Populiarios Biblijos eilutės iš Марк 10

Dalintis

Щайгурелъул ГӀадамил Лъимерги лъицаниги жиндие хъулухъ гьабизе вачӀун гьечӀо. Гьев вачӀун вуго цогидазе хъулухъ гьабизе ва гӀемеразе гӀоло рецӀалие жиндирго рухӀ кьезе.

Гьезухъги валагьун, ГӀисаца абуна: – ГӀадамазда гьеб кӀолареб, амма Аллагьасда кӀолебха! Аллагьасда хӀалкӀолареб жо щибниги гьечӀелъул!

ГӀисаца гьесда абуна: – А гьанже. Дурго божи-иманалъ сахлъизавуна мун. ГьебсагӀат беразда канлъиги бихьун, ГӀисада хадув къокъана гьев чи.

ХӀасил, Аллагьас цолъизабураб инсанас батӀалъизабизе бегьуларо.

Гьев чи рекӀее гӀедал, гьесухъги валагьун, ГӀисаца абуна: – Цо жо буго дуе камун: инеги ун, дурго бугеб кинабго боцӀи-рикъзи биче ва мискин-пакъирасе садакъаде кье, гьелъухъ дуе насиблъила зобалазул хазина. Цинги дихъе вачӀа, дида цадахъ вилълъине.

ГӀисаца гьесда гьикъана: – Дица щиб гьабизе дуе бокьун бугеб? Бецас жаваб гьабуна: – Я, Раббуни! Беразда нахъеги канлъи бихьизе бокьун буго.

Амма нужеда гьоркьоб гьедин букӀине бегьуларо. Нужеда гьоркьоса лъиениги бищунго кӀудиявлъун вукӀине бокьани, гьев цогидазе хъулухъалъе чӀа абе.

ХӀакълъун абулеб буго дица нужеда: Аллагьасул ПарччахӀлъи лъимаца гӀадин къабул гьабичӀев чиясе гьенибе нух гьечӀо.

Цере рукӀарал чангиял тӀарамагъаде ккела, тӀарамагъада рукӀаразул чангиял цере ккела.

Дуниял бижараб мехалдасаго Аллагьас рижана бихьинчиги чӀужугӀаданги. «Гьединлъидал эбел-эменги рехун тун, бихьинчи чӀела жиндирго чӀужуялде вуссун, ва гьел кӀиялго цолъун, цого лъугьина». Гьелдаса хадур кӀиго рукӀунаро гьел, цого рукӀуна.