Populiarios Biblijos eilutės iš Matta 24

Dalintis

Maakatǝm shilɔ la la daa, a dul kɛl nɨɨ, kɔrɔ nǝbɨɨ swɨkatǝm jinɔ yǝla yǝla a gul. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Jǝ́ nyʊwa nyʊwa kɛl tatǝm kun jǝbɔ fulon kun. Ka jǝ́ nyʊwa lɛ taal, kanjǝl nɨ bwɨ bwɨ nyɔ, dɨltǝm tǝmɔ a la bɔ dɨn.

Bǝlǝntǝmɔ tabka tabka kun. Fɔlɔntɨnɔ gabka gabka kɨlan. Jǝ maa maa jʊwan bwɨla jǝbɔ mǝgatǝm tǝm a daatɨnɔ gǝm a lada. Wʊnɨ nǝn gɔ tǝltǝm gaalanɔ dɨnɨ.

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Nǝbɔ a lada na bɛ lɛ a mʊgɔ dun mɨɨ, sʊwa lɛ gɔ, ‘Nǝmǝ mǝ Kiristi,’ jǝ swag swag nǝbɔ a lada.

“Jǝ ta jen ta, jǝ nǝ jen nǝ gaalan, jǝ jʌ jen jʌ. Yooligɔ kul jen kul a kɛl dul mɨ. Nǝbɔ a lada nyɔ na yǝla lɛ a nǝn gul a nǝtǝm bɨlǝngkɛl jinɔ gǝmɨ, jǝ miyoka miyoka, jǝ kulko kulko. Nǝbkuwotǝmkǝga gabakɛlɔ gun gun a lada, jǝ swag swag nǝbɔ a lada.

Nǝngɔ Yesu a jǝla ji gɔ, “Bɛ jǝ́ nyǝm kage kaa nǝl a swag jen.

Gǝ na nyɔ jen tʌjen bɛ jǝ́ fɛka yɨm jenɔ, Bʊla Nǝlɨ bɛ lɛ nǝn kwama nɨ jǝ́ maa bɔ bʊʊlalɨ.

“Bɛ jǝ́ fɛka yɨm jenɔ, jʊ a bwɨɨ jǝ́ nyǝm bɔ kɔkɔ nɨ Tɛlalɔ jenɔ bɛm lɛɨ.

“Mɨ nǝn nʊ nɨ a nyǝm kumɔ, jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ nɨ a dʌbʌli jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ.

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Kanga ja maam nǝn jol Nuhui, jǝ maa nyɔ a bɛtǝm Bʊla Nǝlɨ. Nǝn kwamagɔ mwɛ nɨ a fʌlʌm tǝmɔ gwamɨ a lǝga bɔ a bɛɨ, nǝbɔ ja lɛ, nɔɔ lɛ, jǝ naaka lɛ, a bɛ ba la kwama Nuhu a dɔm tɨyamwɛngɨ. Nǝn kwama la ja nyǝmǝm jʊ nɨ bwɨ lɛɨ, mwɛ nɨ a fʌl tǝmɔ gwamɨ, a ba wɔɔ ji gwam. Yǝlam nyɔ nǝn bɛtǝm Bʊla Nǝlɨ.