Populiarios Biblijos eilutės iš 1 करिंथ 13

Dalintis

प्रेम शेशेतोड व्यक्ती मना जीवनला दम फटताड, इंगा इंगोगोरमिंदा प्रेम शेस्ताड; इंगा इंगोगोरमिंदा कालाड, इंगा वाड स्वताद बढाई शेय्याड, इंगा वाड घमंडी पण लेकुंटाड. वाड इंगोगोरमिंदा अन्याय शेय्याड, वाड फक्त स्वतादे फायदा सुडाड, वानकी लग्गान कोफाम दाद, इंगा येवाराना वान संगा वाईट वागास्ते तर वाड वारनुस बदला तीस्कुनाड.

वाड आन्नी माटलु सहन शेस्ताड, वाड आन्नी माटला मिंदा विश्वास फेटताड, इंगा वाड आन्नी माटलाद आशा फेटताड.

इंगा वाड वाईट फनुलाता यप्पुडूच आनंदित काड. पण सत्यता आनंद मानास्ताड.

दिन कसोम इप्पुड मुड माटलु उंडाय याय मनाक शेस्केन उंडा बेक द्यावार मिंदा विश्वास फेट्टेद, आत्मविश्वासता वाड येम मनाक इच्ची आदी शिक्केद आशा फेट्टेद, इंगा इंगोगोर संगा प्रेम शेशेद. पण इ मुड माटलाला आंदारकाना फेद्दाद इंगोगोर संगा प्रेम शेशेद उंडाद.

वानदी प्रेम यप्पुडूच संपायाद; भविष्यवाणील संपाशी, अन्य भाषाल उंटे आय गायब आयफोई, ज्ञान उंटे तर नष्ट आयफोई

जरी नीन मन्सुलाद इंगा द्यावारदूत भाषाला माटलाडतुन्याला पण ना नोना प्रेम लेद, तर नीन वाशेद तल्या इंगा झणझनाशेद झांज उंडान.

इंगा जरी ना नोना संदेश इच्चेद वरदान उंडाद, नाक आन्नी रहस्यल इंगा आंता ज्ञान अवगत उंडाद इंगा कोंडाल हलाय मत्यान इंता ना नोना विश्वास उंडाद पण ना नोना प्रेम लेकुंड्या, तर नीन येमीच लेन.

इंगा जरी नीन नाद आंता धन कंगाल इंगा गरीबोरकी तिनदेंक इच्यान इंगा नाद फय होमार्पण कसोम इच्यान पण जर नानोना प्रेम लेकुंड्या तर नाक येमीच फायदा लेद.

यप्पुड नीन बिडा उंटीन, आप्पुड बीडालेका माटलाडतुंटीन, नीन बीडालेका विचार शेस्तुंटीन. बीडालेका समजास्तुंटीन. पण यप्पुड नीन फेद्दावोड आतीन, आप्पुड नीन शिन्नावोरी माटलु इड्सकाडतीन.