Populiarios Biblijos eilutės iš Matyiu 24

Dalintis

N‘ ikabojana bobe bo ka diyi boitě, itândě ja baitě i ka vâtândi. Ndi a ka lilimidě kwanga nal‘ ihuku, mâ tepě a ka yongě.

Sango tě eyamu ya ipangiya ja Hěvěn ekaně e ka hamanudwěndi o he yěhěpi, ilanguwa ja betomba beěhěpi; vâkâna ihuku i pândi.

O ka yokandini beduka na sango ja beduka: yěněkěteni wa vavaleni: ’kabojana belombo těkabe beěhěpi be ka hamandi, ndi ihuku i ha pâye.

Yeně ’tomba e ka yani na epâkwě, dině ipangiya na ipâkwě; usalâku, na bevuva, be ka diyandi, na he ninganakě o loboko lâkâ. Belombo těkabe beěhěpi ndi jali ja ngěbě.

Oba na he be ka tombandi, ndi ndaga jamě ja tombe.

Ikabojana baitě ba ka viyandi na dina jamě, na, Umba ndi Kraist; vâkâna ba ka temidi baitě.

Vâkâna ba ka kândândi ’nyěni ka yěnudwě majili, na bâ‐ba ka weyaka ’nyěni: o ka binakwěni na betomba beěhěpi o nyanga ya dina jamě. Baitě ba ka kâbândi, na bâ‐ba ka kândânâkâ, na bâ‐ba ka binanaka. Basâki ba bojowa baitě ba ka těměndi, na bâ‐ba ka temakidě baitě.

Ka Jisus a timbwana bâ, na, Bandamakiděni o banga moto a temidě inyěni.

Ndi diyakani tepě kokěngo; ’kabojana iwěla janyu i ha pikilakiya jâ ndi ja Mwana moto i pâkě.

Nandi pepwakani: ’kabojana wa ’wěni iwěla ja Upangiyi muanyu i vakě.

Ndi buhwa těboně n‘ iwěla tědině bea ’wane na moto, tombe na enjěl ja Hěvěn, kabo Hangwě ’amě pa.

Ikabojana Kraist ja bojowa i ka pândi, na basâki ba vela ba ka levidi ndembo na megoma; e jaka na e na ngudi e hamakě, te ba ka temiděndi ba pânwěngo.

Pani ka hwi ja Noa i diyakidi, nyanga ya Mwana moto e ka viyě, e ka diya tepě nonaně. Ikabojana o hwi ja tonda e t‘ o pâ, ba diyakite ba jaka, ba mâtâkâ, ba baka, na bâ‐ba věněkě o maba, kwanga nala o buhwa boa Noa bo ngakiyedi o Ark, bu yowakě, kabo tonda e pâkidi, na nângâ bâ běhěpi; iviya ja Mwana moto i ka diya tepě nonaně.