Populiarios Biblijos eilutės iš यहून्‍ना 21

Dalintis

जब बे रोटी खा चुके, तौ ईसु नै समौन पतरस सै कैई, “हे समौन, यहून्‍ना के लौंड़ा, का तू इनसै जादा बढ़कै मैंसै पियार करै है?” बानै बासै कैई, “हाँ परभु, तू तौ जानै है कै मैं तेसै पियार करो हौं।” ईसु नै पतरस सै कैई, “मेरे मैमनौ कै चुंगा।” बानै फिर दूसरी दफै बासै कैई, “समौन, यहून्‍ना के लौंड़ा, का तू मैंसै पियार करै है?” पतरस नै ईसु सै कैई, “हाँ परभु, तू तौ जानै है कै मैं तेसै पियार करौ हौं।” ईसु नै पतरस सै कैई, “मेरी भेड़ौ की रखबारी कर।” ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

मैं तेसै सच-सच कैबौ हौं, जब तू जमान हो तौ अपनी कमर मै परना बांधकै जहाँ चाँहबै हो बहाँ फिरै हो, पर जब तू बुड्‍ढो होगो तौ तू अपने हात फैलागो और कोई दूसरो तेरी कमर बांधैगो और जहाँ तू ना चाँहैगो बहाँ तेकै ले जागो।”

तब बानै उनसै कैई, “किसती के दाँय हात की ओर जार डारौ तौ तुमकै कुछ मिलैगो।” इसताँई उनौनै जार फैंको मगर भौत जादा मच्‍छी होनै के कारन बे जार कै बापस खैंच ना सके।

समौन पतरस नै उनसै कैई, “मैं मच्‍छी पकड़नै जा रओ हौं।” उनौनै बासै कैई, “हम बी तेरे संग चलंगे।” बे जाकै किसती मै चढ़ गए, और बा रात उनके हात कुछ बी ना लगो।