Populiarios Biblijos eilutės iš Romapụ 14

Dalintis

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ. Túminị́ mị ḅara pa fịrịnwangị Krais pịrị sa, n Tamuno mịẹm o bieḅẹlẹ túminị́ pịghị ḅara pụ́nụ́ anị pịrị.

Wa duma duma wa duma Kị́nị́nyánáḅọ ma pịrịm, wa fịịfịị, wa fịị Kị́nị́nyánáḅọ ma pịrịm. Anịgo, ḅọ́rọ́ wa duma o wa fịị o, wamịnị Kị́nị́nyánáḅọ ma nyẹẹ.

Anịma go, wamịnị wámịna ịnyọ láa ḅara mịẹsị diin akuo bẹnyẹ ma mịẹ, pịghị jụghọ jụghọ kụrọma bẹnyẹ.

Anịgo, o ḅoo wa jụghọ jụghọ sịbị ḅẹ́rẹ́kọpẹlẹ ma sẹ́ma. Anịmanakaragha ị kúkúbie mịẹ karakáráma ḅẹ́, ị nyẹ mịẹbịgha mị́naḅọ bịghịma bẹnyẹ anịgha mịẹsị nḅọ siinyẹ bie sọ.

Tọ́ndiri ma bie n gịẹ ḅara: <<A dumafịnị ḅara ma, Kị́nị́nyánáḅọ ọkọ dughom, ḅụ́ọ́sịbị gonyẹ́ gonyẹ́ i toruku ẹkpẹrẹkịbẹm; ḅẹ́lẹ̄ gonyẹ́ gonyẹ́ dugho pághámabẹm ḅẹ́ Irị Tamuno.>> Anịgo, wamịnị kị́nị́mamgba wámịna bịpị dugho Tamuno pịrịbẹm n ḅọ mịẹnyẹ, nḅọ pịghị go anị mịẹnyẹ.

Ori minini kụrọghaḅọ ma daá ḅụ pịrị, kụ́ma ori na nyẹ nụná ma ọ mịẹbẹnyẹ na ọ mịẹbịgha nyẹ.

Ịrị tụọ jụghọ fịrịnwangịḅọ sịbị ḅẹ́rẹ́kọarị ḅo? Ómóniḅọ ma nyánáḅọ anịị ine dugho bẹḅọ ḅọ́rọ́ ori fịrịnwangịḅọ ibifịrị nwángị anịgha o sii fịrịnwangị nwángịị. Nnị ibifịrị nwángịbẹm tegó Kị́nị́nyánáḅọ ma ine mịẹbẹm sị nnị ibifịrị nwángị.