Populiarios Biblijos eilutės iš PREDIKER 7

Dalintis

Wees nie haastig in jou gees om jou te vererg nie, want ergernis rus in die boesem van die dwase.

Wees goedsmoeds op die dag van voorspoed, en op die dag van onheil, bedink dan: Ook hierdie dag het God gemaak net soos daardie, daarom dat die mens ná sy dood niks meer sal ontdek nie.

Die einde van 'n saak is beter as sy begin; 'n lankmoedige is beter as 'n hoogmoedige.

want daar is geen regverdige mens op die aarde wat goed doen sonder om te sondig nie.

Want wysheid is 'n beskutting, geld is 'n beskutting; maar die voordeel van kennis is: die wysheid hou die besitter daarvan in die lewe.

'N GOEIE naam is beter as goeie olie, en die sterfdag beter as die geboortedag.

Dit is beter om te luister na die bestraffing van 'n wyse as dat 'n mens luister na die lied van die dwase.

Dit is beter om te gaan na 'n klaaghuis as om te gaan na 'n huis van maaltyd; want die eerste is die einde van al die mense, en die lewende kan dit ter harte neem.

Die hart van die wyse manne is in die klaaghuis, maar die hart van die dwase in die huis van vreugde.