Populiarios Biblijos eilutės iš Байбихьи 17

Dalintis

Ибрамица ункъоялда анцӀила ичӀго сон бараб мехалда, илгьам гьабун, БЕТӀЕРГЬАНАС гьесда абуна: «Дун вуго ХӀалкӀолев Аллагь. Дида цеве вацӀцӀадго хьваде!

Дуда цӀарги Ибрам букӀинаро, Ибрагьим букӀина, Дица мун гӀемерал халкъазул эменлъун гьавулев вугелъул.

Дица Дидаги дудаги ва дур рукӀинесел наслабаздаги гьоркьоб КъотӀи гьабила. Наслабаз наслабазухъе кьолеб абадияб КъотӀи букӀина гьеб: Дун вуго Аллагь – дурги дур наслабазулги Аллагь!

«Гьале Дица дургун КъотӀи гьабулеб буго – мун вукӀина гӀемерал халкъазул эменлъун.

Аллагьас абуна: «Дур лъади Сараца гьавизе вуго дуе вас ва дуца гьесие ИсхӀакъ абун цӀарги кьезе буго. Гьесулгун ва гьесул наслабазулгун букӀине буго Дир КъотӀи – абадияб КъотӀи.

Дица дуе ва дур наслабазе кьезе буго дуе гьабсагӀат чияраблъун кколеб гьаб ракь – Ханааналъул тӀолабго ракь абадияб мулклъун кьезе буго Дица дур наслабазе ва гьел Дир халкълъун рукӀине руго».

Гьебмехалъ Аллагьасда цеве кӀалагъоркье ккарав Ибрагьим жанисанго велъанхъана ва гьес пикру гьабуна: «Нусго сон барав херав чиясдасан лъимер лъугьунебищ? Ункъоялда анцӀго сон барай Сарацаги лъимер кин гьабулеб?» – ин.

Цоги гьадин абуна Аллагьас Ибрагьимида: «Гьанжеялдаса нахъе дур лъадуда цӀар Сарай гуреб, Сара букӀине буго.

Суннат гьабун, гӀавраталъул рагӀал къотӀе – гьеб букӀине буго Дидаги нужедаги гьоркьоб гьабураб КъотӀиялъул гӀаламатлъун.

Амма Дирго КъотӀи Дица гьабила ИсхӀакъилгун – цо лъагӀалидасан гьабго заманалда Сараца дуе гьавизе вугев васгун».

Нужер щивав васасе, гьавун микьабилеб къоялъ, суннат гьабизе тӀадаб буго. Гьедин гьабе киналго рачӀунел гӀелазги, дурго рокъов гьавурасе гуребги, дур хьоналдасан лъугьинчӀев, батӀияб халкъалъухъа вичун восарав лагъасеги. Рокъов гьавурасеги вичун восарасеги чара гьечӀого суннат гьабизе ккола. Гьедин хисулареб мугьру-гӀаламатлъун букӀина Дир абадияб КъотӀи нужер черхалда.