Populiarios Biblijos eilutės iš AkwaRoma 8

Dalintis

Karo tu na dimuka ci Nyambi aa tenda enu yoihe ku kwamena pofoci nawa kowa a na mu shimi, awa naethsa kokuthza kesheteka yenthzi.

Inene naa tawa shemwa ci kwithsa ethsi nga thsi tu tepa ku thsishimo thsa Nyambi, ikare kufa, nji mwoyo, nji tungeru, nji yoikoro, nji enu eyi i diko pano nji eyi i keya, nji okoro, nji ore, nji othzungi, nji ngara thsinu mu kaye, kwithsa ethsi thsa ku twethsa ku tu tepa ku thsishimo thsa Nyambi oku ku di mwa Krisitu Yesu Fumu wetu.

Mofoci kengeyo, Mupepo aa tu kwathsa mu kufaratera kwetu. Ka tu dimuka eyi tu na roera ku romberera, unone aye Mupepo aa tu romberera keshiro yo kukana ku twethsa ku tongonona.

Uno honi ine tu amba keyi enu eyi? Ngeci Nyambi aa twimanena, edye nga o tu rwithsa?

Mweyo honi, kwithsa raturo kowa a di mwa Krisitu Yesu.

Ku pakera maano efota yerama po kufa, uno honi ku yoya keyi a fota Mupepo po yaa twara ku mwoyo no thsiyaro.

Dyombo, mweyi enu yoihe eyi twaa pita awa na othzo kenthzi aye oyu naa tu shimi!

Naa shimba ci makando o rerodino tumba nga a anekethziwa ku kutethzima oku kwa ku hokoriwa ku kwetu.

Edye oyu wa ku tu tepa ku thsishimo thsa Krisitu? Ene kenge ya kwikara dikando nji, nji dikarara, nji kunyandithsiwa, nji ndombo, nji wira, nji okaru, nji mwere?

Karo oyu na fotithsithsanga micima thzetu na dimuka maano o Mupepo, inene Mupepo aa direreranga akwakutawa kokuthza komu a na shimena Nyambi.

Inene wahe awa a na endithsiwa ku Mupepo wa Nyambi po wodiyo ana Nyambi.

Inene awa a na yoyo keshima yerama aa pakera maano o kwinu yerama, uno honi awa a na yoyo ko Mupepo aa pakera maano o kwinu yo Mupepo.

Aye oyu wa kanine kwandwa Mwane shemwa unone wa u tu pire twahe, ngepi honi nga a ku kwanga ku tu pa ko thsihemo mofoci na Mwane enu yoihe?

Aye Mupepo thsinda aa pa ombangi no mipepo thzetu ci twana Nyambi. Apo honi ngeci twana, twashwana. Twashwana kutethzima kwa Nyambi, karo twaenthza Krisitu mu kushwana, ngeci twaa nyanda shemwa nenthzi ci nga natwe twa ku tambure kutethzima kwenthzi.

Inene maano aa a na pakeriwa kwifota yerama aa rwithsa Nyambi, ka a cihuthsa kushi thzo murao wa Nyambi, karo tumba a tende kengeyo.

Kaye kokahe ka na taterera nene thsikati ethsi a ku hokora Nyambi anenthzi.

Inene tu na dimuka ci kaye kokahe ku na kuma thsino thsikati na ka shiri mukaci ko kukora ko ku ninga eci mbuyama o ku nyatithsa.