʋ́ pʋɖʋʋ ɛyáa fɛyɛ yɔ: halaa yebi pa-walaa cɔlɔ sʋʋ nɛ panɩɣnɩ ɖama caʋ. Ḿbʋ́ ɖɔɖɔ abalaa ñeyebi pa-halaa yɔɔ sʋʋ nɛ panɩɣnɩ ɖama caʋ ɖeke kpem. Ḿbʋ́ pɛwɛɛ nɛ palakɩ ɖama mbʋ́ pɩkpaɣ ɛyáa fɛyɛ yɔ nɛ pamʋʋ pa-nʋmɔʋ lebu kɩhɛyʋʋ ŋgʋ́ pʋmʋnaa yɔ. Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Pakpazaɣ pa-tɩ se pɛkɛ lɔŋsɩnɖaa nɛ papɩsɩ kpaanzɩyaa. Ɛsɔ ɛɛsɩkɩ kaʋ, ɛlɛ́, mbʋ́ ɛzɩ paaluŋ e-koboyaɣ tɛɛ lɛ, peyele poluŋuu ɛyʋ weyi ɛ́lɛ́ ñasɩkɩ yɔ nɛ sumasɩ nɛ kpɩna nɛ tɛtɛ ñɩtʋ pa-sɩʋ kpelisi tɛɛ.