Populiarios Biblijos eilutės iš Utumbuli 17

Dalintis

Kipindi Abulamu pajabii na yaka tisini na tisa, Bambu Sapanga ampitila nukumpwagila, “Nepani na Sapanga jwana makili. Pwata ulongosi wangu na masoba goti guhenga gaganengane.

“Tumbuka sajenu, ngabagukemi kabe Abulamu, ila bagukema Ibulaimu, ndaba nuguhengiki kuba wa atati ba bandu ba ndema jingi.

Niitunza lilaganu langu libiya la yaka yanga na mwisu kwaku wehapa ni ibeleku yaku. Na nepani niibia Sapanga waku na Sapanga jwiibeleku yaku yoti.

Nhenga lilaganu heli nawepa, wiibiya atati ba bandu bandema jingi.

Sapanga anzibua, “Ngahela, ila nhwanu waku Sala jagubelakiya mwana mwanalomi, nanagu wankema Isaka. Naligangamalisa lilaganu langu kwaki ni ibeleku yaki kuba lilaganu la yaka petapeta.

Nagupekia wehapa ni ibeleku yaku nndema gongo jejuje sajenu wehapa unngeni, nndema goti guku Kaanani gwiibia gwiibeleku yaku nanepani niibia na Sapanga wabu.”

Hapa Ibulaimu japega magoti mbaka kibongi sagusa pai, jaheka mmwoju jaki koni jakaholaliya, “Eti kuwesikana sakaka le mwana kusaliwa kukunseja jwa yaka mia moja? Boo Sala jojubii na yaka tisini juwesa le kupata mwana?”

Ndipala Sapanga ampwagila Ibulaimu, “Nhwanu waku nga bankemi kabe Salai ila liina laki libiya Sala.

Kusekuliwa jandu kwinu ndi kwibia alama ji lilaganu kati jangu na mwanganya.

Lakini lilaganu langu lela liibonikana kwaka Isaka mweni, jojuwe Sala jagubelakiya pa mwaka kipindi ngati senze.”

Kutumbuli sajenu kila mwana mwanalomi jojwiisaliwa kwinu elihika lisoba la nani jupalika kusekuliwa jandu. Kila mwanalomi mu ibeleku inu, jukubi ntumwa jojusaliwi mu nyumba jinu au ntumwa jobundombiki ku lupija lwinu kuhuma kwa ageni banga ibeleku yaku, kila jojusaliwi mu nyumba jaku na hata joandombiki ku lupija lwaku jupalika kusekuliwa jandu. Heji ndi nginyuli ji lilaganu langu mu nhyega inu, lilaganu la yaka yoti yanga na mwisu.