Populiarios Biblijos eilutės iš Amatayo 6

Dalintis

Henela, nnyemekange kugulolekea Umwenye gwa Annoongo kupeta yoha na gaagapala Annoongo, na Annoongo apakumpekeanga genago goa na kunnyonjokeanga.

Bahi, nkotokubhee na lipamba kwa ngani ja malabhi, kwa kubhee malabhi jitekubhee na hilebhe yabhe. Kila lichobha litekubhee na hilebhe ya lichobha elyo.”

“Nga kwa maana nannobholelanga, nkoto kubhee na lipamba kwa ngani ja chakulya chichimpakulyee na ching'welo chichimpakung'wee, wala ngani ja ngobho yakuwala mu mimele jinunji. Bholi, umomi nga chakulya jikajabhe au kupunda echocho? Na mmele, bholi nga kupunda ngobho?

Nambo mwenga pannyopa Annoongo, nnyingile mu chuumba chinu nchitabhile nnyango, ngapena mwajope Atati bhinu jwangabhonekana. Na jono agabhona gagatekuchiia apakunpekea ngwahupa.”

Bahi, henela nga chiipalikwa kujopa, ‘Atati bhitu jwammile kunani kwa Annoongo, lihina linu lya kuhalala lilumbalilwe. Umwenye gwinu guike. Upalyo gwinu gutendeke pamba pachilambo handa kunani kwa Annoongo.

Ntupekee leleni chakulya chitu cha machobha goa.

Ntulekelele kulemwa kwitu, handa na twenga chitutenda kwaalekelela bhabhatekutulemwa.

Nkotokutujingia mu malengelo, nambo ntulolekee kubhoka kwa jonijola abohu. Kwa kubhee Umwenye nga gwinu, na machili na ng'anyimo hata machobha goa. Elo.’”

“Ligongo handa mpakwaalekeleanga bhandu kulemwa kwabhenji chibhantendile, na atati jwinu jwa kunani kwa Annoongo nga chibhapakunlekelela na mwangota.

Muilolange hijuni. Ngapandanga na kuuna, wala bhangakola ngokwe joha jela. Hata henela Atati bhinu bha kunani kwa Annoongo bhapakunpekea yakulyee. Bholi, mwangota ngabha bhammbone kupunda hijuni?

Ayesu akapunda kwaalobholelanga, “Nkoto kuchibhekela hilebhe pambani pachilambo hikoko ya bhakuhalabiana na kuutu bhatenda kombola kujingila na kuhalabiana na akaabwihi kujingila na kujibha. Nchibhekele hilebhe kunani kwa Annoongo kwa kubhee hikoko na kuutu ngakombola kuhalibiana wala akaabwihi ngakombola kujiingila na kujibha. Maana penipala pajibhile ngokwe jinu, ngapena kabhele pagupakubhee ntima gwinu.”

“Ayesu akaalobholela jwakwa mundu jwakombola kwaatumikila akaakolo bhabhele. Kwa kubhee apakwaachimwa jumo na kwaapala jonojwe jwa bhele, au apakubhee na jumo na kwaabhelua jonojwe jongi. Ngakombolanga kwaatumikila Annoongo pamo na hilebhe.”

Bahi, ikabhee Annoongo akagawekela mahamba ga kunng'onda, yakubhee leleni gabhile, malabhi gatenda kujoma na kulekelwa pamooto, bholi, ngabha apakuntendelanga maha muno? Bholi, mwangota mwangahobhalelanga!”

Nambo mwenga pampakwaapekea chilebhe ahocho, ntende henela hata aganja bhinu jwammandikile akotokuhimanya chintenda. Henela ngani hejo jipakubhee jakuchiiya kwaachinu, na Atati jwinu jwaalola gantendite kwa kuchiiya, bhapakumpekea ngwahupa.”

Ayesu akapunda kulongela, “Ntamange maha, nkotokutendanga hikubho yinu yammbone kupala bhandu bhannolange. Kwakubhee handa mpakutendanga henela jaakwa ngwahupa kubhoka kwa Atati bhinu jwabhii kunani kwa Annoongo.”

Ayesu akapunda kulobhola, “Pampakutabha nkotokuhumalika handa akaandendemundu. Bhenaangota bhatenda kubheka lukenja pamiho jabhe ligongo bhabhonekane na bhandu kubhee bhatabhite. Nannobholelanga kweli, bhena angota bhatekupatanga ngwahupa jabhenji. Nambo mwenga pamtenda kutabha, nkue pamiho jinu na mpakale mahuta mu mutwe gwinu na mkwemule majunju ginu, kubhee mundu joajola akoto kuhimanya yakubhee ntabhite, nambo amanyike tu kwa Atati bhabhe jwangabhonekana. Na jonojwe Atati bhinu jwabhona gachiite apakunpekea ngwahupa.”