Populiarios Biblijos eilutės iš Romapụ 12

Dalintis

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Minima siiamịẹnyẹ ị sọ́ḅa, anịmanakaragha ibi pa siinyẹ gbẹ́ẹ̄.

Ọ mịnaapụ ḅara pa jụghọ jụghọ ḅẹlẹma, osigha pa jụghọ jụghọ pịrị ọ́ ḅụ nẹ́ngịma.

Karakárá ḅẹlẹma nyáná, siinyẹ ḅẹlẹmama, ibinyẹ ma ọlọ sẹ maá.

Ị́yẹ́ ịnyọ láa ḅara mịẹsị kị́nị́mamgba na diin ḅụ fịnịị.

Súghúbima, ị́yẹ́ nangwọapụ, kuma wárịso Tamuno ma igani anị mịẹ, n gịẹ kóróma ḅara tọ́ndiri ma bie, <<Súghúbi inyee, a nna gbẹfịnyẹ pa pịrịbẹm, anịị Kị́nị́nyánáḅọ dugho ḅara.>>

Ịnyọ faá mịẹma, kụ́ma ịnyọ pa fịrịnwangịị. Ị tẹ́mẹ́ gbọrụ pa fịrịnwangị Kị́nị́nyánáḅọ ma pịrị.

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

Ḅọ́rọ́ tumḅọ ị mịẹ irimam, irima nyẹ pa n ḅọ gbẹ́ẹ̄ ma. Arịị ḅẹẹ, ị karakárányẹ ma mịẹm kị́nị́mamgba toruku.

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Anịmanakaragha, Tọ́ndiri ma bie n gịẹ kóróma ḅara: <<Ḅọ́rọ́ ḅuru ị́yẹ́ iruonaḅọ tarịarị, fị́nyẹ pa ọ pịrị fịị; Ḅọ́rọ́ ọ pụghọ sámụ́nọ́m, nyẹ pa ọ pịrị ḅuu; Ị mịma mịẹarị sa, ị dọghụarị anyị mgbọ́lụ pa ọ sịbị gbánāarị.>>

Tamuno ḅara bii ḅẹ́ ori ị pa tọ́rụ́siarịmaarịapụ ma karịibima, bii ori nnị karịibima, sị ori nnị gbo ma. Bieḅẹlẹ́arịpụ dua bieḅẹlẹ, owuarịapụ dua owuú.

Ị nyánányẹ pa nyẹ́ḅụ kụ́rọ mịnaapụ ma na die, pịghị ḅụ́pọ́ findi igoniapụ pịrị.

Ọ́rụ́ḅọ ọ́rụ́ḅọ gbẹ́rẹ́ oju nyanam oju ma pịghị mụmbụ mụmbụ nyanam, mụmbụ mụmbụ ma pịghị nna kịrịkị́rị́ fịrị nyanam. Anị gbẹ́rẹ́ ḅara ma, karakárányẹ ḅẹẹ, wamịnị mánámánáapụ, kụ́ma wamịnị gbẹ́rẹ́ ḅụ ḅụ imii Krais bie, wa jụghọ jụghọ na ḅolom, gbẹ́rẹ́ oju ma mụmbụ mụmbụ ḅụ.