Populiarios Biblijos eilutės iš Gḭ-Néje 12

Dalintis

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ. M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya.

Njesigənea̰ ula Abram pana: Uba naŋg ḭ mee ɓee-kojii’g gə mbuna njénojije’g ləi ləm, gə mee kəi’g lə bɔbije ləm tɔ aw dɔ naŋg gə́ ma nja m’a gə tɔjii lé.

Abram ḭ aw to gə́ Njesigənea̰ ulá lé, tɔɓəi Lɔt ḭ aw səa tɔ. Ləb Abram aḭ rɔ-siri-giree-mi (75) loo gə́ yeḛ ḭ Haran lé.

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.